Baahubali Torchbearer OTT : ఓటీటీలోకి బాహుబలి టార్చ్ బేరర్ స్ట్రీమింగ్ - స్పెషాలిటీ ఏంటో తెలుసా?
Baahubali Torchbearer OTT Platform : బాహుబలి ఫ్రాంచైజీ తెర వెనుక షూటింగ్ జర్నీ 'బాహుబలి ది టార్చ్ బేరర్' పేరుతో ఓటీటీలోకి వచ్చేసింది. మొత్తం 4 ఎపిసోడ్స్‌తో డాక్యుమెంటరీ స్ట్రీమింగ్ అవుతోంది.
Baahubali Torchbearer OTT Streaming : తెలుగు సినిమా స్థాయిని ప్రపంచ స్థాయికి తీసుకెళ్లిన హిస్టారికల్ ఎపిక్ బాహుబలి. ప్రభాస్, రానా ప్రధాన పాత్రల్లో నటించిన ఈ మూవీని దర్శకధీరుడు రాజమౌళి తెరకెక్కించగా... ప్రపంచవ్యాప్తంగా రూ.2,400 కోట్లకు పైగా వసూళ్లు సాధించింది. తాజాగా 'బాహుబలి ది టార్చ్ బ్యారర్' పేరిట రూపొందించిన డాక్యుమెంటరీ సిరీస్ ఓటీటీలోకి వచ్చేసింది.
ఎందులో చూడొచ్చంటే?
మొత్తం 4 ఎపిసోడ్స్‌గా వచ్చిన ఈ సిరీస్‌లో బాహుబలి తెర వెనుక కథలతో పాటు యాక్షన్ సీక్వెన్స్, టీం ఎంత కష్టపడింది? తెర వెనుక యాక్షన్ సాహసాలు ఎలా చేశారు? షూటింగ్ జర్నీ, రాజమౌళి అండ్ టీం చేసిన పడ్డ కష్టం అన్నీ చూపించారు. ఇంటర్నేషనల్ ఓటీటీ నెట్ ఫ్లిక్స్‌లో ఈ డాక్యుమెంటరీ స్ట్రీమింగ్ అవుతోంది.
బాహుబలి ఫ్రాంచైజీ వరల్డ్ వైడ్ దాదాపు రూ.2400 కోట్లకు పైగా కలెక్షన్స్ సాధించింది. తెలుగు సినిమా స్థాయిని పాన్ ఇండియా స్థాయికి తీసుకెళ్లిన ఈ మూవీ పదేళ్ల తర్వాత 'బాహుబలి ది ఎపిక్' పేరిట రెండు పార్టులు కలిపి ఒకే సినిమాగా రిలీజ్ చేశారు. రీ రిలీజ్‌లోనూ మంచి కలెక్షన్స్ రాబట్టింది. ఇప్పుడు డాక్యుమెంటరీ రూపంలో మరో సరికొత్త వెర్షన్ రిలీజ్ చేశారు.
ఈ మూవీలో బాహుబలిగా, శివుడిగా ప్రభాస్, భల్లాల దేవుడిగా రానా, దేవసేనగా అనుష్క, అవంతికగా తమన్నా, రాజమాత శివగామిగా రమ్యకృష్ణ, కట్టప్పగా సత్యరాజ్, బిజ్జలదేవునిగా నాజర్, సుబ్బరాజు తదితరులు కీలకపాత్రలు పోషించారు. ఆర్కా మీడియా వర్క్స్ బ్యానర్‌పై శోభు యార్లగడ్డ, ప్రసాద్ దేవినేని నిర్మించారు.
మాహిష్మతి సామ్రాజ్య పీఠం కోసం తమ్ముడిపై కుట్ర చేసిన అన్న భల్లాల దేవుడు... తల్లి శివగామితోనే బాహుబలిని చంపిస్తాడు. అక్రమంగా సింహాసనాన్ని ఆక్రమించి తల్లిని చంపేసి అరాచక పాలన సాగిస్తుంటాడు. తన తండ్రి బాహుబలి చావు, సింహాసనంపై పెదనాన్న కుట్ర గురించి నిజం తెలుసుకున్న శివుడు పెదనాన్నపైనే పోరాటానికి దిగి మళ్లీ మాహిష్మతి సింహాసనాన్ని ఎలా చేజిక్కించుకున్నాడు అనేదే కథ.
టాప్ హెడ్ లైన్స్
ట్రెండింగ్ వార్తలు
