Rangasthalam Mahesh : రంగస్థలం మహేశ్ డివోర్స్ - పబ్లిసిటీ జిమ్మిక్కులు వర్కౌట్ అవ్వలేదు
DFor Divorce : ప్రముఖ నటుడు రంగస్థలం మహేశ్ పబ్లిసిటీ జిమ్మిక్కు వర్కౌట్ కాలేదు. ఓ వెబ్ సిరీస్ కోసం ఆయన చేసిన లేటెస్ట్ వీడియోపై నెటిజన్స్ ఫైర్ అవుతున్నారు.
Rangasthalam Mahesh Promotional Stunt For D For Divorce Series : జబర్దస్త్తో ఫుల్ ఫేమ్ సంపాదించుకుని సినిమాల్లో తనకంటూ ప్రత్యేక గుర్తింపు తెచ్చుకున్నాడు మహేశ్ అచంట. రామ్ చరణ్ రంగస్థలంతో రంగస్థలం మహేశ్గా పాపులర్ అయ్యాడు. ఆయన తాజాగా షేర్ చేసిన వీడియో వైరల్ కాగా... అది ప్రమోషన్ అని తాజా పోస్ట్తో కన్ఫర్మ్ అయ్యింది. అయితే, పబ్లిసిటీ జిమ్మిక్కు వర్కౌట్ కాలేదంటూ సోషల్ మీడియాలో ట్రోలింగ్ సాగుతోంది. ఇంతకీ అసలేం జరిగిందంటే....
'లైఫ్ ఈజ్ అన్ప్రెడిక్టబుల్. ఎప్పుడు ఎవరికి ఏం జరుగుతుందో తెలీదు. బయట చూసిన దాన్ని బట్టి ఏవేవో ఊహించికుని నమ్మేయడం కరెక్ట్ కాదు. ముఖ్యంగా రిపోర్టర్స్, మీమర్స్... నేను నిజం చెప్పే వరకూ మీరు అనుకున్నది రాయొద్దు.' అంటూ మహేశ్ ఇన్ స్టాలో ఓ వీడియో రిలీజ్ చేశారు. దీంతో అసలు మహేశ్కు ఏం జరిగింది? అంటూ పోస్టులు చేశారు ఫ్యాన్స్.
అసలు నిజం ఏంటంటే?
రంగస్థలం మహేశ్ అంత ఎమోషనల్గా వీడియో చేసినా జనాలు పెద్దగా పట్టించుకోలేదు. అయితే, తాజాగా ఆయన చేసిన మరో వీడియో వైరల్ అవుతోంది. ప్రముఖ ఓటీటీ ఛాయ్ షాట్స్ యాప్ కోసం చేసిన వెబ్ సిరీస్ 'DFor Divorce' ప్రమోషన్స్లో భాగంగా రంగస్థలం మహేశ్ ఆ వీడియో చేసినట్లు కన్ఫర్మ్ అయ్యింది.
ప్రముఖ సైకియాట్రిస్ట్ కల్యాణ్ చక్రవర్తి సమక్షంలో రంగస్థలం మహేశ్, తన భార్యతో గొడవ పడుతుండగా... వీరిద్దరి మధ్య గొడవ ఏంటి? వీళ్ల కథేంటి ఇంకా వివరాలు తెలియాలంటే... ఛాయ్ షాట్స్ యాప్లో 'D For Divorce' చూడండి అంటూ క్లైమాక్స్లో చెప్పడం బిగ్ సర్ప్రైజ్.
View this post on Instagram
జిమ్మిక్కు ఫెయిల్?
ఇండస్ట్రీలో చిన్న సినిమాల దగ్గర నుంచి పెద్ద సినిమాల వరకూ ప్రమోషన్స్లో ఎవరికి వారు సరికొత్త ట్రెండ్తో ప్రమోషన్స్ చేస్తున్నారు. అలాగే, షార్ట్ ఫిల్మ్స్, వెబ్ సిరీస్ల్లోనూ ప్రమోషన్స్ ట్రెండ్ నడుస్తోంది. ఏమీ జరగకుండానే ఏదో జరిగిపోతుందనే ఎలివేషన్స్ ఇస్తూ... ఓ హైప్ క్రియేట్ చేసి ఫైనల్గా తూచ్ అంటూ ఇది సినిమా లేదా వెబ్ సిరీస్ కోసం చేశామంటూ రివీల్ చేస్తున్నారు.
రంగస్థలం మహేశ్ కూడా ముందు చేసిన వీడియోలో... ఏదో తన జీవితం గురించి అనేలా ఎలివేషన్ ఇచ్చారు. ఎమోషనల్ కామెంట్స్ చేశారు. పైనల్గా అది వెబ్ సిరీస్ కోసం అని తేలిపోయింది. ప్రమోషన్స్ కోసం చేసిన ఈ జిమ్మిక్కు ఫెయిలైందని నెటిజన్స్ కామెంట్స్ చేస్తున్నారు. ఎమోషన్స్తో ఆడుకోవద్దని... వేరేలా కూడా పబ్లిసిటీ స్టంట్స్ చెయ్యొచ్చని ఫైర్ అవుతున్నారు.
Also Read : Krithi Shetty : హాఫ్ శారీలో బేబమ్మ - క్యూట్ లుక్తో అందాల ఆ'కృతి'
Before You Go
Trinayani Serial Actress Ashika Padukone | 'త్రినయని' ఆషికా రియల్ లైఫ్ సీక్రెట్స్
టాప్ హెడ్ లైన్స్
ట్రెండింగ్ వార్తలు
