Sreeleela Birthday: హ్యాపీ బర్త్‌ డే శ్రీ లీల... కొత్త స్టిల్‌తో సర్‌ప్రైజ్ చేసిన పవన్ ఉస్తాద్ టీమ్

Happy Birthday Sreeleela: యంగ్ అండ్ సెన్సేషనల్ హీరోయిన్ శ్రీ లీల పుట్టిన రోజు ఇవాళ ఈ సందర్భంగా ఆమెకు పవన్ కళ్యాణ్ 'ఉస్తాద్ భగత్ సింగ్' టీం సర్‌ప్రైజ్ ఇచ్చింది.

హ్యాపీ బర్త్‌ డే శ్రీ లీల... కొత్త స్టిల్‌తో సర్‌ప్రైజ్ చేసిన పవన్ ఉస్తాద్ టీమ్

Source : https://x.com/MythriOfficial/status/1933740449002553387/photo/1

యంగ్ అండ్ సెన్సేషనల్ హీరోయిన్ శ్రీ లీల (Sreeleela)కు పుట్టినరోజు నాడు 'ఉస్తాద్ భగత్ సింగ్' (Ustaad Bhagat Singh Movie) టీం ఒక సర్‌ప్రైజ్ ఇచ్చింది. ఆ సినిమాలో పవర్ స్టార్ పవన్ కళ్యాణ్ సరసన శ్రీ లీల నటిస్తున్న సంగతి తెలిసిందే. ఈ సినిమాలో ఆవిడ ఫస్ట్ లుక్ ఎప్పుడో విడుదల అయింది. ఇప్పుడు కొత్తగా మరొక స్టిల్ విడుదల చేశారు. ఇందులో శ్రీ లీల చాలా అందంగా ఉన్నారని చెప్పాలి.

లేటెస్ట్ షెడ్యూల్‌లో పవన్ అండ్ శ్రీ లీల!
పవన్ కళ్యాణ్ పొలిటికల్ షెడ్యూల్స్ వల్ల 'ఉస్తాద్ భగత్ సింగ్' షూటింగుకు మధ్యలో ఏడాది బ్రేక్ పడిన సంగతి తెలిసిందే. అయితే ఇప్పుడు మళ్లీ మొదలైంది. ఇటీవల చిత్రీకరణకు పవన్ హాజరు అయ్యారు. సుమారు నాలుగు వారాలు ఈ సినిమాకు డేట్స్ కేటాయించారు. వీలైనంత త్వరగా పూర్తి చేయాలని దృఢ సంకల్పంతో ఉన్నారు. ఈ షెడ్యూల్‌లో పవన్ కళ్యాణ్‌తో పాటు శ్రీ లీల కూడా జాయిన్ అయ్యారు. ప్రస్తుతం పవన్, శ్రీ లీల సహా ప్రధాన తారాగణం మీద దర్శకుడు హరీష్ శంకర్ సన్నివేశాలు తెరకెక్కిస్తున్నారు. శ్రీ లీల లేటెస్ట్ స్టిల్ ఈ షెడ్యూల్‌లోది.

Team #UstaadBhagatSingh wishes the livewire, the one who spreads joy on sets, @sreeleela14 a very Happy Birthday ❤‍🔥

Have a wonderful year ahead ✨

POWER STAR @PawanKalyan @harish2you @sreeleela14 @ThisIsDSP @DoP_Bose #UjwalKulkarni @MythriOfficial @SonyMusicSouth… pic.twitter.com/n8tJgqxHGP

— Mythri Movie Makers (@MythriOfficial) June 14, 2025

పవన్ కళ్యాణ్, శ్రీ లీల కాంబినేషన్‌లో మొదటి సినిమా కావడం 'ఉస్తాద్ భగత్ సింగ్' స్పెషాలిటీ. వాళ్ళిద్దరి కెమిస్ట్రీ ఎలా ఉంటుందోనని పవన్ అభిమానులతో పాటు ఆడియన్స్ అందరూ వెయిట్ చేస్తున్నారు.

శ్రీ లీల చేతిలో అరడజను సినిమాలు!
ప్రస్తుతం శ్రీ లీల చేతిలో అరడజను సినిమాలు ఉన్నాయి. పవన్ కళ్యాణ్ సినిమా పక్కన పెడితే... కర్ణాటక మాజీ మంత్రి గాలి జనార్ధన్ రెడ్డి కొడుకు కిరీటి రెడ్డి హీరోగా రూపొందుతున్న తెలుగు - కన్నడ ద్విభాషా చిత్రం 'జూనియర్'లో ఆవిడ నటించారు. అలాగే, మాస్ మహారాజా రవితేజ సరసన 'ధమాకా' తర్వాత మరోసారి 'మాస్ జాతర'లో నటిస్తున్నారు. తెలుగులో అఖిల్ అక్కినేని హీరోగా రూపొందుతున్న 'లెనిన్' సినిమాలో కూడా శ్రీ లీల హీరోయిన్. తమిళంలో శివ కార్తికేయన్ హీరోగా రూపొందుతున్న 'పరాశక్తి'లోనూ నటిస్తున్నారు. హిందీలో కార్తీక్ ఆర్యన్ జోడీగా 'ఆషిఖి 3' చేస్తున్నారు. అది ఆవిడ బాలీవుడ్ డెబ్యూ. ఇవి కాకుండా మరికొన్ని చిత్రాలు చర్చల దశలో ఉన్నాయి.