Oppenheimer: ఈసారి అణుబాంబు పేలుడే - క్రిస్టోఫర్ నోలన్ కొత్త సినిమా పోస్టర్!
క్రిస్టోఫర్ నోలన్ కొత్త సినిమా ఒప్పెన్హెయిమర్ పోస్టర్ ఆన్లైన్లో విడుదల అయింది.
హాలీవుడ్ డైరెక్టర్ క్రిస్టోఫర్ నోలన్ ఏ సినిమా చేసినా సంచలనమే. ఏదో ఒక ప్రత్యేకమైన ఎలిమెంట్ లేకుండా తను ఏ సినిమా తీయడు. మొదటి సినిమా మెమెంటో నుంచి తన దారి అదే. నలుగురూ వెళ్లే బాట తనకు అస్సలు నచ్చదు. కాలంతో, కలలతో ఆటలు ఆడటం నోలన్కు చాలా ఇష్టం. అందుకే ఇన్సెప్షన్, ఇంటర్స్టెల్లార్, టెనెట్ వంటి సినిమాలు తీయగలిగాడు. ఇప్పుడు తను తీస్తున్న సినిమా ‘ఒప్పెన్హెయిమర్’.
ఫాదర్ ఆఫ్ అటామిక్ బాంబ్గా పేరుగాంచిన జె.రాబర్ట్ ఒప్పెన్హెయిమర్ కథే ఈ సినిమా. 2023 జులై 21వ తేదీన ఈ సినిమా విడుదల కానుంది. ఈ సినిమాలో లీడ్ రోల్లో సిలియన్ మర్ఫీ కనిపించనున్నాడు. క్రిస్టోఫర్ నోలన్తో ఇది తనకు ఆరో సినిమా. కానీ ప్రధాన లీడ్గా మాత్రం ఇదే మొదటి సినిమా. తనతో పాటు ఎమిలీ బ్లంట్, మ్యాట్ డామన్, రాబర్ట్ డౌనీ జూనియర్, ఫ్లోరెన్స్ పగ్, రమీ మలిక్ వంటి భారీ స్టార్ కాస్ట్ కూడా ఉంది.
ఈ సినిమాకు సంబంధించిన పోస్టర్ను చిత్రబృందం విడుదల చేసింది. సరిగ్గా వచ్చే ఏడాది ఇదే రోజున ఈ సినిమా విడుదల కానుంది. దీన్ని గుర్తు చేస్తూ ఈ సినిమా పోస్టర్ను విడుదల చేశారు. దీనికి సంబంధించిన టీజర్ కూడా శుక్రవారం విడుదల కానుందని వార్తలు వస్తున్నాయి. మరి అవి నిజమో కాదో తెలియరాలేదు. క్రిస్టోఫర్ నోలన్ ఇప్పటివరకు 10 సినిమాలు తీయగా... అవన్నీ ఒకదానికి మించిన హిట్లు కొట్టాయి. దీంతో ఇప్పుడు తీస్తున్న 11వ సినిమా ఒప్పెన్హెయిమర్పై భారీ అంచనాలు నెలకొన్నాయి.
View this post on Instagram
టాప్ హెడ్ లైన్స్
ట్రెండింగ్ వార్తలు
