SatyaDev's Garuda First Look : 'గరుడ చాప్టర్-1' ఫస్ట్ లుక్ పోస్టర్: ఇంటెన్స్ లుక్ తో ఆకట్టుకున్న సత్య దేవ్!
హీరో సత్యదేవ్ ప్రస్తుతం పలు ఇంట్రెస్టింగ్ ప్రాజెక్ట్స్ తో బిజీగా ఉన్నాడు. ఆయన పుట్టినరోజు సందర్భంగా 'గరుడ చాప్టర్-1' అనే చిత్రాన్ని ప్రకటించి, ఫస్ట్ లుక్ రిలీజ్ చేశారు.
వర్సటైల్ హీరో సత్యదేవ్ వైవిధ్యమైన సినిమాలతో టాలీవుడ్ లో తనకంటూ ప్రత్యేకమైన గుర్తింపు సంపాదించుకున్నారు. కెరీర్ ప్రారంభంలో క్యారెక్టర్ ఆర్టిస్టుగా మెప్పించిన ఆయన, ఇప్పుడు హీరోగా బిజీగా మారిపోయాడు. ఇప్పటి వరకు చిన్న మీడియం రేంజ్ సినిమాల్లో నటిస్తూ వస్తున్న సత్యదేవ్.. ఓ భారీ సెటప్ తో కూడిన యాక్షన్ థ్రిల్లర్ తో రాబోతున్నాడు.
శ్రీ అభిషేక్ పిక్చర్స్ బ్యానర్ లో ఓ భారీ ప్రాజెక్ట్ కు సత్యదేవ్ సైన్ చేశారు. దేవాన్ష్ నామా సమర్పణలో ప్రొడ్యూసర్ అభిషేక్ నామా ఈ చిత్రాన్ని నిర్మించనున్నారు. ఈ సినిమాతో క్రాంతి బాలా అనే కొత్త దర్శకుడు ఇండస్ట్రీకి పరిచయం కాబోతున్నాడు. ఈరోజు సత్యదేవ్ పుట్టినరోజు సందర్భంగా మేకర్స్ ఈ మూవీని అధికారికంగా ప్రకటించి, టైటిల్ అండ్ ఫస్ట్ లుక్ పోస్టర్ ను లాంచ్ చేశారు.
సత్యదేవ్ చిత్రానికి 'గరుడ చాప్టర్-1' అనే పవర్ ఫుల్ టైటిల్ ను ఫిక్స్ చేశారు. ఫస్ట్ లుక్ పోస్టర్ లో లుంగీ ధరించిన సత్య దేవ్, ఫారెస్ట్ లో తన వీపుపై ఒక అమ్మాయిని మోసుకెళ్తున్నాడు. బ్యాగ్రౌండ్ లో అడవి తగలబడుతుండగా, అతను చేతిలో ఒక కాగడా మరొక చేతిలో పెద్ద గొడ్డలి పట్టుకొని నిలబడి ఉన్నాడు. అతని వెనుక ఒక కుక్క నిలబడి ఉండటాన్ని మనం గమనించవచ్చు.
'గరుడ చాప్టర్-1' పోస్టర్ లో సత్యదేవ్ ఇంటెన్స్ గా కనిపిస్తున్నాడు. డైరక్టర్ క్రాంతి బాల హీరోని మునుపెన్నడూ చూడని సరికొత్త అవతార్ లో, యాక్షన్-ప్యాక్డ్ క్యారెక్టర్ లో ప్రెజెంట్ చేయనున్నట్లు అర్థమవుతుంది. దీని కోసం యూనిక్ పవర్ ఫుల్ స్క్రిప్ట్ రెడీ చేస్తున్నట్లు తెలుస్తోంది. ఇది సత్యదేవ్ కెరీర్ లోనే అత్యంత భారీ బడ్జెట్ తో రూపొందించిన చిత్రం కానుంది.
Special Day - Special Announcement.
Raw - Action & Thrill will TAKE OVER 💥
Here's Introducing #Garuda - The Next New Chapter🤞
The Excitement & Exhilaration will only peak from now.#AbhishekNama @DirectorKBala @amarreddy0827 @rameemusic@vasupotini @mohitrawlyani… pic.twitter.com/CohiJzfaYq
— Satya Dev (@ActorSatyaDev) July 4, 2023
భారీ స్థాయిలో తెరకెక్కుతున్న 'గరుడ' చిత్రంలో స్టార్ కాస్టింగ్, ప్రముఖ సాంకేతిక నిపుణులు భాగం కానున్నారు. హర్షవర్ధన్ రామేశ్వర్ సంగీతం సమకూరుస్తుండగా, సౌందర్ రాజన్ ఎస్ సినిమాటోగ్రాఫర్ గా వర్క్ చేస్తున్నారు. గాంధీ నడికుడికర్ ప్రొడక్షన్ డిజైనర్ కాగా, అమర్ రెడ్డి కుడుముల ఎడిటింగ్ బాధ్యతలు నిర్వర్తిస్తున్నారు. మోహిత్ రౌలియాని దీనికి ఎగ్జిక్యూటివ్ ప్రొడ్యూసర్ గా వ్యవహరిస్తున్నారు. మరిన్ని వివరాలు తెలియాల్సి ఉంది.
Also Read : విడాకులకు నిహారికా కొణిదెల దరఖాస్తు - భర్తతో విడిపోయినట్టే
ఇదిలా ఉంటే, సత్య దేవ్ 'గరుడ' తో పాటుగా ఫుల్ బాటిల్ అనే సినిమా చేస్తున్నాడు. హోమ్ బ్యానర్ లో శరణ్ కొప్పిశెట్టి దర్శకత్వంలో ఈ మూవీ తెరకెక్కుతోంది. ఇందులో అతను నందమూరి బాలకృష్ణ ఫ్యాన్ గా కనిపించనున్నాడు. ఇప్పటికే విడుదలైన ప్రమోషనల్ కంటెంట్ సినిమాపై ఆసక్తిని కలిగించింది.
Also Read : సమంత మెడలో నల్లపూసలు - పెళ్లి గురించి హింట్?
మరోవైపు సత్యదేవ్ 'జీబ్రా' అనే క్రైమ్ ఎంటర్ట్రైనర్ లో నటిస్తున్నాడు. ఈశ్వర్ కార్తీక్ ఈ చిత్రానికి దర్శకత్వం వహిస్తున్నారు. ఇక గోపాల కృష్ణ అనే డెబ్యూ డైరక్టర్ తో 'కృష్ణమ్మ' సినిమా చేస్తున్నాడు. కొరటాల శివ సమర్పిస్తున్న ఈ చిత్రం పోస్ట్ ప్రొడక్షన్ కార్యక్రమాలు జరుపుకుంటోంది.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
