They Call Him OG: సల్మాన్ ఖాన్ తర్వాత పవన్తోనే - తెలుగులో విలన్గా ఎంట్రీ ఇస్తున్న మరో బాలీవుడ్ హీరో!
పవన్ కళ్యాణ్, సుజీత్ల ‘ఓజీ’ సినిమాలో బాలీవుడ్ నటుడు ఇమ్రాన్ హష్మిని ప్రధాన ప్రతినాయకుడిగా ఎంపిక చేశారు.
ప్రస్తుతం పవన్ కళ్యాణ్ చేతిలో ఉన్న సినిమాలన్నిటిలో ఫ్యాన్స్కు కిక్కిస్తుంది ‘ఓజీ’నే. సినిమా ప్రకటన నాటి నుంచి ఎప్పటికప్పుడు ఏదో ఒక అప్డేట్ ఇస్తూ ఈ సినిమా వార్తల్లో ఉంటూనే వస్తుంది. ఇప్పుడు ‘ఓజీ’ నుంచి మరో కీలకమైన అప్డేట్ వచ్చేసింది. బాలీవుడ్ రొమాంటిక్ హీరో ఇమ్రాన్ హష్మి ‘ఓజీ’ సినిమాలో ప్రధాన ప్రతినాయకుడి పాత్రలో కనిపించనున్నారు. ఇమ్రాన్ ప్రస్తుతం సల్మాన్ ఖాన్ నటిస్తున్న ‘టైగర్ 3’లో విలన్గా నటిస్తున్నారు. ప్రతి నాయకుడిగా ఆయన రెండో సినిమా ‘ఓజీ’ కానుంది.
ఇటీవలే కోలీవుడ్ క్రేజీ యాక్టర్ అర్జున్ దాస్ను కీలక పాత్రకు ఎంపిక చేశారు. మరో ప్రముఖ తమిళ హీరో విశాల్ వదిన శ్రియా రెడ్డి కూడా ఇందులో కనిపించనున్నారు. ఈ సంవత్సరం చివర్లో కానీ, 2024 ప్రారంభంలో కానీ ఈ సినిమా విడుదల కానుందని తెలుస్తుంది. పవన్ కళ్యాణ్ కూడా ప్రస్తుతం తన మొదటి ప్రాధాన్యత ఈ సినిమాకే ఇచ్చారు. ఇప్పటికే రెండు షెడ్యూళ్లు పూర్తి చేసుకుని, మూడో షెడ్యూల్ కూడా శరవేగంగా సాగుతుంది. మాఫియా బ్యాక్డ్రాప్లో ఈ సినిమా సాగుతుందని తెలుస్తోంది. 2011లో వచ్చిన ‘పంజా’ తర్వాత పవన్ కళ్యాణ్ మాఫియా బ్యాక్డ్రాప్ ఉన్న కథలో నటించడం ఇదే మొదటి సారి. దీంతో ఫ్యాన్స్ ఈ సినిమాపై చాలా ఆశలు పెట్టుకున్నారు.
మరోవైపు పవన్ కళ్యాణ్, క్రిష్ల కాంబినేషన్లో తెరకెక్కుతున్న ‘హరిహర వీరమల్లు’లో కూడా బాలీవుడ్ నటుడే ప్రతి నాయకుడిగా కనిపిస్తున్నారు. బాబీ డియోల్తో పవన్ కళ్యాణ్ ఢీకొట్టనున్నారు. మొదట ఈ పాత్రలో అర్జున్ రాంపాల్ నటించాల్సింది కానీ షూటింగ్ ఆలస్యం అవుతూ ఉండటంతో ఆయన తప్పుకున్నారు. అర్జున్ రాంపాల్ స్థానంలో బాబీ డియోల్ను తీసుకున్నారు. మొగలు చక్రవర్తి ఔరంగజేబు పాత్రలో బాబీ డియోల్ కనిపించనున్నారు.
పవన్ కళ్యాణ్ 'వారాహి' యాత్ర మొదలు కానున్న నేపథ్యంలో 'ఓజీ' సహా మిగతా సినిమా షూటింగులకు బ్రేక్ వస్తుందని కొందరు భావించారు. అయితే, అటువంటి సందేహాలకు పవన్ & దర్శక, నిర్మాతలు చెక్ పెట్టారు. గుంటూరు, విజయవాడ పరిసర ప్రాంతాల్లో చిత్రీకరణకు ఏర్పాట్లు చేస్తున్నారు. రాజకీయాలతో పాటు సినిమా షూటింగులకు టైమ్ కేటాయిస్తానని పవన్ చెప్పడంతో ఏపీలో షూటింగులు జరగనున్నాయి. జూన్ తొలి వారంలో హైదరాబాద్ నగరంలో కొన్ని రోజులు షూటింగ్స్ చేశారు.
'ఓజీ' చిత్రానికి పవర్ స్టార్ అభిమాని, 'సాహో' ఫేమ్ సుజీత్ (Sujeeth) దర్శకత్వం వహిస్తున్నారు. డీవీవీ ఎంటర్టైన్మెంట్ పతాకంపై శ్రీమతి పార్వతి సమర్పణలో డీవీవీ దానయ్య నిర్మిస్తున్నారు. 'ఆర్ఆర్ఆర్ : రౌద్రం రణం రుధిరం' తర్వాత ఆయన నిర్మిస్తున్న చిత్రమిది. ఆల్రెడీ ముంబైలో ఓ షెడ్యూల్ చేశారు. అందులో పవన్ పాల్గొనగా కీలక సన్నివేశాలు చిత్రీకరించారు. ఈ సినిమాలో ప్రకాష్ రాజ్ కూడా నటిస్తున్నారు. ఆయన కూడా షూటింగులో జాయిన్ అయ్యారు.
When we have the #OG, we should also have a badass who is powerful and striking… 🔥🔥🤙🏻
— DVV Entertainment (@DVVMovies) June 15, 2023
Presenting you all, the nemesis @EmraanHashmi! #FireStormIsComing 🔥#TheyCallHimOG 💥 pic.twitter.com/CmBBTFvSdR
టాప్ హెడ్ లైన్స్
ట్రెండింగ్ వార్తలు
