Prabhas Kalki 2898 AD: 'కల్కి 2898 AD' ప్రభాస్ బుజ్జిని చూశారా? - ఇదిగో ఈ స్పెషల్‌ వీడియో చూసేయండి!
Introducing Bujji From Kalki 2898 AD:పాన్‌ ఇండియా స్టార్‌ ప్రభాస్ బుజ్జి వీడియో వచ్చేసింది. కొద్ది రోజులుగా బుజ్జి బుజ్జి అంటూ 'కల్కి 2898 AD' టీం ఊరిస్తూ వస్తున్న సంగతి తెలిసిందే.
Introducing Bujji From Prabhas Kalki 2898 AD: పాన్‌ ఇండియా స్టార్‌ ప్రభాస్ బుజ్జి వీడియో వచ్చేసింది. కొద్ది రోజులుగా బుజ్జి బుజ్జి అంటూ 'కల్కి 2898 AD' టీం ఊరిస్తూ వస్తుంది. మన డార్లింగ్‌ ప్రభాస్ అయితే మన బుజ్జిని పరిచయం చేసేవరకు వేయిట్‌ చేయలేకపోతున్నా అంటూ ఫ్యాన్స్‌లో క్యూరియాసిటి పెంచాడు. దాంతో ఇంతకి బుజ్జి ఎవరా అని ఆరా తీశారు. ఇక చివరిగా బుజ్జి ఎవరో క్లారిటీ ఇవ్వకుండా చిన్న శాంపుల్‌ వీడియోతో హింట్‌ ఇచ్చింది మూవీ టీం. ఇక బుజ్జి అంటే కల్కి సినిమాలో ప్రభాస్ వాడే కారు అని తేలిపోయింది. అయితే కారుని మాత్రం చూపించలేదు. ఈ క్రమంలో నేడు(మే 22) రామోజీ ఫిలింలో గ్రాండ్‌ ఈవెంట్‌ను నిర్వహించి ఏకంగా బుజ్జినే లైవ్‌లోకి దింపింది మూవీ టీం.
ఈ ఈవెంట్‌లో ప్రభాస్ కల్కి లుక్‌లో సందడి చేశాడు. ఇక ఈ సినిమాలో వాడే తన కారును (బుజ్జిని) కూడా లైవ్‌లోకి తీసుకువచ్చారు. అక్కడ విశాలమైన గ్రౌండ్‌ ఆ కారు నడుపుతూ ప్రభాస్ తెగ సందడి చేశాడు. ఇక తాజాగా మూవీ టీం కూడా బుజ్జికి సంబంధించిన స్పెషల్‌ వీడియో రిలీజ్‌ చేసింది. అయితే ఈ వీడియోను అన్ని భాషల్లో మిక్స్‌ చేసి రిలీజ్‌ చేయడంతో ఆడియన్స్‌ అంతా కాస్తా కన్‌ఫ్యూజ్‌నికి గురయ్యారు. కానీ బుజ్జిని చూసి మాత్రం ఫుల్‌ ఖుష్‌ అవుతున్నారు. ఇక ప్రభాస్ బుజ్జికి మహానటి కీర్తి సురేష్‌ వాయిస్‌ ఇవ్వడం విశేషం. ప్రస్తుతం బుజ్జి వీడియోను ఫ్యాన్స్‌, ఆడియన్స్‌ని బాగా ఆకట్టుకుంటుంది. దీంతో ఈ వీడియో సోషల్‌ మీడియాలో తెగ వైరల్‌ అవుతుంది.
కాగా కల్కి సినిమా కోసం నాగ్‌ అశ్విన్‌ స్పెషల్‌గా కారును తయారు చేయించిన సంగతి తెలిసిందే. ఇందుకోసం వ్యాపార దిగ్జం టెక్‌ మహీంద్రా గ్రూప్‌ చైర్మన్‌ ఆనంద్‌ మహింద్రా సాయం తీసుకున్నారు. ఆయన టైర్ల కంపెనీ తీసుకుని ప్రత్యేకంగా ఈ కారు డిజైన్‌ చేయించారు. ఈ సినిమాలో ఈ వాహనం కీలకం కానుంది. ఎందుకంటే కల్కి మూవీ సోషియో ఫాంటసి, సైన్స్‌ ఫిక్షన్‌ డ్రామా అనే విషయం తెలిసిందే. ఇందులో ప్రభాస్ టైం ట్రావేల్‌ చేస్తాడట. అంటే ఈ కారు ద్వారానే ఒక లోకం నుంచి మరో లోకం ప్రయాణం చేస్తాడని టాక్‌. ఇక బుజ్జి పరిచయం చేసేందుకు మూవీ టీం ప్రమోషన్స్‌ని భారీగానే ప్లాన్‌ చేసింది.
Also Read: పవిత్ర నా భర్తను బ్లాక్‌మెయిల్‌ చేసి లోబరుచుకుంది - చందు భార్య షాకింగ్‌ కామెంట్స్
రామోజీ ఫిలిం సిటీ గ్రాండ్‌ ఈవెంట్‌ని నిర్వహించి ఏకంగా గ్రౌండ్‌లోకి బుజ్జినే దింపాడు నాగ్‌ అశ్విన్‌. ఇలా వినూత్నంగా మూవీ ప్రమోషన్స్‌ చేసి కల్కిపై మరింత హైప్‌ క్రియేట్‌ చేసింది మూవీ టీం. ఇదిలా ఉంటే సైన్స్‌ ఫిక్షన్‌ డ్రామాగా వస్తున్న ఈ సినిమాలో లోకనాయకుడు కమల్‌ హాసన్‌, బాలీవుడ్‌ బిగ్‌బి అమితాబ్‌ బచ్చన్‌, దీపికా పదుకొనే, దిశా పటానీ, దుల్కర్ సల్మాన్‌ వంటి భారీ తారగణం నటిస్తుంది. ఇండియాలోనే అత్యంతం భారీ బడ్జెట్‌తో తెరకెక్కిస్తున్న ఈ సినిమాను నాగ్‌ అశ్విన్‌ విజువల్‌ వండర్‌ రూపొందిస్తున్నాడు. ఇందులో కమల్‌ హాసన్‌ విలన్‌గా నటిస్తున్నాడని సమాచారం. దాదాపు రూ. 500 నుంచి రూ. 600 కోట్ల వ్యయంతో సినిమాను నిర్మిస్తున్నట్టు ఇన్‌సైడ్‌ సినీ సర్కిల్లో టాక్‌. ఇక కల్కి సినిమాను జూన్‌ 27న ప్రపంచవ్యాప్తంగా విడుదల కానుంది.
టాప్ హెడ్ లైన్స్
ట్రెండింగ్ వార్తలు
