Niharika Konidela : సినిమాల్లోకి మెగా డాటర్ రీ-ఎంట్రీ, మలయాళ హీరోతో రొమాన్స్
Niharika Konidela : మెగా డాటర్ నిహారిక హీరోయిన్గా ఓ మలయాళ సినిమాలో నటిస్తోంది. ఈ విషయాన్ని మేకర్స్ పోస్టర్ ద్వారా అనౌన్స్ చేశారు.
Niharika Konidela To Romance Malayalam Actor : టాలీవుడ్ ఇండస్ట్రీలో మెగా వారసురాలిగా 'ఒక మనసు' సినిమాతో హీరోయిన్ గా అరంగేట్రం చేసింది నిహారిక. మొదటి సినిమాతోనే తన అందం, అభినయంతో ఆకట్టుకుంది. కానీ హీరోయిన్ గా అగ్ర స్థానానికి చేరుకోలేకపోయింది. 'ఒక మనసు' సినిమా తర్వాత ‘హ్యాపి వెడ్డింగ్’, ‘సూర్యకాంతం’ సినిమాల్లో హీరోయిన్ గా కనిపించింది. అందం, అభినయం ఉన్నా ఈమెకు పెద్దగా అవకాశాలు రాలేదు. చివరిగా మెగాస్టార్ చిరంజీవి నటించిన ‘సైరా’ సినిమాలో కనిపించింది. ఆ తర్వాత సినిమాలకు దూరమై పెళ్లి చేసుకుంది.
చైతన్య జొన్నలగడ్డతో విడాకులు
చైతన్య జొన్నలగడ్డని ప్రేమించి పెళ్లి చేసుకున్న నిహారిక ఇటీవలే అతనితో విడాకులు తీసుకున్న విషయం తెలిసిందే. గుంటూరుకు చెందిన చైతన్య జొన్నలగడ్డతో 2020లో డెస్టినేషన్ వెడ్డింగ్ కూడా చాలా ఘనంగా జరిగింది. ఓ రెండేళ్లు వీరి కాపురం సవ్యంగానే సాగింది. ఆ తర్వాత ఇద్దరి మధ్య మనస్పర్ధలు తలెత్తడంతో విడాకులు తీసుకుంటున్నట్లు సోషల్ మీడియాలో వార్తలు ప్రచారం అయ్యాయి. వరుణ్ తేజ్ ఎంగేజ్మెంట్ వేడుకల్లో కూడా చైతన్య ఎక్కడా కనిపించకపోవడంతో రూమర్స్ మరింత పెరిగాయి. ఫైనల్గా విడాకుల గురించి వీరిద్దరూ సోషల్ మీడియాలో అనౌన్స్మెంట్ ఇచ్చారు. తమ ఇష్టానుసారంగానే విడాకులు తీసుకుంటున్నట్లు అధికారికంగా ప్రకటించారు.
మలయాళ సినిమాలో హీరోయిన్ గా మెగా డాటర్
విడాకుల తర్వాత నిహారిక హీరోయిన్గా మళ్ళీ బిజీ అవుతోంది. తాజాగా ఈమె హీరోయిన్ ఓ సినిమాకి సెలక్ట్ అయింది. ఇందుకు సంబంధించిన అధికారిక ప్రకటన కూడా వచ్చేసింది. చాలా కాలం తర్వాత మెగా డాటర్ మల్లి సిల్వర్ స్క్రీన్ పై సందడి చేయబోతోంది. 'మద్రాస్ కారన్' అనే మలయాళ సినిమాల్లో నిహారిక హీరోయిన్ గా నటిస్తోంది. ఇందులో షేన్ నిగమ్తో కలిసి రొమాన్స్ చేయబోతోంది. మూవీ టీం నిహారికకు వెల్కమ్ చెబుతూ ఓ పోస్టర్ రిలీజ్ చేశారు. ప్రస్తుతం నెట్టింట ఈ పోస్టర్ వైరల్ అవుతుంది. ఈ సినిమాకి వాలి మోహన్ దాస్ దర్శకత్వం వహిస్తున్నారు.
పెళ్ళైతే నటన ఎందుకు మానేయ్యాలి
నిహారిక ఏ విషయం అయినా సూటిగా చెబుతుంటుంది. ఈ క్రమంలోనే ఇటీవల ఓ ఇంటర్వ్యూలో మాట్లాడుతూ.. ‘‘పెళ్లయ్యాక కూడా నటన కొనసాగించాలని అనుకున్నప్పటికీ అందుకు అత్తింటి వాళ్ళు ఒప్పుకోలేదని చెప్పింది. అంతేకాదు పెళ్ళైతే నటన ఎందుకు మానేయాలి’’ అని ఇంటర్వ్యూలో తెలిపింది. అందుకే పెళ్లి తర్వాత కూడా నిర్మాతగా మీడియం బడ్జెట్ సినిమాలు, వెబ్ సిరీస్లు నిర్మించింది. రీసెంట్ గా 'డెడ్ పిక్సెల్' అనే వెబ్ సిరీస్ లోనూ నటించింది.
మంచు మనోజ్ సరసన నిహారిక
మంచి మనోజ్ హీరోగా నటిస్తున్న 'వాట్ ద ఫిష్' సినిమాలో నిహారిక కూడా నటిస్తోంది. ఇదే విషయాన్ని తెలియజేస్తూ తాజాగా నిహారిక బర్త్ డే సందర్భంగా ఫస్ట్ లుక్ రివీల్ చేశారు. ఇందులో షార్ట్ డ్రెస్లో నిహారిక హాట్గా కనిపించింది. మంచు మనోజ్ సరసన మొదటిసారి నిహారిక నటిస్తుండడంతో ఈ ప్రాజెక్టుపై మంచి అంచనాలు ఉన్నాయి. వరుణ్ అనే డెబ్యూ డైరెక్టర్ ఈ సినిమాని తెరకెక్కిస్తున్నాడు.
టాప్ హెడ్ లైన్స్
ట్రెండింగ్ వార్తలు
