Hanuman Ansh Collections : హనుమాన్ అంశ్ వరల్డ్ వైడ్ 400 కోట్లు - తెలుగు వెర్షన్ ఫస్ట్ డే కలెక్షన్స్ ఎంతంటే?
Hanuman Ansh Day 1 Collections : హనుమాన్ అంశ్ వరల్డ్ వైడ్ కలెక్షన్స్ పరంగా దూసుకెళ్తున్నా తెలుగులో మాత్రం ఊహించినంత రెస్పాన్స్ రాలేదు. తొలి రోజు 22 శాతం మాత్రమే ఆక్యుపెన్సీ నమోదైంది.

Vishal Chaturvedi's Hanuman Ansh Telugu Version Day 1 Collections : కేవలం రూ.2 కోట్ల బడ్జెట్తో చిన్న సినిమాగా రిలీజై బాక్సాఫీస్ వద్ద సంచలన విజయం సాధించిన మూవీ హనుమాన్ అంశ్. హిందీలో ఇప్పటివరకూ రూ.328.58 కోట్ల నెట్ కలెక్షన్స్ సాధించింది. ఈ క్రేజ్ దృష్ట్యా ప్రముఖ నిర్మాణ సంస్థ హోంబలే ఫిల్మ్స్ ఈ మూవీ తెలుగు వెర్షన్ శుక్రవారం రిలీజ్ చేసింది. అయితే, అనుకున్నంతగా టాలీవుడ్ ఆడియన్స్కు మూవీ రీచ్ కాలేదు.
ఫస్ట్ డే కలెక్షన్స్ ఎంతంటే?
ఈ మూవీ ఫస్ట్ డే దాదాపు రూ.60 లక్షల నెట్ కలెక్షన్స్ సాధించినట్లు సినీ వర్గాలు వెల్లడించాయి. తెలుగు రాష్ట్రాల్లో మొత్తం 703 షోలు వేయగా కేవలం 22 శాతం మాత్రమే ఆక్యుపెన్సీ నమోదైంది. హిందీలో విడుదలై ఇప్పటికే రెండు నెలలు కావడం, చాలా మందికి కంటెంట్ ముందే తెలియడంతో తెలుగులో ఆశించినంత రెస్పాన్స్ రాలేదనే చర్చ సాగుతోంది. అయితే, వరల్డ్ వైడ్ ఈ మూవీ ఇప్పటివరకూ రూ.428 కోట్లకు పైగా గ్రాస్ వసూళ్లు సాధించింది. వీకెండ్ కావడంతో తెలుగు రాష్ట్రాల్లో కొంచెం పెరగొచ్చని ట్రేడ్ వర్గాలు అంచనా వేస్తున్నాయి.
1900 - 73 మధ్య కాలంలో ఆధ్యాత్మిక గురువు, హనుమాన్ భక్తుడు నీమ్ కరోలి బాబా జీవిత కథ, ఆయన చేసిన బోధనల ఆధారంగా విశాల్ చతుర్వేది 'హనుమాన్ అంశ్' రూపొందించారు. 'డివైన్ డిటూర్' అనే బుక్ ఆధారంగా ఈ మూవీని తెరకెక్కించారు. శోభిత్ శ్రీవాత్సవ ప్రధాన పాత్ర పోషించగా చందన్ ఆనంద్, పూర్ణిమ తివారి తదితరులు కీలకపాత్రల్లో పోషించారు. రాగిణి సోనా, నమ్రతా జి. సింగ్, అనుప్రియా నగర్, డా. విశాల్ చతుర్వేది నిర్మించారు. చిన్న సినిమాగా రిలీజై వరల్డ్ వైడ్ సంచలన విజయం సాధించింది.
నీమ్ కరోలి బాబా ఎవరు?
నీమ్ కరోలి బాబాను (Neem Karoli Baba) లక్ష్మణ్ నారాయణ్ శర్మ అని పిలుస్తారు. యూపీలోని అక్బర్పూర్ ప్రాంతంలో జన్మించిన ఈయనలో చిన్న వయసులోనే... ఆధ్యాత్మిక చింతన మొదలవుతుంది. 'మనిషి ఎందుకు పుడతాడు?', 'మరణం అంటే ఏమిటి?', 'మనిషి ఎందుకు బాధపడతాడు?', 'అసలు ఈ జీవితానికి అర్థం పరమార్థం ఏంటి?' 'జీవితంలో బంధాలు ఏంటి?' అనే ప్రశ్నలు మొదలవుతాయి. వీటికి సమాధానాలు వెతుక్కుంటూ తన ఆధ్యాత్మిక ప్రయాణాన్ని ప్రారంభిస్తారు.
అసలు ఆయనకు 'నీమ్ కరోలి బాబా' అనే పేరు ఎందుకు వచ్చింది? బాబా జీవితంతో అత్యంత అనుబంధం ఉన్న ప్రదేశం కైన్చీ ధామ్ (Kainchi Dham), ఉత్తరాఖండ్. 1964లో అక్కడ ఆశ్రమం, హనుమాన్ ఆలయం ఏర్పడింది. తర్వాత కైన్చీ ధామ్ ఆయన భక్తులకు ప్రముఖ కేంద్రంగా మారింది. యాపిల్ సంస్థల అధినేత స్టీవ్ జాబ్స్, ప్రముఖ క్రికెటర్ విరాట్ కోహ్లి, అనుష్క శర్మ లాంటి వ్యక్తులు ఆయన్ను కలవడం ప్రపంచవ్యాప్తంగా బాబా పేరు మరింత ప్రసిద్ధి చెందింది.
ట్రెండింగ్ వార్తలు






















