Bollywood Intimate Scenes:"ఇంటిమేట్ సీన్స్‌లో రెచ్చిపోతున్నారు, కట్‌ చెప్పినా ఆగడం లేదు" బాలీవుడ్ నటులపై సీనియర్ నటుడి ఆరోపణలు! 

Bollywood Intimate Scenes: బాలీవుడ్ నటులపై తోటి నటుడు సంచలన ఆరోపణలు చేశారు. ఇంటిమేట్ సన్నివేశాల్లో కట్ చెప్పినా నియంత్రణ కోల్పోయి ప్రవర్తిస్తున్నారని అన్నారు. 

"రొమాంటిక్ సీన్స్‌ను అనుకూలంగా మార్చుకుంటున్నారు, కట్‌ చెప్పినా ఆగడం లేదు" బాలీవుడ్ నటులపై సంచలన యాక్టర్ ఆరోపణలు! 

Source : ANI

Show Quick Read

Key points generated by AI, verified by newsroom

• అన్ను కపూర్ బాలీవుడ్ సన్నిహిత సన్నివేశాల చిత్రీకరణపై సంచలన వ్యాఖ్యలు చేశారు.
• కొందరు నటులు కట్ చెప్పినా ఆగకుండా ప్రవర్తిస్తారని ఆయన తెలిపారు.
• నటీమణుల సౌకర్యం, గౌరవం తనకు ముఖ్యమని ఆయన నొక్కి చెప్పారు.
• ప్రియాంక చోప్రా, తమన్నా భాటియా గురించి ఆయన అభిప్రాయాలు వెల్లడించారు.

Bollywood Intimate Scenes: భారతీయ చలనచిత్ర పరిశ్రమలో దశాబ్దాల కాలంగా తనదైన ముద్ర వేసిన నటుడు అన్ను కపూర్‌. తన నటనతోనే కాకుండా ముక్కుసూటిగా మాట్లాడే వ్యక్తిత్వంతో ఆయన ఎప్పుడూ వార్తల్లో నిలుస్తుంటారు. ఇటీవల సిద్ధార్థ్‌ కన్నన్ యూట్యూబ్ షోలో పాల్గొన్న ఆయన, బాలీవుడ్ సెట్స్‌పై సన్నిహత సన్నివేశాల చిత్రీకరణ సమయంలో చోటు చేసుకునే కొన్ని అవాంఛనీయ ఘటనల గురించి సంచలన వ్యాఖ్యలు చేశారు. తెరపై కనిపించే రొమాన్స్ వెనుక నటీమణులు పడే కష్టాలకు, కొందరు నటుల ప్రవర్తనను ఆయన ఎండగట్టారు. 

కట్ చెప్పిన ఆగడం లేదట

సినిమా చిత్రీకరణలో సన్నిహిత సన్నివేశాలు అత్యంత సున్నితమైనవి. ఇక్కడ నటీనటులు మధ్య సమన్వయం, గౌరవం చాలా ముఖ్యం. అయితే అన్ను కపూర్ వెల్లడించిన వివరాల ప్రకారం, కొందరు పురుష నటులు అటువంటి సన్నివేశాల్లో నటించేటప్పుడు ఉద్యేగానికి లోనై నియంత్రణ కోల్పోతుంటారు. 

దర్శకుడు సన్నివేశం పూర్తయిందని కట్ అని అరిచినా, వారు ఆపకుండా ఆలాగే కొనసాగిస్తారని అన్ను కపూర్‌ పేర్కొన్నారు. చాలా మంది ఇటువంటి పరిస్థితులను తమకు అనుకూలంగా మార్చుకుని ప్రయోజనం పొందుతారు, కానీ నేను ఎప్పుడూ అలా చేయలేదు" అని ఆయన స్పష్టం చేశారు. ఒక నిర్ధిష్ట ఘటన గుర్తు చేసుకుంటూ ఒక హీరో ఇలాగే ప్రవర్తించడంతో ఆ నటి అక్కడి నుంచి తప్పించుకోవడానికి చాలా పోరాడాల్సిన వచ్చిందని, ఆ తర్వాత ఆమె ఎంతగా భయపడిందంటే రెండు రోజులపాటు గది నుంచి బయటకు రాలేదని ఆయన ఆవేదన వ్యక్త చేశారు. ఈ విషయంలో ఆ నటిని అడిగినా తను చెప్పిన విషయాలను ధృవీకరిస్తుందని ఆయన చెప్పుకొచ్చారు. 

నటుడిగా తన ప్రయాణంలో ఇటువంటి సన్నివేశాలను ఎలా డీల్ చేస్తారో కూడా అన్నూ కపూర్  వివరించారు. షూటింగ్ సమయంలో తోటి నటి సౌకర్యవంతంగా ఉందో లేదో తాను ఎప్పుడూ గమనిస్తూ ఉంటానని చెప్పారు. " నేను ఎప్పుడూ నా సహనటిని మీరు బాగున్నారా అని అడుగుతుంటాను అని ఆయన తెలిపారు. గతంలో సెట్స్‌పై ఇటువంటి సన్నివేశాల చిత్రీకరణను పర్యవేక్షించడానికి ఇంటిమసి కోచ్‌లు ఉండేవారు కాదని, అందుకే అప్పుడు నైతికత అనేది పూర్తిగా వ్యక్తిగత బాధ్యతగా ఉండేదని ఆయన అభిప్రాయపడ్డారు. 

ప్రియాంక చోప్రాతో 7 ఖూన్‌ మాఫ్ సన్నివేశం గుర్తు చేస్తూ... 

ఈ చర్చల్లో భాగంగా విశాల్‌ భరద్వాజ్ దర్శకత్వంలో వచ్చిన 7 ఖూన్ మాఫ్‌ చిత్రంలో ప్రియాంక చోప్రాతో కలిసి నటించిన అనుభవాన్ని ఆయన గుర్తు చేశారు. ఆ చిత్రంలో ఒక ముద్దు సన్నివేశం ఉందని, అయితే దానిని చేయడానికి ప్రియాంక సముఖంగా లేదని ఆయన వెల్లడించారు. ఆ సన్నివేశం కథలో భాగమని, దానిని తొలగించం సాధ్యం కాదని దర్శకుడు చెప్పినప్పటికీ, నటి అసౌక్యాన్ని తాగును గౌరవించానని అన్ను కపూర్‌ చెప్పారు. ఆ సమయంలో ఈ విషయంపై అనవసర వివాదాలు రేగినా, తాను మాత్రం ఎప్పుడూ ప్రొఫెషనల్‌గానే వ్యవహరించానని చెప్పారు. 

తమన్నాభాటియాపై కామెంట్స్‌కు వివరణ 

గతంలో నటి తమన్నా భాటియా గురించి తాను చేసిన వ్యాఖ్యలపై కూడా అన్ను కపూర్ స్పందించారు. తమన్నాను ఉద్దేశించి ఆయన చేసిన వ్యాఖ్య వివాదాస్పదమైంది. కానీ అది తాను ఒక ప్రశంసగానే చేశానని అన్నారు. ఒక వేళ ఆమె మనస్తాపానికి గురైతే కాళ్లు పట్టుకొని క్షమాపణ చెప్పడానికి సిద్ధమని ప్రకటించారు.