Jr NTR War 2: టైం వచ్చేసింది, 'వార్‌ 2' సెట్‌లో అడుగుపెట్టబోతున్న ఎన్టీఆర్‌ - ఫుల్‌ యాక్షన్‌ మోడ్‌లోకి గ్లోబల్‌ స్టార్‌

Jr NTR: జూనియర్‌ ఎన్టీఆర్‌ 'వార్ 2' ఎంట్రీ అంతా సిద్ధమైంది. త్వరలోనే తారక్‌ వార్‌ 2 సెట్‌లోకి అడుగుపెట్టబోతున్నాడు. త్వరలోనే ఫుల్‌ యాక్షన్‌ మోడ్‌లోకి దిగబోతున్నాడు.

Image Credit: Twitter

Jr NTR To Be Joining in war 2 Set this Week: మ్యాన్‌ ఆప్‌ మాసెస్‌, గ్లోబల్‌ స్టార్‌ జూనియర్‌ ఎన్టీఆర్‌ (Jr NTR) ప్రస్తుతం 'దేవర' మూవీ షూటింగ్‌తో బిజీగా ఉన్నాడు. కొరటాల శివ దర్శకత్వంలో భారీ బడ్జెట్‌తో తెరకెక్కుతున్న ఈ చిత్రం ప్రస్తుతం శరవేగంగా షూటింగ్‌ జరుపుకుంటుంది. పాన్‌ ఇండియాగా వస్తున్న ఈ సినిమాపై భారీ అంచనాలు నెలకొన్నాయి. ఇక దీని తర్వాత తారక్‌ త్వరలో బాలీవుడ్‌ ఎంట్రీ ఇవ్వబోతున్న సంగతి తెలిసిందే. హృతిక్ రోషన్‌ యాక్షన్‌ ఎంటర్‌టైనర్‌ 'వార్‌ 2'కి కీ రోల్‌ చేస్తున్నాడు. దీంతో ఈ మూవీపై తెలుగు ఆడియన్స్‌, ఫ్యాన్స్‌లో అంచనాలు నెలకొన్నాయి. దీనిపై ఎప్పుడో ప్రకటన వచ్చిన ఇంకా ఎన్టీఆర్‌ ఈ మూవీ సెట్‌లో అడుగుపెట్టలేదు.

ఆ రోజే ఎన్టీఆర్ 'వార్ 2' మొదలు..

దీంతో ఆయన సెట్‌లోకి ఎప్పుడు ఎంట్రీ ఇస్తాడా? ఇందులో ఆయన పాత్ర ఎలా ఉంటుందనేది తెలుసుకునేందుకు నందమూరి ఫ్యాన్స్‌ ఆసక్తిగా ఎదురుచూస్తున్నారు. ఈ క్రమంలో వార్‌ 2కి సంబంధించిన ఓ అప్‌డేట్‌ బి-టౌన్‌లో చక్కర్లు కొడుతుంది. ఎన్టీఆర్‌ వార్‌ 2 సెట్‌లో అడుగుపెట్టే టైం వచ్చేసిందట. ఈ వారంలోనే ఆయన షూటింగ్‌లో జాయిన్‌ కాబోతున్నాడట. ప్రస్తుతం ఈ వార్త సోషల్‌ మీడియాలో చక్కర్లు కొడుతుంది. ఈ శుక్రవారం నుంచి తారక్‌ వార్‌ 2 సెట్‌లో సందడి చేయబోతున్నాడు. ఈ షెడ్యూల్‌ ఆయన 10 రోజుల కాల్షిట్‌ ఇచ్చాడట. ఈ షెడ్యూల్‌లో కీలకమైన యాక్షన్‌ సన్నివేశాలు చిత్రీకరించనున్నట్టు తెలుస్తోంది. ఈ షెడ్యూల్లో ఎన్టీఆర్‌తో పాటు హృతిక్ రోషన్‌ పాల్గొంటారని సమాచారం. ప్రస్తుతం ఈ అప్‌డేట్‌ చూసి ఫ్యాన్స్‌ ఫుల్‌ ఖుష్‌ అవుతున్నారు. ఇక మ్యాన్‌ ఆఫ్‌ మాసెస్‌ వార్‌ మొదలైందంటూ నందమూరి ఫ్యాన్స్‌ సంబరపడిపోతున్నారు.

ఇక ప్రస్తుతం తారక్‌ 'దేవర' షూటింగ్‌ షాట్‌ బ్రేక్‌ తీసుకున్న సంగతి తెలిసిందే. గోవా షెడ్యూల్‌ అనంతరం ఎన్టీఆర్‌ ఫ్రీగా కనిపించారు. అదే సమయంలో ఆయన 'వార్‌ 2' కోసం స్పెషల్‌ కోర్స్‌ తీసుకుంటున్నట్టు వార్తలు వచ్చాయి. ఫిట్‌నెస్‌ కోసం తారక్‌ రెండు వారాల శిక్షణ తీసుకుంటున్నట్టు గతంలో వార్తలు వచ్చాయి. ఇప్పుడు 'వార్‌ 2' సెట్‌లో అడుగుపెట్టబోతున్నాడంటూ అప్‌డేట్‌ బయటకు వచ్చింది. చూస్తుంటే ఈ ఇది నిజమే అన్నట్టుగా ఉంది. ఇదే నిజం అయితే మాత్రం ఎన్టీఆర్ ఇక ఫుల్‌ యాక్షన్ మోడ్‌లోకి దిగేందుకు ఇంకా ఒక్కొరోజే ఉంది. కాగా ఇందులో ఎన్టీఆర్‌ 'రా ఏజెంట్‌'గా(Raw Agent) కనిపించనున్నాడని సమాచారం. అయితే తారక్‌ ఈ సినిమా కోసం 100 రోజుల కాల్ షీట్స్‌ ఇచ్చాడని తెలుస్తోంది. ఇటూ దేవర షూటింగ్‌ చేస్తూనే మరోవైపు వార్‌ 2 సెట్‌లో అప్పుడప్పుడ సందడి చేసేలా ప్లాన్‌ చేసుకుంటున్నాడట. మొత్తానికి రెండు సినిమాలు షూటింగ్స్‌ ఏకకాలంలో పూర్తి చేస్తూ తారక్‌ ఫుల్‌ బిజీ బిజీగా మారబోతున్నాడు.