Karthika Deepam 2 Release Date: ‘కార్తీక దీపం 2’ ఎంట్రీతో ఆ సీరియల్స్‌కు షాక్, మొత్తం టైమింగ్స్ మారిపోయాయ్, ఏది ఎప్పుడంటే?
Karthika Deepam 2: 'కార్తీక దీపం 2' సీరియల్‌ వచ్చేస్తోంది. తాజాగా ఈ సీరియల్‌ రిలీజ్‌ డేట్‌, టైంను ప్రకటించింది స్టార్‌ మా. అంతేకాదు ఈ సందర్భంగా రిలీజ్‌ చేసిన కొత్త ప్రోమో బాగా ఆకట్టుకుంటుంది.
Karthika Deepam 2 Serial Release Date and Time: బుల్లితెర ప్రేక్షకులంతా ఎప్పుడెప్పుడా అని ఆసక్తిగా ఎదురుచూస్తున్న ఆ అప్‌డేట్‌ వచ్చేసింది. ఇక నో వెయింటింగ్‌. వంటలక్క, డాక్టర్ బాబు వచ్చేస్తున్నారు. బుల్లితెరపై సంచలనం విజయం సాధించిన 'కార్తీక దీపం' సీరియల్‌కు సీక్వెల్‌ వస్తున్న సంగతి తెలిసిందే. ఇటీవల దీనిపై ప్రకటన ఇచ్చారు. కానీ, టెలికాస్ట్‌పై క్లారిటీ ఇవ్వలేదు. దీంతో ఈ సీరియల్‌ ప్రియులంతా కార్తీక దీపం 2 ప్రసారం కోసం ఈగర్‌గా వెయిట్‌ చేస్తున్నారు. ఈ క్రమంలో ఇదిగో వచ్చేస్తోందంటూ సీరియల్‌ టెలికాస్ట్‌పై ఎన్నో పుకార్లు వచ్చాయి. ఫైనల్‌గా ఆ రూమర్స్‌కి చెక్ పెట్టారు నిర్వహకులు. తాజాగా ఈ లేటెస్ట్‌ ప్రోమో రిలీజ్‌ చేసి సీరియల్‌ టెలికాస్ట్‌ టైం, డేట్‌ను ప్రకటించారు. 'కార్తీకదీపం 2' వచ్చే సోమవారం నుంచి టెలికాస్ట్‌ కానుంది. అంటే ఇంకో వారం రోజుల్లో బుల్లితెరపైకి వంటలక్క, డాక్టర్ బాబుల సందడి మారుమోగనుంది.
రెండు గంటలు ముందుకు వచ్చిన 'నాగపంచమి'
ఫస్ట్‌ సీజన్‌లాగే ఈ సీరియల్‌ టైం ఒకటే ఉంటుందని ఆడియన్స్ అంతా భావించారు. అంటే సాయంత్రం 7:30 వరకు టీవీ వచ్చేస్తుందనుకుంటే ఒక అరంగట ముందుకు వెళ్లింది ఈ సీరియల్‌. అంటే 'బ్రహ్మముడి' సీరియల్‌ తర్వాత 'కార్తీక దీపం 2' ప్రసారం కానుంది. అంటే సోమవారం నుంచి శనివారం వరకు ప్రతిరోజు ఈ సీరియల్‌ రాత్రి 8:00 గంటలకు ప్రసారం అవుతుంది. అంటే ఈ టైంలో ప్రసారం కావాల్సిన 'నాగపంచమి' సీరియల్స్‌ టైం మార్చి 'కార్తీక దీపం 2' ఆ టైంకి టెలికాస్ట్‌ చేయబోతున్నారట. దీంతో 'నాగపంచమి' సీరియల్‌ ప్రసారం టైం కూడా మారింది. ఈ సీరియల్‌ను సాయంత్రం 6:00 గంటల ప్రసారంకు ఇచ్చారు. ఇలా 'నాగపంచమి'కి షాకిచ్చి దాని స్థానంలో 'కార్తీక దీపం 2'ను తీసుకురావడంతో ఈ సీరియల్‌ ఫ్యాన్స్‌ కాస్తా హర్ట్‌ అయ్యారు.
ఎంట్రీతోనే అంతా మార్చేసిన 'వంటలక్క'
అయినా వంటలక్క మళ్లీ వస్తుండటంతో పర్లేదు అనుకుంటున్నారు మహిళ ఆడియన్స్. ఇంకా ఆలస్యం లేదు కాబట్టి బుల్లితెర మహిళ ఆడియన్స్, ఆడపడుచులు, కోడళ్లు సిద్ధమవుతున్నారట. సాయంత్ర 8 గంటల వరకు అన్ని పనులు పూర్తి చేసుకుని తీరిగ్గా వంటలక్కను చూసేందుకు ప్లాన్ చేసుకుంటున్నారట . ఇక మరో విషయం ఏంటంటే ఈ సీరియల్‌ రాకతో 'నాగపంచమి', 'ఎటో వెళ్లిపోయింది మనసు' సీరియల్స్‌ వెనక్కి వెళ్లాయి. రెండు గంటల గ్యాప్‌తో ఈ సీరియల్స్‌ ప్రసారం కానున్నాయి. అంటే 'నాగపంచమి' సాయంత్రం 6:00 గంటలకు టెలికాస్ట్‌ కానుండగా.. ఆ టైంలో ప్రసారం అయ్యే 'ఏటో వెళ్లిపోయింది మనసు' సీరియల్‌ మరో రెండు గంటలు ముందుకు వచ్చి.. సాయంత్రం 4 గంటలకు టెలికాస్ట్‌ కానుంది.
మొత్తం మీద వంటలక్క, డాక్టర్ బాబు వచ్చిరాగనే పలు సీరియల్స్‌కు షాకిచ్చారు. ఇక టెలికాస్ట్‌ తర్వాత టాప్ రేటింగ్‌ సీరియల్స్‌కి కూడా షాకిచ్చి వాటి స్థానాన్ని కొట్టేస్తుందేమో చూడాలి. ఈ దెబ్బకు టాప్ టీఆర్పీ రేటింగ్‌లోని సీరియల్స్‌.. 'కార్తీక దీపం 2' రాకతో భయపడిపోతున్నట్టు తెలుస్తుంది. లీడ్‌ యాక్టర్స్‌ ప్రేమి విశ్వనాథ్‌, నిరుపం తప్ప అంతా కొత్తవారే. మరి 'కార్తీక దీపం ఫస్ట్‌ పార్ట్‌ను ఆదరించినట్టే ఇది కూడా బుల్లితెర ప్రేక్షకుల ఆదరణ పొందుతుందా? లేదా? అనేది ఇప్పుడు ఆసక్తిని సంతరించుకుంది. ప్రోమోతోనే ఇది 'కార్తీక దీపం'కు సీక్వెల్‌ కాదని తేలిపోయంది. సెకండ్‌ పార్ట్‌గా వస్తున్న 'కార్తీక దీపం 2' అదే స్థాయిలో ప్రేక్షకులను అలరిస్తుందా? లేదో చూడాలి.
టాప్ హెడ్ లైన్స్
ట్రెండింగ్ వార్తలు
