Devara Glimpse : ఎన్టీఆర్ 'దేవర' నుంచి గ్లిమ్స్ వీడియో - ఎప్పుడంటే?

Devara : ఎన్టీఆర్ నటిస్తున్న 'దేవర' మూవీ నుంచి గ్లిమ్స్ వీడియోని రిలీజ్ చేయబోతున్నట్లు సమాచారం.

ఎన్టీఆర్(Photo Credit: Devara/Twitter)

NTR's Devara Glimpse Latest Update : టాలీవుడ్ అగ్ర హీరో జూనియర్ ఎన్టీఆర్ ప్రస్తుతం కొరటాల శివ దర్శకత్వంలో 'దేవర' అనే భారీ పాన్ ఇండియా సినిమా చేస్తున్న విషయం తెలిసిందే. RRR' వంటి పాన్ ఇండియా హిట్ తర్వాత యంగ్ టైగర్ ఎన్టీఆర్ నటిస్తున్న మూవీ కావడంతో ఈ సినిమాపై ఓ రేంజ్ లో అంచనాలు నెలకొన్నాయి. గతంలో వీరిద్దరి కాంబినేషన్లో వచ్చిన 'జనతా గ్యారేజ్' మంచి విజయాన్ని అందుకోవడంతో దేవర సినిమా కోసం తారక్ ఫ్యాన్స్ ఎంతో ఆసక్తిగా ఎదురు చూస్తున్నారు. అయితే గత కొద్ది రోజులుగా దేవర టీజర్ రాబోతున్నట్లు వార్తలు వచ్చిన విషయం తెలిసిందే. ఇప్పటికే రిలీజ్ అయిన పోస్టర్స్ సినిమాపై అంచనాలను పెంచేశాయి.

ఇలాంటి తరుణంలో డిసెంబర్ లో దేవర టీజర్ రాబోతుందని వార్తలువచ్చాయి. అయితే మూవీ టీం మాత్రం దేవర టీజర్ ని డిసెంబర్ లో రిలీజ్ చేయకుండా పోస్ట్ పోన్ చేసింది. లేటెస్ట్ టాలీవుడ్ రిపోర్ట్స్ ప్రకారం దేవర నుంచి ఓ గ్లిమ్స్ వీడియోని జనవరి 8 విడుదల చేసేందుకు మేకర్స్ ప్రయత్నాలు చేస్తున్నట్లు సమాచారం. ఒకవేళ అప్పటికి కాకుంటే సంక్రాంతి రిలీజ్ అయ్యే సినిమాలన్నింటికీ దేవర గ్లిమ్స్​ని అటాచ్ చేసి రిలీజ్ చేయాలని మేకర్స్ భావిస్తున్నారట. ప్రస్తుతం కొరటాల శివ టీజర్ కట్ పనులతో బిజీగా ఉన్నట్లు వార్తలు వినిపిస్తున్నాయి. ఆమధ్య ఈ సినిమా నిర్మాతల్లో ఒకరైన కళ్యాణ్ రామ్ తన డెవిల్ ట్రైలర్ లాంచ్ ఈవెంట్ లో జనవరిలో మొదట్లోనే దేవర టీజర్​ని రిలీజ్ చేయబోతున్నామని.. ఆల్రెడీ టీజర్ రెడీ అవుతుందని చెప్పిన విషయం తెలిసిందే.

భారీ గ్రాఫిక్స్, వీఎఫ్ఎక్స్ షాట్స్​తో దేవర గ్లిమ్స్​ని కొరటాల రెడీ చేయిస్తున్నట్లు సమాచారం. త్వరలోనే టీజర్ కు సంబంధించి అఫీషియల్ అనౌన్స్మెంట్ రానున్నట్లు తెలుస్తోంది. సముద్రం బ్యాక్ డ్రాప్​లో యాక్షన్ డ్రామాగా తెరకెక్కుతున్న ఈ సినిమాలో ఎన్టీఆర్ తండ్రి కొడుకులుగా డ్యూయల్ రోల్ చేస్తున్నాడు. బాలీవుడ్ బ్యూటీ జాన్వి కపూర్ ఈ మూవీతో తెలుగు వెండితెరకి హీరోయిన్​గా పరిచయం అవుతుంది. శ్రీదేవి కూతురిగా బాలీవుడ్​లో ఇప్పటికే సూపర్ సక్సెస్​ అయిన ఈ బ్యూటీ మొదటిసారి ఎన్టీఆర్​ సరసన నటిస్తూ ఇండస్ట్రీకి రాబోతుంది. బాలీవుడ్ అగ్ర హీరో సైఫ్ అలీఖాన్ విలన్​గా నటిస్తున్నారు. ఎన్టీఆర్ కెరియర్​లోనే అత్యంత భారీ బడ్జెట్​తో రూపొందుతున్న దేవర రెండు భాగాలుగా రాబోతోంది. మొదటి భాగం షూటింగ్ ఇప్పటికే సగానికి పైగా పూర్తయింది.

ప్రస్తుతం చిత్రీకరణ దశలో ఉన్న ఈ సినిమా వచ్చే ఏడాది వేసవి కానుకగా ఏప్రిల్ 5న ప్రేక్షకుల ముందుకు రాబోతోంది. యువ సుధా ఆర్ట్స్, ఎన్టీఆర్ ఆర్ట్స్ బ్యానర్లపై మిక్కిలినేని సుధాకర్, కళ్యాణ్ రామ్ సంయుక్తంగా నిర్మిస్తున్న ఈ చిత్రానికి రత్నవేలు సినిమాటోగ్రఫర్ గా వ్యవహరిస్తున్నారు. హాలీవుడ్ స్టంట్ కొరియోగ్రాఫర్ కెన్నీ బెట్స్ యాక్షన్ సీన్స్ ని డిజైన్ చేస్తున్నారు. అనిరుద్ రవిచంద్రన్ సంగీతం అందిస్తున్నారు.