Weapon Trailer: సూపర్ హ్యూమన్‌గా 'బాహుబలి' కట్టప్ప కొత్త సినిమా - ఆసక్తి పెంచుతున్న 'వెపన్' ట్రైలర్
Weapon Movie Telugu Trailer: 'బాహుబలి' కట్టప్ప సత్యరాజ్ ప్రధాన పాత్రలో తెరకెక్కిన చిత్రం వెపన్. ఫుల్‌ యాక్షన్ ప్యాక్డ్‌గా వస్తున్న ఈ మూవీ ట్రైలర్‌ను తాజాగా రిలీజ్‌ చేసింది మూవీ టీం
Sathyaraj Weapon Official Trailer Release' Out: బాహుబలి' ఫేం, ప్రముఖ తమిళ నటుడు సత్యరాజ్ సూపర్ హ్యూమన్ గా నటించిన చిత్రం 'వెపన్ (Weapon Movie Telugu Trailer). ఇందులో వసంత్ రవి, రాజీవ్‌ మీనన్‌లు ప్రధాన పాత్రలు పోషించారు. తమిళ డైరెక్టర్‌ గుహన్ సెన్నియప్పన్ దర్శకత్వంలో తెరకెక్కుతున్న ఈ యాక్షన్ థ్రిల్లర్‌లో తాన్య హోప్ హీరోయిన్‌గా నటిస్తుంది. మిలియన్‌ స్టూడియోస్‌ బ్యానర్‌పై ఎమ్‌ఎస్‌ మాన్జూర్‌ నిర్మిస్తున్న ఈ సినిమా నుంచి తాజాగా ట్రైలర్ విడుదల చేసింది మూవీ టీం.
పూర్తి యాక్షన్ ప్యాక్డ్‌ థ్రిల్లర్‌గా వచ్చిన ఈ ట్రైలర్ ఆద్యంతం ఆసక్తిగా సాగింది. ఇది సాధార‌ణ మిష‌న్ కాదు అనే డైలాగ్‌తో ట్రైలర్ ప్రారంభం అయ్యింది. ట్రైలర్ చూస్తుంటే ఇందులో సత్యరాజ్ నెగిటివ్‌ షేడ్స్‌లో నటిస్తున్నట్టు ట్రైలర్ చూస్తుంటే అర్థమైపోతుంది. క్రూరమైన వ్యక్తిగా ఆయన కనిపించబోతున్నాడనిపిస్తుంది. మోస్ట్‌ క్రిమినల్‌ అయిన ఆయన కోసం పోలీసుల బృందాలుగా వేతుకుతుంటాయి. కానీ ఆయనను పట్టుకనేందుకు వెళ్లిన ప్రతిఒక్కరిని దారుణంగా చంపుతున్నట్టుగా ట్రైలర్ చూపించారు.
ఈ క్రమంలో పోలీసు ఆఫీసర్‌ ఆయన ఒక సూపర్‌హ్యుమన్‌ లా ఉన్నాడు అంటూ క్రిమినల్‌ను పొగడం మూవీపై ఆసక్తిని పెంచుతుంది. ఇందులో సత్యరాజ్ పాత్రను చూపించిన తీరు చూస్తుంటే ఆయన ఇందులో ఓ పవర్ఫుల్‌ రోల్, వెపన్ కథ మొత్తం ఆయన చూట్టూనే తిరుగుతుందని అర్థమైపోతుంది. మొత్తానికి క్రైం, థ్రిల్లర్‌ అంశాలతో విడుదల చేసన వెపన్ ట్రైలర్ చూస్తుంటే ప్రతిక్షణం ఉత్కంఠగా సాగింది. తాజాగా విడుదలైన ఈ ట్రైలర్ మూవీపై మరింత ఆసక్తిని పెంచుతుంది. ఫ్యాంటసీ యాక్షన్, సూపర్ హీరో ఎలిమెంట్స్‌తో తెరకెక్కిన ఈ సినిమా జూన్ 7న తమిళం, తెలుగులో రిలీజ్‌ కాబోతుంది.
Also Read: 'పుష్ప 2' సెకండ్ సాంగ్‌పై కాపీ ఆరోపణలు - ఆ సాంగ్‌ నుంచి లేపేశారా? దేవిశ్రీపై ట్రోల్స్‌
వెపన్ కొత్త ట్రెండ్‌ను క్రియేట్ చేయబోతోంది: సత్యరాజ్
ఇక వెపన్ మూవీ ట్రైలర్ లాంచ్‌ ఈవెంట్‌లో నటుడు సత్యరాజ్ మాట్లాడుతూ ఆసక్తికర వ్యాఖ్యలు చేశారు. "పెన్, మైక్, మీడియా అనేది రియల్ వెపన్. ఓటు అనేది మరో గొప్ప వెపన్. తాన్యా హోప్ ఆంగ్లో ఇండియన్. కానీ తెలుగులో చాలా చక్కగా మాట్లాడారు. నేను ‘అందరికీ నమస్కారం’ మాత్రమే చెబుతున్నాను. ప్రస్తుతం భాష అనేది హద్దుగా లేదు. 'బాహుబలి' సినిమా ఎన్నో భాషల్లోకి వెళ్లింది. ఈ వెపన్ మూవీ కూడా అలాంటి ఓ చిత్రమే. ఇది పెద్ద హిట్ కాబోతోంది. సూపర్ హ్యూమన్ సాగా కాన్సెప్ట్‌తో రాబోతోంది. ఇదొక కొత్త ట్రెండ్ కాబోతోంది. గుహన్ మంచి కథను రాసుకున్నారు. వసంత్ రవి జైలర్‌లో అద్బుతంగా నటించారు. యంగ్ టాలెంటెడ్ యాక్టర్లతో నటించడం ఆనందంగా ఉంటుంది. నిర్మాత మన్జూర్ ఈ మూవీకి ఎంతో ఖర్చు పెట్టారు. జూన్ 7న మా చిత్రం రాబోతోంది. కల్కి సినిమాకు మా చిత్రానికి మధ్యలో 20 రోజులున్నాయి. మా సినిమాను అందరూ చూసి ఎంకరేజ్ చేయండి" అని అన్నారు.
టాప్ హెడ్ లైన్స్
ట్రెండింగ్ వార్తలు
