Mark Antony: బిగ్ స్క్రీన్‌పై మళ్లీ ‘సిల్క్’ మ్యాజిక్ - సీజీతో సాధ్యం చేసిన ‘మార్క్ ఆంటోని’ టీమ్!

విశాల్, ఎస్‌జే సూర్య నటిస్తున్న ‘మార్క్ ఆంటోని’లో సిల్క్ స్మితను గ్రాఫిక్స్ ద్వారా రీక్రియేట్ చేశారు.

మార్క్ ఆంటోని ట్రైలర్‌లో సిల్క్ స్మిత

Source : Mark Antony Trailer Screen Grab

విశాల్, ఎస్‌జే సూర్య నటిస్తున్న తమిళ సినిమా ‘మార్క్ ఆంటోని’. వీరిద్దరికీ తెలుగులో మంచి మార్కెట్ ఉంది కాబట్టి డబ్ అవుతుంది. ఈ సినిమా సెప్టెంబర్ 15వ తేదీన తెలుగు, తమిళ భాషల్లో విడుదల కానుంది. ‘మార్క్ ఆంటోని’ ట్రైలర్ కూడా ఆదివారం విడుదల అయింది. ఒకప్పటి అందాల నటి సిల్క్ స్మితను కంప్యూటర్ గ్రాఫిక్స్ ద్వారా ఈ సినిమాలో రీక్రియేట్ చేశారు. అది ఇప్పుడు టాక్ ఆఫ్ ది టౌన్ అవుతుంది.

ఈ ట్రైలర్‌లో ఒక సీన్‌లో సిల్క్ స్మిత కనిపిస్తారు. సిల్క్ స్మితను ఎస్ జే సూర్య చూస్తుండగా... విశాల్ ‘మా వాడు లేడీస్ మేటర్‌లో డిసిప్లిన్డ్ గ్యాంగ్‌స్టర్.’ అనగానే ఎస్‌జే సూర్య ముందుకు వచ్చి సిల్క్ స్మిత చేతి మీద ముద్దు పెడతాడు. ఇంతే కాకుండా సిల్క్ స్మితతో ఒక స్పెషల్ సాంగ్ కూడా ఉన్నట్లు కనిపించింది.

ఇక ట్రైలర్ విషయానికి వస్తే... ఇందులో కథను పెద్దగా రివీల్ చేయలేదు. కానీ ఇంట్రస్టింగ్‌గా ప్రేక్షకుల అటెన్షన్ పొందేలా మాత్రం కట్ చేశారు. యాక్షన్, కామెడీ, సైన్స్‌ఫిక్షన్ అన్ని ఎలిమెంట్స్‌ను టచ్ చేస్తూ ఆడియన్స్ సినిమా కోసం వెయిట్ చేసేలా ఈ ట్రైలర్‌ను కట్ చేశారు. తమిళ దర్శకుడు సెల్వ రాఘవన్, తెలుగు నటుడు సునీల్ పాత్రలను కూడా ట్రైలర్‌లో చూపించారు. వీరిద్దరూ రెండేసి లుక్స్‌లో కనిపించారు ఒక ఫోన్ ద్వారా టైమ్ ట్రావెల్ చేయడం అనే పాయింట్‌పై సినిమాను ఆదిక్ రవిచంద్రన్ తెరకెక్కించారు. ట్రైలర్‌లో సైన్స్ ఫిక్షన్ ఎలిమెంట్స్‌తో పాటు విశాల్ నుంచి ప్రేక్షకులు కోరుకునే యాక్షన్ ఎలిమెంట్స్, ఎస్‌జే సూర్య మార్కు కామెడీ కూడా ఉన్నాయి. హీరో విశాల్, ఎస్‌జే సూర్య ఇద్దరూ ‘మార్క్ ఆంటోని’లో డ్యూయల్ రోల్ చేయనున్నారు. ఎస్‌జే సూర్య పాత్ర, ఆయన నటన సినిమాపై ఆసక్తిని మరింత పెంచింది.

గత కొంత కాలంగా కోలీవుడ్ హీరో విశాల్ ఓ హిట్ కోసం ఎంతో ఆశగా ఎదురు చూస్తున్నాడు. 2018 లో వచ్చిన 'అభిమన్యుడు' సినిమా తర్వాత ఇప్పటివరకు విశాల్‌కు మరో హిట్టు పడలేదు. ప్రస్తుతం విశాల్ ఏకంగా మూడు సినిమాలతో బిజీగా ఉన్నాడు. అందులో 'మార్క్ ఆంటోనీ' కూడా ఒకటి. ఈ సినిమాలో విశాల్ రెండు డిఫరెంట్ పాత్రల్లో కనిపించనున్నారు. టైమ్ ట్రావెల్ బ్యాక్ డ్రాప్‌లో ఈ సినిమా రూపొందిందని టీజర్, ట్రైలర్‌లను చూసి చెప్పవచ్చు. ఇప్పటికే సినిమా నుంచి రిలీజ్ అయిన పోస్టర్స్, టీజర్, ట్రైలర్ మంచి రెస్పాన్స్ ని అందుకున్నాయి. ఆడియన్స్‌లో క్యూరియాసిటీని పెంచాయి. ‘ఐ లవ్యూ డీ’ అంటూ సాగే పాట కూడా బాగా వైరల్ అవుతోంది. ‘మార్క్ ఆంటోని’ సినిమాతో విశాల్ ఎలాగైనా హిట్ కొట్టాలనే కసితో ఉన్నాడు.

సెప్టెంబర్ 15వ తేదీన తమిళం, తెలుగు భాషల్లో ఈ సినిమా విడుదల కానుంది. తెలుగు హీరోయిన్ రీతు వర్మ ‘మార్క్ ఆంటోని’లో కథానాయికగా నటిస్తోంది. ఎస్ జె సూర్య, సునీల్ కీలక పాత్రల్లో నటిస్తున్నారు. జీవీ ప్రకాష్ కుమార్ సంగీతం అందిస్తున్నారు. ‘మార్క్ ఆంటోని’ సినిమాని మినీ స్టూడియోస్ ఎల్ఎల్‌పీ బ్యానర్ పై ఎస్ వినోద్ కుమార్ నిర్మిస్తున్నారు.