Double Occupancy OTT : పగలు అమ్మాయి... రాత్రి అబ్బాయి - ఓటీటీలోకి సడన్గా తమిళ రొమాంటిక్ కామెడీ... తెలుగులోనూ స్ట్రీమింగ్
Double Occupancy OTT Platform : తమిళంలో సూపర్ రెస్పాన్స్ అందుకున్న రీసెంట్ రొమాంటిక్ కామెడీ ఫాంటసీ మూవీ సడన్గా ఓటీటీలోకి వచ్చేసింది. తమిళంతో పాటు తెలుగులోనూ స్ట్రీమింగ్ అవుతోంది.
Reshma Venkatesh's Double Occupancy OTT Streaming : భాషతో సంబంధం లేకుండా డిఫరెంట్ కాన్సెప్ట్తో వచ్చే మూవీస్ ఎప్పుడూ సూపర్ రెస్పాన్స్ అందుకుంటాయి. రీసెంట్గా తమిళంలో వచ్చిన రొమాంటిక్ కామెడీ ఫాంటసీ థ్రిల్లర్ 'డబుల్ ఆక్యుపెన్సీ' (Double Occupancy) మంచి టాక్ సొంతం చేసుకుంది. జూన్ 12న ప్రేక్షకుల ముందుకు వచ్చిన సినిమా సరికొత్త కథాంశంతో ప్రేక్షకులను అలరించింది. ఇప్పుడు ఎలాంటి ముందస్తు అనౌన్స్మెంట్ లేకుండా సడన్గా ఓటీటీలోకి వచ్చేసింది.
ఎందులో స్ట్రీమింగ్ అంటే?
ప్రముఖ ఓటీటీ అమెజాన్ ప్రైమ్ వీడియో (Amazon Prime Video)లో శుక్రవారం నుంచి 'డబుల్ ఆక్యుపెన్సీ' మూవీ స్ట్రీమింగ్ అవుతోంది. తమిళంతో పాటు తెలుగు, కన్నడ, మలయాళం భాషల్లో అందుబాటులోకి వచ్చింది. అశ్విన్ కందస్వామి దర్శకత్వం వహించిన ఈ సినిమాలో సంతోష్, రేష్మా వెంకటేశ్, సంయుక్త విశ్వనాథన్, వీటీవీ గణేష్, భగవతి పెరుమాల్, వినోద్ కిషన్, జీవా సుబ్రమణియన్ తదితరులు కీలకపాత్రలు పోషించారు. శ్యామ్ సీఎస్ మ్యూజిక్ అందించగా... ప్రముఖ నటి, నిర్మాత ఖుష్బూ సుందర్ (అవ్ని సినిమాస్ బ్యానర్), బెంజ్ మీడియా సంయుక్తంగా నిర్మించారు.
Also Read : Roshan Kanakala : సుమ కొడుకు రోషన్ సరికొత్త ప్రయోగం - సైన్స్ ఫిక్షన్ జానర్... స్పెషాలిటీ ఏంటంటే?
స్టోరీ ఏంటంటే?
డబుల్ ఆక్యుపెన్సీ... పేరుకు తగ్గట్లుగానే రెండు డిఫరెంట్ రోల్స్తో ఆద్యంతం నవ్వులు పూయిస్తూ సాగే రొమాంటిక్ కామెడీ ఫాంటసీ స్టోరీ. సెన్సిటివ్ అంశంతోనే నవ్వులు పూయించారు మేకర్స్. పుట్టుకతోనే ఓ విచిత్రమైన సమస్య వల్ల హీరో/హీరోయిన్ రజిని జీవితం ఇబ్బందిగా మారుతుంది. ఉదయం 6 గంటల నుంచి సాయంత్రం 6 గంటల వరకూ అమ్మాయిలా (రేష్మా వెంకటేశ్), సాయంత్రం 6 గంటల నుంచి తర్వాత రోజు ఉదయం 6 గంటల వరకూ అబ్బాయిలా (సంతోష్) జీవిస్తాడు.
పగలు అమ్మాయిగా ఓ బయోటెక్ కంపెనీలో పని చేస్తూ అబ్బాయి కార్తిక్ (వినోద్)ను లవ్ చేస్తుంది ఆ క్యారెక్టర్. రాత్రి అబ్బాయిగా బార్లో వర్క్ చేసే క్యారెక్టర్ ప్రియ (సంయుక్త విశ్వనాథన్)ను లవ్ చేస్తాడు. మరి ఈ వింత పరిస్థితి వల్ల ఒకే వ్యక్తి ఎలాంటి ఇబ్బందులు పడ్డాడు? ఆ సమస్య ఆ వ్యక్తికి ఎందుకు వచ్చింది? ఆయా క్యారెక్టర్లలో తన ప్రేమను గెలిపించుకున్నాడా? అతన్ని ప్రేమించిన వారికి నిజం తెలిసిందా? అనేది తెలియాలంటే మూవీ చూడాల్సిందే.
టాప్ హెడ్ లైన్స్
ట్రెండింగ్ వార్తలు
