Adipurush: ‘ఆదిపురుష్’ సంబరాలు షురూ - భారీ ర్యాలీలతో ఫ్యాన్స్ హంగామా!

ప్రభాస్ సినిమా రిలీజ్ అవుతుంది అంటే చాలు ఆయన అభిమానుల ఆనందానికి అవధుల్లేకుండాపోతాయి. అందులోనూ ‘ఆదిపురుష్’ లాంటి సినిమా దేశవ్యాప్తంగా భారీ అంచనాలతో రిలీజ్ అవుతుంటే ఇక అభిమానుల సంతోషానికి లెక్కే ఉండదు.

Image Credit:Prabhas/Instagram

Adipurush: ఇప్పుడు ఎక్కడ చూసిన ‘ఆదిపురుష్’ సినిమా పేరే వినబడుతుంది. స్టార్ హీరో ప్రభాస్ ప్రధాన పాత్రలో ఓమ్ రౌత్ దర్శకత్వంలో తెరకెక్కిన ఈ మూవీ రామాయణ  ఇతిహాసాల ఆధారంగా రూపొందింది. ఈ మూవీలో రాముడిగా ప్రభాస్ కనిపించనుండగా సీతగా కృతి సనన్ కనిపించనుంది. ఇప్పటికే ఈ సినిమాకు సంబంధించిన ప్రీ రిలీజ్ ఈవెంట్ ను కూడా గ్రాండ్ గా నిర్వహించారు. ఇక రీసెంట్ గా విడుదల చేసిన ఫైనల్ ట్రైయిలర్ ఆకట్టుకోవడంతో సినిమాపై భారీ అంచనాలు ఏర్పడ్డాయి. దీంతో ప్రభాస్ ఫ్యాన్స్ ఫుల్ జోష్ లో ఉన్నారు. జూన్ 16 ‘ఆదిపురుష్’ ప్రపంచవ్యాప్తంగా విడుదల అవుతున్న నేపథ్యంలో రెబల్ స్టార్ అభిమానులు ఇప్పటి నుంచే సంబరాలు ప్రారంభించేశారు. 

భారీ ర్యాలీలతో ఫ్యాన్స్ సంబరాలు..

ప్రభాస్ సినిమా రిలీజ్ అవుతుంది అంటే చాలు ఆయన అభిమానుల ఆనందానికి అవధుల్లేకుండాపోతాయి. ‘బాహుబలి’ వంటి సినిమాలతో ప్రభాస్ పాన్ ఇండియా స్టార్ గా మారిపోయారు. దీంతో ఆయనకు దేశవ్యాప్తంగా కోట్లాది మంది అభిమానులు సొంతం అయ్యారు. ప్రభాస్ సినిమా అంటే రెండు రోజుల ముందు నుంచే అభిమానుల సంబరాలు మొదలవుతాయి. థియేటర్ల వద్ద పెద్ద పెద్ద కటౌట్లు, పూల దండలు, పాలాభిషేకాలు, తీన్మార్లతో పండగ చేసుకుంటారు. అందులోనూ ‘ఆదిపురుష్’ లాంటి సినిమా దేశవ్యాప్తంగా భారీ అంచనాలతో రిలీజ్ అవుతుంటే ఇక అభిమానుల సంతోషానికి లెక్కే ఉండదు. ఇప్పుడు ఎక్కడ చూసినా ప్రభాస్ అభిమానుల హంగామా కనబడుతోంది. ‘ఆదిపురుష్’ కు రెండు రోజుల ముందు నుంచే ఈ సంబరాలు మొదలైపోయాయి. ఖమ్మం లోని ప్రభాస్ అభిమానులు భారీ ఆటో ర్యాలీను నిర్వహించారు. మరో చోట ఎద్దుల బండ్లపై ‘ఆదిపురుష్’ మూవీ బ్యానర్లను ప్రదర్శిస్తూ ర్యాలీ చేపట్టారు. ఇంకొన్ని చోట్ల భారీ బైక్ ర్యాలీలతో మూవీ రిలీజ్ ను పండగలా జరుపుకుంటున్నారు. ఇలా ఎక్కడ చూసినా ‘ఆదిపురుష్’ మేనియానే కనబడుతుంది. ఫ్యాన్స్ సంబరాలకు సంబంధించిన ఫోటోలు, వీడియోలు నెట్టింట వైరల్ అవుతున్నాయి. 

భారీ అంచనాల మధ్య ‘ఆదిపురుష్’ రిలీజ్..

‘ఆదిపురుష్’ సినిమా పేరు అనౌన్స్ చేసినప్పటి నుంచీ ఈ మూవీ వివాదల్లో చిక్కుకుంటూనే ఉంది. రాముడి పాత్రలో ప్రభాస్ లుక్ ను రివీల్ చేసినపుడు ఆయన్ లుక్ పై సోషల్ మీడియాలో చర్చలు నడిచాయి. తర్వాత మొదటి ట్రైలర్ ను రిలీజ్ చేశాక విమర్శలు రావడంతో అందులో గ్రాఫిక్స్ వర్క్స్ ను మార్చి మరోసారి విడుదల చేశారు. దీని తర్వాత తిరుపతిలో మూవీ ప్రీ రిలీజ్ ఫంక్షన్ తర్వాత ఓమ్ రౌత్, కృతి సనన్ లు శ్రీవారి దర్శనం అనంతరం ఆలయ ప్రాంగణంలో ఆలింగనం చేసుకోవడం కూడా బాగా చర్చనీయాంశమైంది. ఇలా మూవీ ముందు నుంచీ వార్తల్లో నిలుస్తూ వస్తోంది. జూన్ 16 న సినిమా రిలీజ్ కానుంది. ప్రభాస్ అభిమానులతో పాటు యావత్ భారతదేశ ప్రేక్షకులంతా ‘ఆదిపురుష్’ సినిమా కోసం ఎదురు చూస్తున్నారు. 

Khammam #Prabhas fans getting ready for a huge rally 🔥🏹#Adipurush#Prabhas @omraut #SaifAliKhan @kritisanon @DevdattaGNage @mesunnysingh #BhushanKumar #Pramod #Vamsi #KrishanKumar @vfxwaala @rajeshnair06 @AjayAtulOnline @manojmuntashir #ShivChanana @neerajkalyan_24 @TSeries… pic.twitter.com/g8EDo9UIYD

— Shreyas Media (@shreyasgroup) June 14, 2023