Upcoming Movies: ఈ వారం కూడా చిన్న సినిమాల సందడే - థియేటర్లు, ఓటీటీల్లో రిలీజ్ అయ్యే మూవీస్ ఇవే!
జులై చివరి వారంలోనూ చిన్న సినిమాలే థియేటర్లలో సందడి చేయనున్నాయి. ఓటీటీలో పలు తాజా సినిమాలు, వెబ్ సిరీస్ లు విడుదల కానున్నాయి.
జులై నెలలో చాలా వరకు చిన్న సినిమాలే థియేటర్లలో సందడి చేశాయి. వీటిలో కొన్ని మాత్రమే సక్సెస్ అయ్యాయి. పెద్ద సినిమాలు విడుదల కాకపోవడంతో చిన్న సినిమాల హవా కొనసాగింది. ఈ నెల చివరి వారంలోనూ పలు చిన్ని సినిమాలు థియేటర్లతో పాటు ఓటీటీలో సందడి చేసేందుకు సిద్ధం అయ్యాయి.
థియేటర్‌లో విడుదలయ్యే చిత్రాలు ఇవే!
1. ఎల్‌జీఎం (తెలుగు) - ఆగస్టు 4
క్రికెట్ ప్రపంచంలో తనకంటూ ఓ ప్రత్యేక స్థానం సంపాదించుకున్న టీమిండియా మాజీ కెప్టెన్ ఎంఎస్ ధోనీ, సినిమా ప్రపంచంలోకి అడుగు పెట్టారు. రీసెంట్ గా ధోని ఎంటర్టైన్మెంట్ అనే నిర్మాణ సంస్థను స్థాపించారు. ఈ సంస్థ నుంచి అతడి భార్య సాక్షి నిర్మాతగా ‘ఎల్‌జీఎం’ చిత్రం తెరకెక్కుతోంది. ఫీల్ గుడ్ మూవీగా రూపొందుతున్న ఈ సినిమాకు రమేష్ తమిళ మణి దర్శకత్వం వహిస్తున్నారు. హరీష్ కల్యాణ్, ఇవానా (లవ్ టుడే ఫేమ్), యోగి బాబు, మిర్చి విజయ్, నదియా సహా పలువురు కీలక పాత్రలు పోషిస్తున్నారు. ఈ సినిమా ఆగస్టు 4న విడుదలకానుంది.
2. కృష్ణగాడు అంటే ఒక రేంజ్ - ఆగస్టు 4
రిష్వి తిమ్మరాజు, విస్మయ శ్రీ హీరో హీరోయిన్లుగా తెరకెక్కిన చిత్రం 'కృష్ణ గాడు అంటే ఒక రేంజ్`. శ్రీ తేజస్ ప్రొడక్షన్ బ్యానర్ పై ఈ సినిమా రూపొందింది. రీసెంట్ గా ఈ సినిమా ట్రైలర్ ను ప్రముఖ నిర్మాత దిల్ రాజు విడుదల చేశారు. యాక్షన్, కామెడీ, రొమాన్స్ తో కూడిన ఈ ట్రైలర్ అందరినీ ఆకట్టుకుంది. ఈ మూవీ ఆగస్టు 4న రిలీజ్ కానుంది.
3. రాజుగారి కోడిపులావ్ - ఆగస్టు 4
AMF, కోన సినిమా బ్యానర్లు సంయుక్తంగా ‘రాజు గారి కోడిపులావ్’ సినిమాను నిర్మించాయి. ఈ సినిమా ద్వారా శివ కోన దర్శకుడిగా సినిమా పరిశ్రమకు పరిచయం అవుతున్నారు. సినిమాలో చాలా వరకు కొత్త నటులు ఉన్నారు. బుల్లితెరపై తనకంటూ ఓ ప్రత్యేక గుర్తింపు తెచ్చుకున్న ప్రభాకర్ ఈ చిత్రంలో ప్రధాన పాత్ర పోషిస్తున్నారు. ఈ మూవీ ఆగస్టు 4న ప్రేక్షకుల ముందుకు రానుంది.
4. విక్రమ్‌ రాథోడ్‌ - ఆగస్టు 4
తమిళ నటుడు విజయ్ ఆంటోని తాజా చిత్రం ‘విక్రమ్‌ రాథోడ్‌’. బాబు యోగేశ్వరన్‌ తెరకెక్కించిన ‘తమిళరసన్‌’ తెలుగులో ‘విక్రమ్‌ రాథోడ్‌’గా రాబోతోంది. కౌసల్యరాణి ఈ చిత్రాన్ని తెలుగు ప్రేక్షకులకు అందిస్తున్నారు. ఎమోషనల్‌ థ్రిల్లర్‌ కథాంశంతో తెరకెక్కిన ఈ చిత్రం తెలుగు ప్రేక్షకులను ఆకట్టుకుంటుందని చిత్రబృందం భావిస్తోంది. ఇళయరాజా సంగీతం అందించిన ఈ సినిమా ఆగస్టు 4 రిలీజ్ కానుంది.
5. మిస్టేక్ - ఆగస్టు 4
అభినవ్ సర్దార్ హీరోగా నటిస్తున్న ‘మిస్టేక్’ మూవీ ఆగస్టు 4న విడుదలకాబోతోంది. ప్రముఖ కొరియోగ్రాఫర్ సన్నీ కొమ్మాలపాటి ఈ సినిమాకు దర్శకత్వం వహిస్తున్నారు. ASP బ్యానర్ పై ఈ సినిమా తెరకెక్కుతుంది. ఇప్పటికే సినిమా పోస్ట్ ప్రొడక్షన్ కార్యక్రమాలు పూర్తిచేసుకున్న ఈ మూవీ విడుదలకు రెడీ అయ్యింది.
6. దిల్‌సే - ఆగస్టు 4
అభినవ్ మదిశెట్టి , స్నేహ సింగ్ హీరో హీరోయిన్లు గా నటించిన చిత్రం ‘దిల్ సే’. ట్రయాంగిల్‌ లవ్‌స్టోరీగా రూపొందిన ఈ సినిమా శ్రీ చైతన్య క్రియేషన్స్, శ్రీరామ్ క్రియేషన్స్ బ్యానర్ పై రూపొందుతోంది. రవికుమార్ దర్శకత్వం వహిస్తున్నారు. ఈ మూవీ ఆగష్టు 4న ప్రేక్షకుల ముందుకు రానుంది.
ఓటీటీలోసందడి చేసే సినిమాలు, సిరీస్‌లు ఇవే!
నెట్‌ఫ్లిక్స్‌
1 .చూనా (హిందీ వెబ్ సిరీస్) - ఆగస్టు 3
2. రంగబలి - ఆగస్టు 4
3. ది హంట్‌ ఫర్‌ వీరప్పన్‌ (సిరీస్) - ఆగస్టు 4
హాట్‌ స్టార్‌
1. గార్డియన్స్‌ ఆఫ్‌ ది గెలాక్సీ3 - ఆగస్టు 2
2. దయా (తెలుగు సిరీస్)- ఆగస్టు 5
సోనీ లివ్‌
1. పరేషాన్‌ (తెలుగు) - ఆగస్టు
2. పోర్‌ తొడిల్‌ (తమిళం) - ఆగస్టు 4
Read Also: ‘కల్కి’పై కలవరం - ట్రోల్స్‌ను కూడా నాగ్ అశ్విన్ సీరియస్‌గా తీసుకుంటున్నారా?
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
