Thangalaan Release Date: చియాన్ విక్రమ్ 'తంగళన్' వచ్చేది అప్పుడేనట? - ఆ మూవీ రిలీజ్ వాయిదానే కారణమా?

విక్రమ్, పా రంజిత్ కాంబోలో వస్తున్న చిత్రం 'తంగళన్'. ఈ సినిమా రిలీజ్ కి సంబంధించి క్రేజీ అప్ డేట్ వైరల్ గా మారింది.

Image Credit: Instagram

తమిళ స్టార్ హీరో విక్రమ్ నటిస్తున్న తాజా హిస్టారికల్ అడ్వెంచర్ గా రూపొందుతున్న సినిమా తంగళన్. మాళవిక మోహనన్ హీరోయిన్ గా నటిస్తోంది. తమిళ టాప్ డైరెక్టర్ పా రంజిత్ దర్శకత్వం వహిస్తున్నారు. ఈ సినిమా రిలీజ్ కి సంబంధించి తాజా అప్ డేట్ ఇప్పుడు సోషల్ మీడియాలో వైరల్ గా మారింది. వచ్చే ఏడాది సంక్రాంతి బరిలో నిలవనున్నట్టు తెలుస్తోంది. అంతర్జాతీయ స్థాయిలో ఈ సినిమా రూపొందిస్తున్నారు. ఇప్పటికే ఈ సినిమాకు అనుకున్న బడ్జెట్ కంటే యాభై శాతం మించిపోయింది. ఖర్చు విషయంలో ఎక్కడా వెనక్కి తగ్గకుండా 8 అంతర్జాతీయ అవార్డుల్ని దక్కించుకోవడమే లక్ష్యంగా ఈ సినిమాను నిర్మిస్తున్నారు.

ఇదే కారణమా..?

విక్రమ్ తంగళన్ సినిమాను సంక్రాంతికి విడుదల చేయాలనుకోవడానికి కారణం మరొక భారీ బడ్జెట్ సినిమా ఇండియన్ 2 అని తెలుస్తోంది. డైరెక్టర్ శంకర్ దర్శకత్వంలో లోకనాయకుడు కమల్ హాసన్ ఇండియన్ 2( తెలుగులో భారతీయుడు 2) నటిస్తున్నారు. ఈ సినిమాను తొలుత సంక్రాంతికి విడుదల చేయాలని భావించారు. కానీ ఇది ఆలస్యం అయ్యే అవకాశం ఉందని ఇండియన్ 2 నిర్మాతల్లో ఒకరైన ఉదయనిధి స్టాలిన్ ఇటీవల సంకేతాలు ఇచ్చారు. ఇంకా కొన్ని రోజుల షూటింగ్ మిగిలే ఉందని తర్వాత పోస్ట్ ప్రొడక్షన్ పనులు ఉంటాయని చెప్పుకొచ్చారు. దీంతో వచ్చే ఏడాది ఏప్రిల్ కి ఇండియన్ 2 వాయిదా పడుతుందని తెలుస్తోంది. దీంతో సంక్రాంతికి విక్రమ్ తంగళన్ విడుదల చేయాలని చిత్ర యూనిట్ రెడీ అవుతోందట.

స్టూడియో గ్రీన్ బ్యానర్ పై జ్ఞానవేల్ రాజా నిర్మిస్తున్న ఈ చిత్రం 1800ల కాలంలో సాగే పీరియాడికల్ డ్రామాగా రూపొందుతోంది. కోలార్ బంగారు గనుల నేపథ్యంలో ‘కేజీఎఫ్’ రూపొందింది. అయితే, అదే కేజీఎఫ్ గనుల్లో జరిగిన కొన్ని నిజఘటనల ఆధారంగా ‘తంగళన్’ రూపొందుతోందని తెలుస్తోంది. ఈ చిత్రం 3Dలో తెరకెక్కనున్నట్లు తెలుస్తోంది. తెలుగు, తమిళంతో పాటు హిందీలో కూడా ఈ చిత్రాన్ని విడుదలచేయనున్నారు.

విక్రమ్ బర్త్ డే సందర్భంగా ఇటీవలే 'తంగళన్' సినిమాకు మేకింగ్ వీడియోను రిలీజ్ చేశారు. అదిరిపోయే యాక్షన్ సన్నివేశాలతో ఈ మూవీ రూపొందిస్తున్నట్లు తెలుస్తోంది.  వీడియోలో ప్రధానంగా విక్రమ్ పాత్రను హైలెట్ చేసింది. విక్రమ్ క్యారెక్టర్ కోసం రెడీ అవుతున్న విజువల్స్ ను అద్భుతంగా చూపించారు. ‘తంగళన్‌’లోని  పాత్రకు తగినట్లుగా విక్రమ్ తన బాడీని మలుచుకున్నారు. భారీగా బరువును తగ్గడంతో పాటు తన మజిల్స్ లో బలాన్ని తగ్గించుకున్నారు.  2023లో మోస్ట్ అవైటెడ్ గా తంగళన్ క్రేజ్ దక్కించుకుంది.

సంక్రాంతికి సినిమాల పండగే పండగ

ఇప్పటికే సంక్రాంతి బరిలో సూపర్ స్టార్ మహేష్ బాబు ‘గుంటూరు కారం’ సినిమా విడుదల అయ్యేందుకు సన్నాహాలు జరుగుతున్నాయి. రవితేజ ‘ఈగల్’ సినిమా కూడా విడుదల అయ్యే అవకాశాలు ఉన్నాయి. ఇక పాన్ ఇండియా సినిమా ‘హనుమాన్’ సంక్రాంతి సందర్భంగా జనవరి 12ణ విడుదల కానున్నట్లు ఇప్పటికే మేకర్స్ ప్రకటించారు. ఇప్పుడు తమిళ సూపర్ స్టార్ విక్రమ్ సినిమా కూడా ఇదే టైమ్ కి వస్తే బరిలో భారీ బడ్జెట్ సినిమాలు నిలిచినట్టే.

Join Us on Telegram: https://t.me/abpdesamofficial