Inimel Promo: శృతి హాసన్ తో లోకేష్ రొమాన్స్- బాబోయ్ మరీ ఇంతలా రెచ్చిపోయారేంటి?

తమిళ దిగ్గజ దర్శకుడు లోకేష్ కనగరాజ్ ప్రేక్షకులకు షాక్ ఇచ్చారు. నటుడిగా వెండితెర మీద అడుగు పెట్టిన ఆయన, శృతి హాసన్ తో ఓ రేంజిలో రొమాన్స్ చేశారు.

లోకేష్, శృతి హాసన్(Photo Credit: Raaj Kamal Films Internationa/Youtube)

Lokesh Kanagaraj and Shrutis Romance: తమిళ స్టార డైరెక్టర్లలో ఒకరుగా కొనసాగుతున్నారు లోకేష్ కనగరాజ్. ఆయన తెరకెక్కించిన రీసెంట్ మూవీస్ ‘విక్రమ్’, ‘లియో’ బాక్సాఫీస్ దగ్గర వసూళ్ల సునామీ సృష్టించాయి. ఇప్పుడు  లోకేష్ మెగా ఫోన్ వదిలి నటుడి అవతారం ఎత్తారు. శృతిహాసన్ తో కలిసి ‘ఇనిమేల్’ అనే మ్యూజిక్ వీడియోను చేస్తున్నారు. ఈ పూర్తి సాంగ్ త్వరలో విడుదల కానుంది. తాజాగా దీనికి సంబంధించి ఓ చిన్న ప్రోమోను విడుదల చేశారు. ఇందులో శృతిహాసన్, లోకేష్ రొమాన్స్ చూసి ఆడియెన్స్ అవాక్కవుతున్నారు. ఇందులో మ్యూజిక్ పెద్దగా లేకపోయినా, ఇద్దరు హాట్ హాట్ గా రెచ్చిపోయిన విధానం చూసి షాక్ అవుతున్నారు. లోకేష్ రొమాన్స్ చేయడంలో మరీ ముదురులా ఉన్నాడే అని నెటిజన్స్ కామెంట్స్ చేస్తున్నారు.  

రొమాన్స్ తో అలరించిన లోకేష్, శృతి

ఇంతకాలం దర్శకుడిగా కనిపించిన లోకేష్, ఈ పాటలో ఆయన నటించిన విధానం చాలా షాకింగ్ గా ఉంది. శృతి హాసన్ తో అవలీలగా రొమాన్స్ సీన్స్ చేయడం చూసి అందరూ ముక్కున వేలేసుకుంటున్నారు. అయితే, తొలిసారి కెమెరా ముందుకు రావడంతో ఆయనలో కాస్త బెదురు కనిపిస్తోంది.  మొత్తం 18 సెకెన్ల ప్రోమో పూర్తి రొమాన్స్ తో నిండిపోయింది. థియేటర్ లో రొమాంటిక్ సన్నివేశాలతో మొదలైన ప్రోమో, ఇంట్లో సోఫా సెట్ లో ఒకరి మీద మరొకరు పడేంత వరకు సాగుతుంది. ప్రస్తుతం ఈ ప్రోమో బాగా వైరల్ అవుతోంది. ఇప్పటికే కొన్ని సినిమాల్లో లోకేష్ గెస్ట్ రోల్ పోషించారు. అయితే, పూర్తి స్థాయి వీడియో సాంగ్ లో చేయడం, అదీ మొత్తంగా రొమాంటిక్ సాంగ్ లో నటించడం మాత్రం ఇదే ఫస్ట్ టైమ్. పీకల్లోతు ప్రేమలో ఉన్న ఓ జంట చుట్టూ ఈ సాంగ్ తిరగనున్నట్లు తెలుస్తోంది.

మార్చి 25న ‘ఇనిమల్’ వీడియో సాంగ్ విడుదల

ఇక ‘ఇనిమల్’ వీడియో సాంగ్ కు లోక నాయకుడు కమల్ హాసన్ నిర్మాతగా వ్యవహరించడంతో పాటు సాహిత్యం అందించడం విశేషం. అంతేకాదు, ఈ మ్యూజిక్ వీడియోకు శృతి హాసన్ మ్యూజిక్ తో పాటు కాన్సెప్ట్ ను కూడా అందించింది. ఎన్నో ప్రత్యేకతలతో ఈ మ్యూజిక్ వీడియో ఈ నెల(మార్చి) 25న ప్రేక్షకుల ముందుకు రాబోతోంది. ఈ మ్యూజిక్ వీడియోను ద్వారకేష్ ప్రభాకర్ తెరకెక్కిస్తున్నారు.

దర్శకత్వం వదిలేస్తారా?   

 వాస్తవానికి కొద్ది రోజుల క్రితం లోకేష్ కనగరాజ్ తన దర్శకత్వం గురించి కీలక వ్యాఖ్యలు చేశారు. 10 సినిమాల తర్వాత మళ్లీ దర్శకత్వం చేయను అన్నారు. ఈ నేపథ్యంలో ఆయన నటుడిగా మారాలని భావిస్తున్నట్లు అర్థం అవుతోంది. ఇక ‘ఇనిమేల్’ మ్యూజిక్ వీడియో విడుదల అయ్యాక, ఆయన యాక్టింగ్ స్కిల్స్ విషయంలో ఓ క్లారిటీ వచ్చే అవకాశం ఉంటుంది. ఈ వీడియో ప్రేక్షకులను బాగా ఆకట్టుకుంటే నటుడిగా ఆయన కెరీర్ ప్రారంభం అయినట్లేనని చెప్పుకోవచ్చు. లోకేష్ తన తర్వాతి చిత్రాన్ని సూపర్ స్టార్ రజనీకాంత్ తో చేస్తున్నారు. త్వరలో ఈ సినిమా షూటింగ్ ప్రారంభం కానుంది.