Lucky Bhaskar Movie: దుల్కర్‌ సల్మాన్‌ 'లక్కీ భాస్కర్' రిలీజ్‌ డేట్‌ ఫిక్స్‌ - పవన్‌ కళ్యాణ్‌ OGకి పోటీగా.. 

Lucky Baskhar Release Date: దుల్కర్‌ సల్మాన్‌ నటిస్తున్న లేటెస్ట్‌ తెలుగు సినిమా లక్కీ భాస్కర్‌. వెంకీ అట్లూరి దర్శకత్వంలో వస్తున్న ఈ సినిమా నుంచి మరో క్రేజీ అప్‌డేట్‌ ఇచ్చింది మూవీ టీం.

Image Credit: Sithara Entertainments/Twitter

Dulquer Salmaan Lucky Baskhar Movie Release Date: మలయాళ స్టార్‌ హీరో దుల్కర్‌ సల్మాన్ (Dulquer Salmaan)  తెలుగులో నటిస్తున్న మరో చిత్రం లక్కీ భాస్కర్‌. టాలీవుడ్ డైరెక్టర్‌ వెంకీ అట్లూరి దర్వకత్వంలో పాన్‌ ఇండియా ఈ చిత్రాన్ని తెరకెక్కిస్తున్నారు. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ బ్యానర్స్ లో నాగ‌వంశీ, సాయి సౌజ‌న్యలు 'లక్కీ భాస్కర్‌'ని నిర్మిస్తున్నారు. ఇందులో మీనాక్షి చౌదరి హీరోయిన్‌గా నటిస్తుంది. అయితే ఈ సినిమా నుంచి ఇప్పటికే వచ్చిన ప్రచార పోస్టర్స్‌, ఫస్ట్‌లుక్‌కి, టీజర్‌కి మంచి రెస్పాన్స్‌ వచ్చింది.

అంతేకాదు మూవీపై కూడా అంచనాలు పెంచుతున్నాయి.  ఈ నేపథ్యంలో తాజా 'లక్కీ భాస్కర్‌' (Dulquer Salmaan Lucky Baskhar) నుంచి మరో అప్డేట్‌ ఇచ్చింది మూవీ టీం. అదే ఈ మూవీ రిలీజ్‌ డేట్‌.  ‌సెప్టెంబ‌ర్ 27న  ప్ర‌పంచ వ్యాప్తంగా గ్రాండ్‌గా ఈ సినిమాను ప్రేక్ష‌కుల ముందుకు తీసుకురానున్న‌ట్లు తాజాగా ప్రకటన ఇచ్చింది. అంతేకాదు ఈ సందర్భంగా కొత్త పోస్టర్‌ని కూడా రిలీజ్‌ చేసింది మూవీ టీం. తెలుగు, తమిళ్, హిందీ, మలయాళం భాషల్లో ఈ సినిమా పాన్‌ ఇండియా విడుదల కానుంది. కాగా ఇందులో దుల్కర్‌ ఓ బ్యాంక్‌ ఉద్యోగిగా నటిస్తున్నట్టు సమాచారం. అదే రోజున పవర్‌ స్టార్ పవన్‌ కళ్యాణ్‌ OG సినిమా కూడా రిలీజ్‌ కానుంది. సాహో ఫేం సుజీత్‌ దర్శకత్వంలో వస్తున్న ఈ చిత్రంపై భారీ అంచనాలు నెలకొన్నాయి. పైగా ఇప్పటికే విడుదలైన ప్రచార పోస్టర్స్‌, టీజర్‌ చిత్రంపై హైప్ క్రియేట్‌ చేశాయి. 

Gear up to witness an extra-ordinary tale of our endearing and passionate #LuckyBaskhar in theatres from SEPTEMBER 27th! 🏦#LuckyBaskharOnSept27th 📈💵@dulQuer #VenkyAtluri @gvprakash @Meenakshiioffl @vamsi84 @NimishRavi @NavinNooli @Banglan16034849 #SaiSoujanya @SitharaEnts… pic.twitter.com/K10dLWyGSU

— Sithara Entertainments (@SitharaEnts) May 29, 2024

ఇదిలా ఉంటే మూవీ రిజల్ట్‌తో సంబంధం లేకుండ దుల్కర్‌ బ్యాక్‌ టూ బ్యాక్‌ సినిమా చేస్తున్నారు. భాషతో సంబంధంగా లేకుండా బాలీవుడ్‌, టాలీవుడ్‌, కోలివుడ్‌, మాలీవుడ్‌లో నటిస్తూ రియల్‌ పాన్‌ ఇండియా స్టార్‌ అనిపించుకుంటున్నారు. దుల్కర్‌ సినిమా అంటే అందులో ఏదోక కొత్త పాయింట్‌, వైవిధ్యం ఉంటుందనేంతగా గుర్తింపు పొందాడు. దీంతో ఈ హీరో సినిమా అనగానే సినీ ప్రియుల్లో అంచనాలు నెలకొంటున్నాయి. ఇప్పటికే తెలుగులో 'మహానటి', 'సీతారామం' చిత్రాలతో మంచి క్రేజ్‌ సంపాదించుకున్నాడు దుల్కర్ సల్మాన్. సీతారామం వంటి బ్లాక్‌బస్టర్‌ హిట్‌ తర్వాత అతడు చేస్తున్న రెండవ తెలుగు స్ట్రయిట్‌ సినిమా లక్కీ భాస్కర్‌. దీంతో ఈ మూవీపై ఆడియన్స్‌లో భారీ అంచనాలు నెలకొన్నాయి. ఈ మూవీతో దుల్కర్‌ తెలుగు ఆడియన్స్‌ ఏ రేంజలో అలరించబోతున్నాడా? అని అంతా ఆసక్తిగా ఎదురు చూస్తున్నారు.