'భగవంత్ కేసరి' నుంచి కాజల్ ఫస్ట్ లుక్ పోస్టర్ రిలీజ్
అనిల్ రావిపూడి డైరెక్షన్ లో నందమూరి బాలకృష్ణ 'భగవంత్ కేసరి' చేస్తున్న విషయం తెలిసిందే. ఈ రోజు కాజల్ అగర్వాల్ బర్త్ డే సందర్భంగా... ఈ సినిమాలో ఆమె ఫస్ట్ లుక్ పోస్టర్స్ ను మేకర్స్ తాజాగా రివీల్ చేశారు.,
HBD to Kajal Agarwal : సక్సెస్ ఫుల్ డైరెక్టర్ గా పేరు తెచ్చుకున్న అనిల్ రావిపూడి- నందమూరి నటసింహం బాలకృష్ణ కాంబినేషన్ లో రాబోతున్న 'భగవంత్ కేసరి'.. 'ఐ డోంట్ కేర్' అనే ట్యాగ్ లైన్ కలిగిన సినిమాపై క్రేజీ అప్ డేట్ రివీల్ అయింది. భారీ అంచనాలతో మొదలైన ఈ చిత్రం షూటింగ్ ప్రస్తుతం హైదరాబాద్ లో జరుగుతుంది. ప్రధాన తారాగణంపై ముఖ్యమైన సన్నివేశాలను చిత్రీకరిస్తున్నట్టు సమాచారం. ఇందుకోసం ఓ భారీ పోరాట సెట్ ను కూడా సిద్దం చేసినట్టు టాక్ వినిపిస్తోంది. ఐతే ఈ సినిమాకు సంబంధించిన అప్ డేట్స్ ను ఎప్పటికప్పుడు అందిస్తూ మేకర్స్ బ్యాక్ టు బ్యాక్ ట్రీట్‌లను అందిస్తున్నారు. ఇప్పటికే టైటిల్‌ను విడుదల చేసిన మూవీ టీమ్.. ఆ తర్వాత టీజర్‌తో పాటు కీలక పాత్రలో నటిస్తున్న శ్రీలీల ఫస్ట్‌లుక్‌ను కూడా విడుదల చేశారు. తాజాగా కాజల్ ఫస్ట్ లుక్ ను రివీల్ చేసి, ఆశ్చర్యానికి గురి చేశారు.
ఈ రోజు(జూన్ 19న) కాజల్ అగర్వాల్ పుట్టిన రోజు కావడంతో ఈ సందర్భంగా 'భగవంత్ కేసరి' సినిమాలో ఆమె పాత్రను తెలియజేసే ఫస్ట్ లుక్ ను రిలీజ్ చేశారు. ఈ పోస్టర్ లో కాజల్ అగర్వాల్ శారీలో చాలా హోమ్లీగా కనిపించింది. కళ్లకు అద్దాలు పెట్టుకుని, ఫోన్ మాట్లాడుతూ, చేతిలో ఓ సైకాలజీ బుక్ తో నవ్వుతూ కనిపించింది ఈ చిత్రంలో ముఖ్యంగా కాజల్ అద్దాలు, ముఖంలో ఆ చిరునవ్వు.. ఆడియెన్స్ ను అత్యంత ఆకట్టుకుంటున్నారు. ఇక ఈ పోస్టర్ ద్వారానే మేకర్స్.. కాజల్ కు పుట్టినరోజు శుభాకాంక్షలు తెలియజేశారు. ఇదిలా ఉండగా 'భగవంత్ కేసరి' సినిమాను దసరా కానుకగా ప్రేక్షకుల ముందుకు తీసుకువచ్చేందుకు చిత్ర నిర్వాహకులు సన్నాహాలు చేస్తున్నారు. ఈ మూవీకి ఎస్ఎస్ థమన్ సంగీతం అందిస్తున్నారు.
ఇక ఈ సినిమా షూటింగ్ ఇప్పటికే సగం కంప్లీట్ అయినట్టు తెలుస్తోంది. అంతే కాదు ఆగష్టు నెలాఖరు వరకు మొత్తం చిత్రీకరణను పూర్తి చేసేందుకు మూవీ టీం ప్రయత్నిస్తోందని సమాచారం. మాస్ యాక్షన్ కథాంశంతో తెరకెక్కుతోన్న ఈ సినిమాను సాహు గారపాటి, హరీష్ పెద్ది సంయుక్తంగా నిర్మిస్తున్నారు. కాగా 'భగవంత్ కేసరి' మూవీలో బాలయ్యకు జోడీగా కాజల్ అగర్వాల్ నటిస్తుండగా.. శ్రీలీల, అర్జున్ రాంపాల్ తదితరులు కీలక పాత్రలు పోషిస్తున్నారు.
తేజ దర్శకత్వంలో వచ్చిన 'లక్ష్మి కళ్యాణం' సినిమాతో కాజల్ అగర్వాల్ తెలుగు సినీ ఇండస్ట్రీకి పరిచయం అయ్యింది. ఆ తర్వాత కృష్ణవంశీ దర్శకత్వంలో వచ్చిన 'చందమామ'తో మరింత పాపులర్ అయిన ఈ బ్యూటీ... ఈ రోజున తన 38వ పుట్టినరోజును జరుపుకుంటోంది. ఈ సందర్భంగా ఆమె హీరోయిన్‌గా చేస్తోన్న 'భగవంత్ కేసరి' నుంచి ఫస్ట్ లుక్ పోస్టర్ ను రిలీజ్ చేయడంపై ఆమె ఫ్యాన్స్ ఆనందం వ్యక్తం చేస్తున్నారు.
టాప్ హెడ్ లైన్స్
ట్రెండింగ్ వార్తలు
