Asha Saini: ప్రధానితో పరాచకాలా? ఆశాషైనీపై నెటిజనులు గుర్రు, ఆ వీడియో డిలీట్ చేయాలని డిమాండ్
నటి ఆశా షైనీపై బీజేపీ మద్దత్తుదారులు ఆగ్రహం వ్యక్తం చేస్తున్నారు. వెంటనే ఆ వీడియోను డిలీట్ చేయాలని డిమాండ్ చేస్తున్నారు.
లేటు వయస్సులోనూ అందాల ఆరబోతలో తగ్గేదేలే అంటూ దూసుకెళ్తున్న ఆశాషైనీ (Flora Saini) తాజాగా తన ఇన్స్టాగ్రామ్లో పోస్ట్ చేసిన వీడియో నెటిజనులు మండిపడుతున్నారు. ప్రధానితో పరాచకాలేమిటీ? వెంటనే ఆ వీడియోను డిలీట్ చేసేయ్ అని డిమాండ్ చేస్తున్నారు. అయితే, ఆమె అభిమానులు మాత్రం అందులో తప్పేముందని ఆశాషైనీని వెనకేసుకుని వస్తున్నారు. ఇంతకీ ఆ వీడియోలో ఏముంది? బీజేపీ సపోర్టర్లను ఆ వీడియో ఎందుకు నచ్చడం లేదు?
ఇటీవల ప్రధాన మంత్రి నరేంద్ర మోదీ ఓ కార్యక్రమంలో ‘‘మన భారతీయుల టాలెంట్..’’ అంటూ తన ప్రసంగాన్ని మధ్యలో ఆపి పక్కకు చూశారు. ఆ వీడియోను ఓ వ్యక్తి ఎడిట్ చేసి.. ఆశా షైనీని చూసి ఆయన నోట మాట రానట్లుగా క్రియేట్ చేశాడు. ఆ వీడియో తయారు చేసిన వ్యక్తికి ఆశాషైనీ థ్యాంక్స్ చెబుతూ.. ఇన్స్టాలో పోస్ట్ చేసింది. ఈ వీడియోను కొందరు పాజిటీవ్గా తీసుకోగా.. మరికొందరు మాత్రం సీరియస్గా తీసుకున్నారు. ప్రధాని హోదాలో ఉన్న వ్యక్తితో ఇలాంటి వీడియోలు చేయకూడదని చిక్కుల్లో పడతావని హెచ్చరిస్తున్నారు. ఆయన హోదాకు గౌరవం ఇవ్వాలని అంటున్నారు. తప్పకుండా నిన్ను బీజేపీ మద్దతుదారులు టార్గెట్ చేసుకుంటారని మరికొందరు కామెంట్ల ద్వారా ఆమెను అలెర్ట్ చేశారు. కానీ, ఆశాషైనీ మాత్రం అవేవీ పట్టించుకోలేదు. ఇంకా ఆ వీడియోను అలాగే ఉంచింది.
View this post on Instagram
1990లో ‘ప్రేమ కోసం’ సినిమాతో తెలుగు తెరకు పరిచయమైన ఆశా షైనీ.. ఆ తర్వాత ‘అంతా మని మంచికే’, ‘చాలా బాగుంది’, ‘చెప్పాలని ఉంది’ సినిమాలతో మంచి పేరు తెచ్చుకుంది. ఆ తర్వాత బాలయ్య నటించిన ‘నర్శింహానాయుడు’ సినిమాలో ‘‘లక్స్ పాపా..’’ సాంగ్తో మంచి క్రేజ్ సంపాదించింది. ‘నువ్వు నాకు నచ్చావ్’ చిత్రంలో ప్రత్యేక పాత్రతో ఆకట్టుకుంది. మార్చి 2008లో ఆశాషైనీని చెన్నైలో నకిలీ వీసా కలిగిఉన్నదనే నేరం మీద అరెస్టు చేశారు. దీంతో తమిళ చిత్ర పరిశ్రమ ఆమెను బహిష్కరించింది. తాను నిర్దోషినని చెప్పుకోవడంతో రెండు వారాల తర్వాత ఆ నిషేధాన్ని ఎత్తి వేశారు. ‘ఆకాశంలో సగం’ సినిమా తర్వాత బాలీవుడ్ సినిమాలు, వెబ్ సీరిస్ల్లో ఆశాషైనీ బిజీగా మారిపోయింది. ఘాటు సీన్లతో కుర్రకారును పిచ్చెక్కిస్తోంది. 
టాప్ హెడ్ లైన్స్
ట్రెండింగ్ వార్తలు
