Gopichand Bhima Movie: గోపిచంద్ 'భీమా' వచ్చేది అప్పుడే- రిలీజ్ డేట్ ప్రకటించిన మూవీ టీం..!
Gopichand Bhima Movie: 'రామబాణం' తర్వాత మాచో స్టార్ గోపీచంద్ నటిస్తున్న తాజా చిత్రం ‘భీమా’. యునిక్ యాక్షన్ ఎంటర్టైనర్గా రానున్న ఈ సినిమాను కన్నడ దర్శకుడు ఏ హర్ష తెరకెక్కిస్తున్నాడు.
Bhima Movie Release Date: 'రామబాణం' తర్వాత మాచో స్టార్ గోపీచంద్ నటిస్తున్న తాజా చిత్రం ‘భీమా’. యునిక్ యాక్షన్ ఎంటర్టైనర్గా రానున్న ఈ సినిమాను కన్నడ దర్శకుడు ఏ హర్ష తెరకెక్కిస్తున్నాడు. కేకే రాధామోహన్ నిర్మిస్తున్నారు. ప్రియా భవానీ శంకర్, మాళవిక శర్మ హీరోయిన్లుగా నటిస్తున్నారు. ఫ్యామిలీలో ఎమోషన్స్తో పాటు యాక్షన్ ఎంటర్టైనర్గా వస్తున్న ఈ చిత్రంలో గోపిచంద్ పోలీసు ఆఫీసర్గా మరోసారి అలరించబోతున్నాడు. ఇప్పటికే పోలీసు ఆఫీసర్ పాత్రల్లో నటించిన గోపిచంద్ సినిమాలన్ని దాదాపు హిట్ అయినవే. గోపిచంద్కు కూడా బాగా కలిసోచ్చిన పాత్రలు ఇవే.
దీంతో ఈ సినిమాపై ఫ్యాన్స్లో అంచనాలు నెలకొన్నాయి. ఇక ప్రచార పోస్టర్స్, ఫస్ట్లుక్, టీజర్ మూవీపై మరింత హైప్ క్రియేట్ చేశాయి. దీంతో మూవీ రిలీజ్ కోసం ఫ్యాన్స్ ఆసక్తిగా ఎదురు చూస్తున్నారు. ఎప్పుడో షూటింగ్ స్టార్ట్ చేసిన రిలీజ్ డేట్ను ఇప్పటివరకు ప్రకటించలేదు. తాజాగా ఈ మూవీ రిలీజ్పై చిత్ర యూనిట్ అప్డేట్ ఇచ్చింది. మహాశివరాత్రి సందర్భంగా 'భీమా' రిలీజ్ చేయబోతున్నట్టు తాజాగా మేకర్స్ ఆఫిషియల్ అనౌన్స్మెంట్ ఇచ్చారు. మార్చి 8న వరల్డ్ వైడ్గా ఈ సినిమాను రిలీజ్ చేయబోతున్నట్టు తాజాగా ట్విటర్లో వేదికగా వెల్లడించారు. దీంతో మాచో స్టార్ ఫుల్ ఖుష్ అవుతున్నారు.
హరహర మహాదేవ శంభో శంకర..!
— Gopichand (@YoursGopichand) January 29, 2024
See you all in Cinemas with #BHIMAA this Mahashivratri🔱 pic.twitter.com/aeu1jYQIB2
టీజర్తో ఫుల్ హైప్
ఇటీవల విడుదలైన టీజర్ మూవీపై ఫుల్ హైప్ క్రియేట్ చేసింది. ఇందులో గోపిచంద్ ఎంట్రీని నెక్ట్స్ లెవల్లో చూపించారు. 'యధా యధా ధర్మస్య' అనే శ్లోకంతో మొదలైన ఈ టీజర్ ఆధ్యంతం ఆకట్టుకుంది. ముఖ్యంగా టీజర్ లో గోపీచంద్ ఎలివేషన్స్ ఓ రేంజ్లో ఉన్నాయి. దీంతో టీజర్ తోనే సినిమాపై అంచనాలను పెంచేశారు. 'రాక్షసులను వెంటాడే బ్రహ్మ రాక్షసుడు వచ్చేసాడు' అంటూ బ్యాక్ గ్రౌండ్లో వచ్చే డైలాగ్ తో గోపీచంద్ ఎంట్రీ గూస్ బంప్స్ తెప్పించేలా ఉంది. ముఖ్యంగా ఖాకీ డ్రెస్ లో గోపీచంద్ దున్నపోతుపై ఎంట్రీ ఇవ్వడం ఫ్యాన్స్ ని తెగ ఆకట్టుకుంటుంది. టీజర్ లో గోపీచంద్ లుక్ కూడా చాలా ఫ్రెష్ గా కనిపించడంతో మూవీ బ్లాక్బస్టర్ హిట్ కొట్టడం పక్కా అంటూ మాచో స్టార్ ఫ్యాన్స్ కాలర్ ఎగిరేస్తున్నాడు.
Also Read: 'సంఘీ' చెడ్డ పదమని నా కూతురు అనలేదు - ఐశ్వర్యను సమర్థించిన రజనీ
ఇక ఈ మూవీ సక్సెస్ గోపిచంద్కు చాలా కీలకంగా మారింది. ఎందుకంటే కొంతకాలంగా బాక్సాఫీస్ వద్ద వరుస అపజయాలను అందుకుంటున్నాడు. గోపీచంద్ హిట్ కొట్టి చాలా కాలమైంది. ఎన్నో అంచనాల మధ్య గతేడాది రిలీజైన రామబాణం నిరాశ పరిచింది. చివరికి ఈ మూవీ భారీ డిజాస్టర్గా నిలిచింది. వరసగా ప్లాప్స్ చూస్తున్న గోపిచంద్ ఈ మూవీతో అయినా భారీ హిట్ కొట్టి మంచి కంబ్యాక్ ఇవ్వాలనుకుంటున్నాడు. మరోవైపు డైరెక్టర్కు ఇది టాలీవుడ్ డెబ్యూ మూవీ కావడంతో కచ్చితంగా బ్లాక్బస్టర్ కొట్టాల్సిందే అంటున్నారు. ఇప్పటికే కన్నడలో ఇప్పటికే పలు బ్లాక్ బస్టర్ సినిమాలతో సక్సెస్ అందుకున్నాడు హర్ష. సో తెలుగులోనూ భారీ హిట్ కొట్టేందుకు భిన్నమైన కథగా 'భీమా'తో వస్తున్నాడు.
టాప్ హెడ్ లైన్స్
ట్రెండింగ్ వార్తలు
