Mr Pregnant: అఖిల్ డెలివరీ టైమ్లో అలా చేశాను: 'మిస్టర్ ప్రెగ్నెంట్' ట్రైలర్ లాంచ్లో నాగార్జున
బిగ్ బాస్లోని ఒక సాధారణ కంటెస్టెంట్గా ఎంటర్ అయ్యి బయటికి వచ్చేసరికి విపరీతమైన పాపులారిటీని సంపాదించుకున్నాడు సోహైల్. ఇక తను హీరోగా తెరకెక్కిన ‘మిస్టర్ ప్రెగ్నెంట్’ ట్రైలర్ తాజాగా విడుదలయ్యింది.
సోహైల్ హీరోగా తెరకెక్కిన ‘మిస్టర్ ప్రెగ్నెంట్’ చిత్ర ట్రైలర్ తాజాగా విడుదలయ్యింది. ఈ ట్రైలర్ లాంచ్కు ముఖ్య అతిథిగా హాజరయిన కింగ్ నాగార్జున్ ట్రైలర్ చూసి మూవీ టీమ్ను ప్రశంసించారు. అబ్బాయి ప్రెగ్నెంట్ అయితే ఎలా ఉంటుంది అనే డిఫరెంట్ కాన్సెప్ట్పై ఈ చిత్రం తెరకెక్కింది.
‘మిస్టర్ ప్రెగ్నెంట్’ ట్రైలర్..
డిఫరెంట్ కాన్సెప్ట్తో తెరకెక్కిన ‘మిస్టర్ ప్రెగ్నెంట్’లో యంగ్ హీరో సోహైల్కు జోడీగా ‘ఉమామహేశ్వర ఉగ్రరూపస్య’ ఫేమ్ రూపా కొడవయూర్ నటించింది. ఈ మూవీని మైక్ మూవీస్ బ్యానర్పై అప్పి రెడ్డి, రవి రెడ్డి సజ్జల, వెంకట్ అన్నపరెడ్డి నిర్మించారు. శ్రీనివాస్ వింజనంపాటి ఈ మూవీని డైరెక్ట్ చేశారు. ఆగస్ట్ 18న ‘మిస్టర్ ప్రెగ్నెంట్’ విడుదలకు సిద్ధమవుతోంది. విడుదల సమయం దగ్గర పడుతుండడంతో మూవీ టీమ్ ట్రైలర్ లాంచ్తో ప్రమోషన్స్ను ప్రారంభించింది. కింగ్ నాగార్జున చేతుల మీదుగా ‘మిస్టర్ ప్రెగ్నెంట్’ ట్రైలర్ విడుదలయ్యింది. కొత్త వాళ్లను ఎంకరేజ్ చేయడంలో నాగార్జున ఎప్పుడూ ముందుంటారని, తమ చిత్ర ట్రైలర్ ఆయన చేతుల మీదుగా విడుదల అవ్వడం చాలా సంతోషంగా ఉందంటూ మూవీ నిర్మాత రవిరెడ్డి సజ్జల నాగార్జునకు కృతజ్ఞత తెలిపారు.
నిర్మాతల సంతోషం..
‘మిస్టర్ ప్రెగ్నెంట్’ ప్రమోషన్స్ కోసం అమెరికా నుంచి వచ్చానంటూ మరో నిర్మాత వెంకట్ అన్నపరెడ్డి అన్నారు. మరో నిర్మాత అన్నపరెడ్డి.. ‘మిస్టర్ ప్రెగ్నెంట్’ తన మనసుకు దగ్గరయిన సినిమా అని చెప్పుకొచ్చారు. యూఎస్లో తన భార్య ప్రెగ్నెంట్గా ఉన్నప్పుడు 9 నెలలు ఆమె పడే కష్టాన్ని చూశానని అన్నపరెడ్డి తెలిపారు. అప్పుడే ప్రెగ్నెన్సీ బాధను తట్టుకునే శక్తి మహిళలకే ఉందని తనకు అనిపించింది అన్నారు. ముఖ్యంగా ఈ చిత్రాన్ని మహిళా ప్రేక్షకులు ఆదరిస్తానని కోరుకుంటున్నట్టు తెలిపారు. ఇలా నిర్మాతలు సినిమా తెరకెక్కించాలనే కలను నెరవేర్చుకున్నందుకు, అది కూడా ‘మిస్టర్ ప్రెగ్నెంట్’లాంటి డిఫరెంట్ కాన్సెప్ట్ మూవీని తెరకెక్కించినందుకు సంతోషం వ్యక్తం చేశారు.
నాగార్జున సినిమాలను చూస్తూ పెరిగి, ఆయన పక్కన కూర్చుని తన సినిమా ట్రైలర్ రిలీజ్ చేసుకోవడం గర్వంగా ఉందంటూ దర్శకుడు శ్రీనివాస్ వింజనంపాటి సంతోషం వ్యక్తం చేశారు. డెలివరీ కోసం అమ్మ పడే కష్టాన్ని తీసుకున్న ఓ నాన్న కథ ఇది అని భయటపెట్టారు. హీరోయిన్ రూపా కొడవయూర్ కూడా ఇలాంటి డిఫరెంట్ కాన్సెప్ట్ చిత్రంలో భాగమయినందుకు సంతోషం వ్యక్తం చేసింది. అసలు ప్రాజెక్ట్ కోసం తనను అప్రోచ్ అయినప్పుడు ఇలాంటి సినిమా చేయడం సాధ్యమేనా అనిపించిందని ఆశ్చర్యపోయినట్టు తెలిపింది. ‘మిస్టర్ ప్రెగ్నెంట్’ను తప్పకుండా థియేటర్లలో చూడమని కోరింది. ఇక హీరో సోహైల్ కూడా ట్రైలర్ లాంచ్లో చాలా కాన్ఫిడెంట్గా తన సినిమా గురించి చెప్పుకొచ్చాడు.
నాగార్జున ప్రశంసలు..
నాగార్జున తమను ఎప్పుడూ సొంతవారిలా చూసుకుంటారని సోహైల్ చెప్పుకొచ్చారు. నాగ్ సార్కు ఎంత థ్యాంక్స్ చెప్పినా తక్కువే అంటూ ఆయనను ప్రశంసల్లో ముంచేశాడు. ఇక ‘మిస్టర్ ప్రెగ్నెంట్’ గురించి చెప్తూ.. తొమ్మిది నెలలు బిడ్డను మోసి కనేందుకు తల్లి ఎంత కష్టపడుతుందో మనం వింటుంటాం, కానీ ఆ కష్టాన్ని ఒక అబ్బాయిగా నా పాత్ర ద్వారా చూపించబోతున్నాను అని తెలిపాడు. ఇక నాగార్జున కూడా ‘మిస్టర్ ప్రెగ్నెంట్’పై, సోహైల్పై ప్రశంసలు కురిపించారు. బిగ్ బాస్లో సోహైల్ పర్ఫార్మెన్స్ను గుర్తుచేసుకున్నారు. మిస్టర్ ప్రెగ్నెంట్ అనగానే మగవాళ్లు ప్రెగ్నెంట్ ఎలా అవుతారు, అది సినిమాలో ఎలా చూపించారు అనే ఆసక్తి కలిగిందన్నారు. ట్రైలర్ చాలా బాగుంది, ఎమోషనల్గా ఉందనిని ప్రశంసించారు. మొదటికే ఇలాంటి కష్టమైన స్క్రిప్ట్ రాసి తెరకెక్కించినందకు దర్శకుడు శ్రీనివాస్ను కొనియాడారు. డెలివరీ అంటే ఒక ప్రాణం పోయడం, అఖిల్ డెలివరీ టైమ్లో ఆరు నెలలు ఏ షూటింగ్స్ పెట్టుకోకుండా అమలతోనే ఉన్నానని నాగ్ గుర్తుచేసుకున్నారు.
Also Read: కోలీవుడ్లో గోల్డెన్ ఛాన్స్ కొట్టేసిన మృణాల్ - ఆ స్టార్ హీరోతో రొమాన్స్కు రెడీ!
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
Before You Go
Bhumika Ramesh Biography | మేఘసందేశం భూమి రియల్ లైఫ్ స్టోరీ ఇదే
టాప్ హెడ్ లైన్స్
ట్రెండింగ్ వార్తలు
