Tollywood: 'గాడ్ ఫాదర్' సెన్సార్ పూర్తి - 'ఆకాశం' టీజర్ టాక్!
ఈరోజు టాలీవుడ్ కి సంబంధించిన లేటెస్ట్ అప్డేట్స్ మీకోసం..
'గాడ్ ఫాదర్' సెన్సార్ పూర్తి:
మెగాస్టార్ చిరంజీవి(Chiranjeevi) ప్రస్తుతం మోహన్ రాజా దర్శకత్వంలో 'గాడ్ ఫాదర్'(God Father) అనే సినిమాలో నటిస్తున్నారు. ఈ సినిమాలో నయనతార(Nayanthara), సత్యదేవ్(Satyadev) లాంటి తారలు కీలకపాత్రలు పోషిస్తున్నారు. అక్టోబర్ 5న ఈ సినిమా విడుదల కానుంది. దానికి తగ్గట్లుగా ప్రమోషన్స్ షురూ చేశారు. ఇటీవల సినిమా టీజర్, ఫస్ట్ సింగిల్ ను రిలీజ్ చేశారు. వీటికి ప్రేక్షకుల నుంచి మంచి రెస్పాన్స్ వచ్చింది. తాజాగా ఈ సినిమా సెన్సార్ కార్యక్రమాలు పూర్తి చేసుకుంది.
'గాడ్ ఫాదర్'.. 'యు/ఎ' సర్టిఫికేట్ను పొందిందని చిత్ర దర్శకుడు మోహన్ రాజా తెలిపారు. సినిమాను చూసిన సెన్సార్ సభ్యులు అభినందించారని, ఇక ప్రేక్షకులు తమ ఆశీస్సులు అందించటమే మిగిలిందని ట్వీట్ చేశారు. ఈ సినిమాలో బాలీవుడ్ స్టార్ హీరో సల్మాన్ ఖాన్(Salman Khan) ఇందులో క్యామియో రోల్ పోషిస్తున్నారు. చిరంజీవికి బాడీగార్డ్ లా కనిపించే రోల్ ఇది. కానీ సినిమా మొత్తం సల్మాన్ కనిపించరు. ఒక యాక్షన్ సీన్ లో ఆయన క్యారెక్టర్ ని హైలైట్ చేసి చూపించబోతున్నారు.
ఈ సినిమాకు తమన్ సంగీతం అందిస్తున్నారు. మెగాస్టార్ సతీమణి కొణిదెల సురేఖ ఈ చిత్రాన్ని సమర్పిస్తున్నారు. ఆర్బి చౌదరి, ఎన్వి ప్రసాద్ నిర్మాతలుగా వ్యవహరిస్తున్నారు. ఇక చిరంజీవి ప్రస్తుతం వరుస సినిమాలతో బిజీగా ఉన్నారు. మెహర్ రమేష్ సినిమాలో ‘భోళా శంకర్’, బాబీ దర్శకత్వం మరో సినిమా చేస్తున్నారు.
It’s a Clean U/A with an amazing appreciation from the Censor authorities
— Mohan Raja (@jayam_mohanraja) September 23, 2022
Waiting for the audience blessing on #GodFatherOnOct5th
'ఆకాశం' టీజర్ టాక్:
యంగ్ హీరో అశోక్ సెల్వన్ తమిళంలో డిఫరెంట్ సినిమాలు చేస్తూ తనకంటూ ఓ గుర్తింపును సంపాదించుకున్నారు. ఇటీవల అతడు నటించిన 'మన్మథలీల' సినిమా ఓటీటీలో విడుదలైంది. ఇదిలా ఉండగా.. ఇప్పుడు ఈ హీరో 'ఆకాశం' అనే సినిమాలో నటిస్తున్నారు. తమిళంతో పాటు తెలుగులో కూడా తెరకెక్కుతోన్న ఈ సినిమాలో అపర్ణ బాలమురళి, రీతూ వర్మ, శివాత్మిక రాజశేఖర్ హీరోయిన్లుగా నటిస్తున్నారు. వయాకాయ్ 18 స్టూడియోస్, శ్రీనిధి సాగర్ నిర్మిస్తున్నారు. ఆర్ఎ కార్తీక్ దర్శకుడిగా పరిచయమవుతున్నాడు. తాజాగా ఈ సినిమా టీజర్ ను విడుదల చేశారు. ఇదొక ఫీల్ గుడ్ లవ్ ఎంటర్టైనర్ అని టీజర్ ని చూస్తే అర్ధమవుతోంది. త్వరలోనే ఈ సినిమా ప్రేక్షకుల ముందుకు రానుంది.
Presenting the breezy teaser of #Aakasam
— Viacom18 Studios (@Viacom18Studios) September 23, 2022
A love story like no other ❤️💕#AakasamTeaser
See you in cinemas this november
Link- https://t.co/wjmdB8cBYh
Also Read : 'కృష్ణ వ్రింద విహారి' రివ్యూ : నాగశౌర్య నయా సినిమా ఎలా ఉందంటే?
Also Read : హిందీ సినిమా 'చుప్' రివ్యూ : రివ్యూలు రాస్తే చంపేస్తారా భయ్యా?
Before You Go
Bhumika Ramesh Biography | మేఘసందేశం భూమి రియల్ లైఫ్ స్టోరీ ఇదే
టాప్ హెడ్ లైన్స్
ట్రెండింగ్ వార్తలు
