Ramam Raghavam OTT Release: తండ్రిని కొడుకు ఎందుకు హత్య చేయాలనుకున్నాడు? - ఓటీటీలోకి వచ్చేస్తోన్న 'రామం రాఘవం', ఎందులోనో తెలుసా!

Ramam Raghavam OTT Platform: కమెడియన్ ధన్ రాజ్, దర్శకుడు సముద్రఖని తండ్రీ కొడుకులుగా నటించి మెప్పించిన సినిమా 'రామం రాఘవం'. ఈ మూవీ త్వరలోనే 'ఈటీవీ విన్' ఓటీటీలో స్ట్రీమింగ్ కానుంది.

ఓటీటీలోకి వచ్చేస్తోన్న 'రామం రాఘవం'

Source : Twitter (X)

Dhanraj's Ramam Raghavam OTT Release On ETV Win: జబర్దస్త్ కమెడియన్ ధన్ రాజ్ (Dhan Raj) స్వీయ దర్శకత్వంలో ప్రముఖ దర్శకుడు సముద్రఖని (Samuthirakhani) కీలక పాత్రలో నటించిన లేటెస్ట్ మూవీ 'రామం రాఘవం' (Ramam Raghavam). ఈ మూవీలో వీరిద్దరూ తండ్రీ కొడుకులుగా నటించారు. ఫిబ్రవరి 21న విడుదలైన ఈ సినిమా పాజిటివ్ టాక్ తెచ్చుకుంది. తాజాగా, ఓటీటీలోనూ రిలీజ్ అయ్యేందుకు సిద్ధమవుతోంది. త్వరలోనే 'ఈటీవీ విన్' (ETV Win) ఓటీటీలోకి స్ట్రీమింగ్ కానుంది. 'కొన్ని పోరాటాలు కుటుంబాల్లోనే ఉంటాయి. కానీ ఇది పెద్ద తెరపై తుపానులా మారింది. త్వరలో వస్తోన్న బ్లాక్ బస్టర్ 'రామం రాఘవం'కు సిద్దంగా ఉండండి.' అంటూ సోషల్ మీడియా వేదికగా ప్రకటించింది. ఈ సినిమాలో మోక్ష, హరీష్ ఉత్తమన్, వాసు ఇంటూరి, సత్య, పృథ్వి, శ్రీనివాసరెడ్డి, చిత్రం శ్రీను, ప్రమోదిని, సునీల్, రాకెట్ రాఘవ, రచ్చ రవి కీలక పాత్రలు పోషించారు. 'విమానం' సినిమా దర్శకుడు శివప్రసాద్ యానాల స్టోరీ అందించగా.. అరుణ్ చిలువేరు మ్యూజిక్ అందించారు.

Some battles stay within families, but this one took the big screen by storm! 🌟 Get ready for a recent blockbuster, coming soon on @etvwin! 🎬@thondankani @DhanrajOffl @suneeltollywood @Mokksha06 @pruvibes @DirPrabhakar @Ramjowrites @Arunchiluveru @sps_off @SreedharSri4u… pic.twitter.com/uwYXRFuCLL

— ETV Win (@etvwin) March 3, 2025

కథేంటంటే..?

కమెడియన్‌గా పలు చిత్రాలతో మెప్పించిన ధన్ రాజ్ స్వీయ దర్శకత్వంలో తెరకెక్కించిన మూవీ 'రామం రాఘవం'. తండ్రీ కొడుకుల మధ్య సాగే అంశాలనే ప్రధాన కథాంశంగా ఆయన రూపొందించారు. ఇక కథ విషయానికొస్తే.. తండ్రి దశరథ రామం (సముద్రఖని) ఓ రిజిస్టార్ ఆఫీస్‌లో ఉద్యోగి. ఒక్క రూపాయి లంచం తీసుకోకుండా నీతి, నిజాయితీగా తన బాధ్యతలు నిర్వర్తిస్తుంటాడు. ఆ తండ్రికి కొడుకు రాఘవ (ధన్ రాజ్). తన కొడుకుని డాక్టర్‌ను చేయాలని రామం కలలు కంటాడు. అయితే, తండ్రిని పట్టించుకోకుండా చదువు మానేసి చిన్నప్పటి నుంచే వ్యసనాలకు బానిపై జులాయిగా తిరుగుతుంటాడు రాఘవ. కొడుకుని చూసి బాధ పడినా అతన్ని మార్చాలని ప్రయత్నించి విఫలమవుతాడు తండ్రి. చివరకు విసిగిపోయి కొడుకును అసహ్యించుకుంటాడు. వేగంగా డబ్బులు సంపాదించాలనే ఉద్దేశంతో బెట్టింగ్‌లకు పాల్పడుతూ ఊరంతా అప్పులు చేస్తాడు రాఘవ. 

అయితే, ఈ క్రమంలోనే తండ్రి సంతకాన్ని ఫోర్జరీ చేసి దొరికిపోతాడు. దీంతో రామంపై అవినీతిపరుడు అనే ముద్ర పడుతుంది. ఈ క్రమంలో కొడుకును ఇంట్లో నుంచి గెంటేస్తాడు. చివరకు ఆస్తి, ఉద్యోగం, ఇన్సూరెన్స్ డబ్బుల కోసం తండ్రినే చంపాలనుకుంటాడు రాఘవ. దీని కోసం రాఘవ ఏం చేశాడు.? తండ్రి గొప్పతనం తెలుసుకుంటాడా.? ఈ తండ్రీ కొడుకుల కథ తెలియాలంటే సినిమా చూడాల్సిందే. ప్రతి ఇంట్లో జరిగే తండ్రీ కొడుకుల మధ్య ఎమోషన్‌ను ధన్‌రాజ్ చాలా బాగా చూపించారు.