Lucky Baskhar Movie: దుల్కర్ సల్మాన్ 'లక్కీ భాస్కర్‌' ఫస్ట్‌లుక్‌ వచ్చేసింది
Dulquer Salmaan: మలయాళం స్టార్‌ హీరో దుల్కర్ సల్మాన్ తెలుగులో నటిస్తున్న మరో చిత్రం 'లక్కీ భాస్కర్‌'. టాలీవుడ్‌ డైరెక్టర్‌ వెంకీ అట్లూరి దర్శకత్వంలో పాన్‌ ఇండియాగా ఈ మూవీ తెరకెక్కుతుంది.
Lucky Baskhar First Look: మలయాళం స్టార్‌ హీరో దుల్కర్ సల్మాన్ తెలుగులో నటిస్తున్న మరో చిత్రం 'లక్కీ భాస్కర్‌'. టాలీవుడ్‌ డైరెక్టర్‌ వెంకీ అట్లూరి దర్శకత్వంలో పాన్‌ ఇండియాగా ఈ మూవీ తెరకెక్కుతుంది. ఇక 'సీతారామం' సినిమాతో తెలుగు హీరోగా మారిపోయాడు దుల్కర్. దీంతో లక్కీ భాస్కర్‌పై భారీ అంచనాలు నెలకొన్నాయి. పైగా వెంకీ అట్లూరి సినిమా అనేగానే మూవీ హైప్‌ క్రియేట్‌ అయ్యింది. గతేడాది సెట్స్‌పైకి వచ్చిన ఈ సినిమా నుంచి తాజాగా మేకర్స్ అప్‌డేట్‌ వదిలారు. 'లక్కీ భాస్కర్‌' ఫస్ట్‌లుక్‌ పోస్టర్‌ రిలీజ్ చేశారు. ఇందులో దుల్కర్ డబ్బు కట్టల మధ్య కూర్చుని సీరియస్‌ మోడ్‌లో కనిపించాడు.
ప్రస్తుతం ఈ ఫస్ట్‌లుక్‌ ఆకట్టుకుంది. కళ్లజోడు, మధ్య పాపిడి తీసి నీట్‌ ఇన్‌షర్ట్‌ చేసుకుని సూట్‌ కేసు పట్టుకుని నడుస్తూ కనిపించాడు. ఈ ఫస్ట్‌లుక్‌ చూస్తుంటే మూవీ మొత్తం డబ్బు చూట్టూ తిరిగే కథ అని అర్థమైపోతుంది. కాగా ఇందులో దుల్కర్ బ్యాంక్‌ ఉద్యోగిగా కనిపించబోతున్న సంగతి తెలిసిందే. సీతారామంతో లెప్టినెంట్‌ రామ్‌ తెలుగు వారి గుండెల్లో ముద్ర వేసుకున్న దుల్కర్ ఈసారి లక్కీ భాస్కర్‌ ఎలా ఆకట్టుకుంటాడో చూడాలి. కాగా ఈ సినిమాను సితార ఎంటర్‌టైన్‌మెంట్స్‌ బ్యానర్‌, ఫార్చ్యూన్‌ ఫోర్‌ పతాకంపై సూర్యదేవర నాగవంశీ, సాయి సౌజన్య నిర్మిస్తున్నారు. ఈ చిత్రంలో దుల్కర్‌గా సరసన మీనాక్షి చౌదరి హీరోయిన్‌గా నటిస్తోంది.
Celebrating twelve years of my magical journey in Cinema, here’s presenting the first look of our very ambitious #LuckyBaskhar 💥📈#LuckyBaskharFirstLook
— Dulquer Salmaan (@dulQuer) February 3, 2024
Story unfolds in Telugu, Malayalam, Tamil & Hindi at the theatres near you, soon! #VenkyAtluri @gvprakash… pic.twitter.com/jukOr6cHHo
Also Read: పూనమ్‌ పాండే తీరుపై స్పందించిన రామ్‌ గోపాల్‌ వర్మ - ఏమన్నాడంటే..
'సీతారామం' తర్వాత దుల్కర్ సల్మాన్ చేస్తున్న రెండవ స్ట్రయిట్ తెలుగు ఫిలిం కావడంతో ఈ సినిమాపై భారీ అంచనాలు నెలకొన్నాయి. ఇక తాజాగా విడుదలైన ఫస్ట్‌లుక్‌ లక్కీ భాస్కర్‌పై మరింత క్యూరియసిటీ పెంచుతుంది. మూవీ రిజల్ట్‌తో సంబంధం లేకుండ దుల్కర్ బ్యాక్‌ టూ బ్యాక్‌ సినిమా చేస్తున్నారు. భాషతో సంబంధంగా లేకుండా బాలీవుడ్‌, టాలీవుడ్‌, కోలివుడ్‌, మాలీవుడ్‌లో నటిస్తూ రియల్‌ పాన్‌ ఇండియా స్టార్‌ అనిపించుకుంటున్నారు. దుల్కర్ సినిమా అంటే అందులో ఏదోక కొత్త పాయింట్‌, వైవిధ్యం ఉంటుందనేంతగా గుర్తింపు పొందాడు. దీంతో ఈ హీరో సినిమా అనగానే సినీ ప్రియుల్లో అంచనాలు నెలకొంటున్నాయి. ఇప్పుడు తెలుగులో లక్కీ భాస్కర్‌ వంటి సరికొత్త సినిమాతో వస్తున్నాడు. ఈ మూవీతో దుల్కర్ తెలుగు ఆడియన్స్‌ ఏ రేంజలో అలరించబోతున్నాడా? అని అంతా ఆసక్తిగా ఎదురు చూస్తున్నారు. కాగా ప్రస్తుతం శరవేగంగా షూటింగ్‌ జరుపుకుంటున్న 'లక్కీ భాస్కర్‌'ను ఈ ఏడాది చివర్లో రిలీజ్ చేసేందుకు మేకర్స్ ప్లాన్ చేస్తున్నారు.
టాప్ హెడ్ లైన్స్
ట్రెండింగ్ వార్తలు
