Sudheer16 Shoot Started: పక్కా యాక్షన్ మోడ్‌లోకి వచ్చిన సుధీర్ బాబు

Sudheer Babu New Movie Update: సుధీర్ బాబు పక్కా యాక్షన్ మోడ్‌లోకి వచ్చారు. కొత్త సినిమా షూటింగ్ స్టార్ట్ చేశారు.

సుధీర్ బాబు

తెలుగులో వెర్సటైల్ యంగ్ హీరోల్లో సుధీర్ బాబు ఒకరు. ఒక వైపు ఫీల్ గుడ్ ఫ్యామిలీ ఎంట‌ర్‌టైన‌ర్‌ సినిమాలు చేస్తారు. మరో వైపు యాక్షన్ ఫిలిమ్స్ చేస్తారు. ఎయిట్ ప్యాక్ చేసిన యంగ్ హీరోల్లో సుధీర్ బాబు ఒకరు. ఇప్పుడు ఆయన కటౌట్‌కు తగ్గ యాక్షన్ కంటెంట్ పడిందని ఇండస్ట్రీ టాక్. ఇప్పుడు సుధీర్ బాబు పక్కా యాక్షన్ మోడ్‌లోకి వచ్చారు. భవ్య క్రియేషన్స్ నిర్మాణంలో సినిమా షూటింగ్ స్టార్ట్ చేశారు.

The Action thriller #Sudheer16 Shoot Begins: సుధీర్ బాబు హీరోగా భవ్య క్రియేషన్స్ పతాకంపై ఓ సినిమా తెరకెక్కుతోంది. ఇది హై వోల్టేజ్ యాక్షన్ థ్రిల్లర్. మహేష్‌ దర్శకత్వం వహిస్తున్నారు. వి. ఆనంద ప్రసాద్ నిర్మిస్తున్నారు. ఫిబ్రవరి రెండో వారంలో పూజా కార్యక్రమాలతో సినిమాను లాంఛనంగా ప్రారంభమైంది. ఈ రోజు హైదరాబాద్‌లో రెగ్యులర్ షూటింగ్ స్టార్ట్ చేశారు. ఈ సందర్భంగా విడుదల చేసిన పోస్టర్ చూస్తే... యాక్షన్ ప్యాక్డ్ ఫిలిమ్ అనేది అర్థం అవుతోంది.

సుధీర్ బాబు ముక్కు మీద గాటు... నుదటి మీద గాయం నుంచి కారుతున్న రక్తం... కళ్లలో ఇంటెన్స్ సీరియస్ లుక్... సినిమాపై ఆసక్తి పెంచేలా ఉంది. ఈ సినిమాలో ఆయన పోలీస్ ఆఫీసర్ రోల్ చేస్తున్నారు. చిత్ర నిర్మాత వి. ఆనంద ప్రసాద్ మాట్లాడుతూ "సుధీర్ బాబు కథానాయకుడిగా 'శమంతకమణి' తర్వాత మా సంస్థలో నిర్మిస్తున్న చిత్రమిది. ఈ రోజు మొదలైన తొలి షెడ్యూల్ ఏప్రిల్ 23 వరకూ కొనసాగుతుంది. సుధీర్ బాబు, సీనియర్ హీరో శ్రీకాంత్, 'ప్రేమిస్తే' ఫేమ్ భరత్, గోపరాజు రమణ, 'జెమినీ' సురేష్, మైమ్ గోపి, అజయ్ రత్నం తదితరులపై కీలక సన్నివేశాలు తెరకెక్కించడానికి సన్నాహాలు చేశాం" అన్నారు.

 

 

 

 

 

Δείτε αυτή τη δημοσίευση στο Instagram.

 

 

 

 

 

 

 

 

 

 

 

Η δημοσίευση κοινοποιήθηκε από το χρήστη Sudheer Babu (@isudheerbabu)

సుధీర్ బాబు హీరోగా... ఇతర పాత్రల్లో శ్రీకాంత్, 'ప్రేమిస్తే' ఫేమ్ భరత్, గోపరాజు రమణ, 'జెమినీ' సురేష్, మైమ్ గోపి, అజయ్ రత్నం తదితరులు నటిస్తున్న ఈ చిత్రానికి ఛాయాగ్రహణం: అరుల్ విన్సెంట్‌, కళ: వివేక్, కూర్పు: ప్రవీణ్ పూడి, దర్శకత్వం: మహేష్, నిర్మాణ సంస్థ: భవ్య క్రియేషన్స్, నిర్మాత: వి. ఆనంద ప్రసాద్.