Valimai Trailer:గ్రిప్పింగ్‌గా ఉంది, అజీత్‌కు మహేష్ బాబు సపోర్ట్, ‘వలిమై’ ట్రైలర్ రిలీజ్

అజీత్ కుమార్ హీరోగా, కార్తీకేయ ప్రతినాయకుడిగా నటిస్తున్న ‘వలిమై’ చిత్రం ట్రైలర్‌ను గురువారం మహేష్ బాబు ట్విట్టర్ వేదికగా రిలీజ్ చేశారు.

అజీత్ కుమార్, మహేష్ బాబు

అజీత్ కుమార్(Ajith Kumar) అభిమానులు ఎప్పుడెప్పుడా అని ఎదురుచూస్తున్న ‘వలిమై’ (Valimai) చిత్రం విడుదలకు సిద్ధమైపోయింది. ఈ చిత్రాన్ని తమిళంతోపాటు తెలుగు, కన్నడ తదితర భాషల్లో కూడా విడుదల చేస్తున్న సంగతి తెలిసిందే. ఈ సందర్భంగా గురువారం సూపర్ స్టార్ మహేష్ బాబు చేతులు మీదుగా ‘వాలిమై’ తెలుగు ట్రైలర్‌ను విడుదల చేశారు. ఈ ట్రైలర్‌ను ట్వీట్ చేసిన మహేష్ బాబు గ్రిప్పింగ్‌గా ఉత్కంఠభరితంగా ఉందని, ఈ చిత్రం విజయవంతం కావాలని కోరుకుంటున్నాంటూ చిత్ర యూనిట్‌ను అభనందించారు. 

ఈ చిత్రంలో తెలుగు నటుడు కార్తికేయ ప్రతినాయకుడు పాత్రలో నటిస్తున్న సంగతి తెలిసిందే. హాలీవుడ్ యాక్షన్ సన్నివేశాలను తలపించే బైక్ స్టంట్స్‌తో ఈ చిత్రం ప్రతి ఒక్కరినీ ఆకట్టుకుంటుందని భావిస్తున్నారు. పైగా ఈ చిత్రాన్ని దివంగత నటి శ్రీదేవి భర్త బోనీ కపూర్ నిర్మిస్తుండటం విశేషం. ఈ చిత్రానికి హెచ్.వినోద్ దర్శకత్వం వహిస్తున్నారు. ఈ చిత్రంలో ఇంకా హుమా ఖురేషీ, బానీ, సుమిత్ర, అచ్యుంత్ కుమార్, యోగి బాబు, రాజ్ అయ్యప్ప, పుగజా తదితరులు నటిస్తున్నారు. ఈ చిత్రానికి హెచ్.వినోద్ దర్శకుడు. యువన్ శంకర్ రాజా సంగీతాన్ని అందిస్తున్నాడు. 

Intense and absolutely gripping! Wishing #AjithKumar and the entire team of #Valimai a massive success! 👍https://t.co/tUFOuQfx1y@BoneyKapoor #HVinoth @thisisysr @BayViewProjOffl @ZeeStudios_ @ActorKartikeya #NiravShah @humasqureshi @bani_j

— Mahesh Babu (@urstrulyMahesh) February 10, 2022

ఈ చిత్రంలో అజీత్ పోలీస్ ఆఫీసర్‌గా కనిపిస్తున్నారు. వరుస దోపిడీలతో పోలీసులకు కునుకు లేకుండా చేస్తున్న ఓ బైక్ గ్యాంగ్‌ను పట్టుకొనే క్రమంలో అజీత్ పోలీస్ ఉద్యోగాన్ని కోల్పోతాడని ట్రైలర్‌ను బట్టి తెలుస్తుంది. ఆ గ్యాంగ్ లీడర్ కార్తికేయ వేసే ఉచ్చులో చిక్కుకుని ఉద్యోగం కోల్పోయిన హీరో.. ఎలా ప్రతీకారం తీర్చుకుంటాడనేది కథనం. అయితే, ఈ చిత్రంలో ఉత్కంఠభరిత సన్నివేశాలు యాక్షన్ చిత్రాలను ఇష్టపడే సినీ ప్రేమికులను కట్టిపడేస్తాయి. ట్రైలరే ఇంత గ్రిప్పింగ్‌గా ఉందంటే.. సినిమా తప్పకుండా అజీత్ అభిమానులను ఆకట్టుకుంటుందని తెలుస్తోంది. ఈ చిత్రంలోని కొన్ని సన్నివేశాలను రష్యాలో చిత్రీకరించడం విశేషం. అలాగే, ‘వలిమై’లోని కొన్ని బైక్ సన్నివేశాలన్నీ అజీత్ డూప్ లేకుండానే చేయడం గమనార్హం.