Harish Shankar: విడాకులపై స్వాతి జవాబుకు హరీష్ శంకర్ ఫిదా - శభాష్ అంటూ ప్రశంసలు

ఒక్కొక్కసారి సెలబ్రిటీలు ఇచ్చే సమాధానాలు.. సోషల్ మీడియాలో తెగ వైరల్ అవుతుంటాయి. తాజాగా విడాకుల ప్రశ్నకు స్వాతి ఇచ్చిన సమాధానం కూడా అలాగే అయ్యింది.

Image Credit: Swathi/Instagram

గత కొన్నిరోజులుగా సెలబ్రిటీల పర్సనల్ లైఫ్‌పై సోషల్ మీడియాలో మాత్రమే కాదు.. మీడియాలో కూడా ఆసక్తి పెరిగింది. అందుకే ఏదైనా సినిమా ప్రమోషన్‌లో పాల్గొంటున్నప్పుడు అయినా.. మామూలుగా ఫ్యాన్స్‌తో ఇంటరాక్ట్ అవుతున్నప్పుడు అయినా.. వారికి సినిమాల గురించికంటే ఎక్కువగా పర్సనల్ లైఫ్ గురించే ప్రశ్నలు ఎదురవుతున్నాయి. ఇప్పటికే చాలామంది సెలబ్రిటీలు తమ పర్సనల్ లైఫ్ గురించి ఎదురవుతున్న ప్రశ్నల వల్ల అనేక ఇబ్బందులు ఎదుర్కుంటున్నారు. కానీ తాజాగా స్వాతి తన పర్సనల్ లైఫ్ గురించి ఎదురయిన ప్రశ్నకు చాలా స్మార్ట్‌గా సమాధానం ఇచ్చింది. ఈ సమాధానం కమర్షియల్ డైరెక్టర్ హరీష్ శంకర్‌ను సైతం ఇంప్రెస్ చేసింది.

స్వాతికి ఇంప్రెస్ అయిన హరీష్ శంకర్..
హరీష్ శంకర్.. ఓవైపు తాను తెరకెక్కిస్తున్న సినిమాల్లో బిజీగా ఉన్నా కూడా సోషల్ మీడియాలో మాత్రం చాలా యాక్టివ్‌గా ఉంటారు. బయట తనకు నచ్చని విషయం ఏదైనా ఉంటే.. దాని గురించి సోషల్ మీడియాలో చాలా ఘాటుగా స్పందించాడు ఈ దర్శకుడు. ప్రస్తుతం పవర్ స్టార్ పవన్ కళ్యాణ్‌తో తెరకెక్కిస్తున్న ‘ఉస్తాద్ భగత్ సింగ్’ చిత్రంతో బిజీగా ఉన్న హరీష్.. కొన్నిరోజులుగా తన సోషల్ మీడియా ద్వారా అందరి దృష్టిని ఆకర్షిస్తున్నారు. తాజాగా స్వాతిపై హరీష్ శంకర్ పెట్టిన పోస్ట్ కూడా అందరి దృష్టిని ఆకర్షించేలా ఉంది. స్వాతిని ప్రశంసిస్తూ హరీష్ శంకర్ పెట్టిన పోస్ట్ ప్రస్తుతం వైరల్‌ అవుతోంది.

నేను చెప్పా..
గత కొన్నాళ్లుగా స్వాతి.. సినిమాల్లో అంత యాక్టివ్‌గా లేదు. మళ్లీ ఇన్నాళ్లకు బ్యాక్ టు బ్యాక్ సినిమాలతో ప్రేక్షకుల ముందుకు వస్తోంది. ఇప్పుడు ‘మంత్ ఆఫ్ మధు’ అనే చిత్రంతో ప్రేక్షకులను పలకరించడానికి సిద్ధమవుతోంది. తాజాగా ఈ మూవీ ప్రమోషన్స్‌లో భాగంగా టీమ్.. ఒక ప్రెస్ మీట్‌ను ఏర్పాటు చేసింది. అదే సమయంలో తన విడాకుల గురించి స్వాతికి ప్రశ్న ఎదురయ్యింది. ‘నేను చెప్పా’ అని ముక్కుసూటిగా విడాకుల గురించి సమాధానం ఇచ్చింది. ‘నేను ఇవ్వా’ అని చెప్పగా.. ‘విడాకులు ఇవ్వరా, సమాధానం ఇవ్వరా’ అని క్లియర్‌గా ప్రశ్నించారు ఆ జర్నలిస్ట్. అయితే దానికి సమాధానమే ఇవ్వను అని మరింత స్పష్టంగా సమాధానమిచ్చింది స్వాతి. దీంతో పర్సనల్ లైఫ్ గురించి ఇబ్బందికర ప్రశ్నలు వేసే జర్నలిస్ట్‌కు స్వాతి కరెక్ట్‌గా కౌంటర్ ఇచ్చిందని నెటిజన్లు తెగ ప్రశంసలు కురిపిస్తున్నారు. అందులో హరీష్ శంకర్ కూడా జాయిన్ అయ్యాడు.

Bravo… Swathi…. 👏👏👏

Keep it up 👍👍👍👍🤗🤗🤗🤗 pic.twitter.com/jJHRkg2I3Z

— Harish Shankar .S (@harish2you) September 26, 2023

శభాష్ స్వాతి..
స్వాతి.. విడాకుల గురించి ఎదురయిన ప్రశ్నకు సమాధానమిస్తున్న వీడియోను హరీష్ శంకర్.. తన ట్విటర్‌లో షేర్ చేశాడు. దానికి క్యాప్షన్‌గా ‘శభాష్ స్వాతి, కీప్ ఇట్ అప్’ అని పెట్టాడు. ఈ వీడియోలో తను విడాకుల గురించి మాట్లాడడం మాత్రమే కాదు.. 16 ఏళ్ల వయసులో తను కలర్స్‌తో తన కెరీర్ స్టార్ట్ చేశానని, ఆ సమయంలో సోషల్ మీడియాలో లేకపోవడం అదృష్టకరమని చెప్పుకొచ్చింది స్వాతి. ఈ వైరల్ వీడియోలో స్వాతి చెప్పిన ‘నేను ఇవ్వా, నేను చెప్పా’ అన్న సమాధానం మరింత వైరల్ అవుతోంది. ఇది తన ‘మంత్ ఆఫ్ మధు’ సినిమా ప్రమోషన్‌కు కూడా బాగా ఉపయోగపడుతోంది. అక్టోబర్ 6న ఈ సినిమా ప్రేక్షకుల ముందుకు రానుంది.

Join Us on Telegram: https://t.me/abpdesamofficial