ఆ కారణం వల్లే రాజీవ్‌తో పెళ్లికి మా ఇంట్లో ఒప్పుకోలేదు, అందుకే మా ఇద్దరికీ గొడవలు: సుమ కనకాల

బుల్లితెరపై యాంకర్ గా ఎంతో క్రేజ్ తెచ్చుకున్న సుమ కనకాల గతంలో ఓ ఇంటర్వ్యూలో రాజీవ్ కనకాల తో ప్రేమ, పెళ్లి విషయాల గురించి మాట్లాడిన వీడియో ఇప్పుడు నెట్టింట వైరల్ అవుతుంది.

Photo Credit : Suma Kanakala/Instagram

టాలీవుడ్ సెలబ్రిటీ కపుల్స్ లో సుమ - రాజీవ్ కనకాల జంట కూడా ఒకటి. ప్రస్తుతం వీరిద్దరూ తమ ప్రొఫెషనల్ లైఫ్స్ లో సక్సెస్ ఫుల్ గా దూసుకెళ్తున్నారు. సుమ బుల్లితెరపై వరస షోలు, ఫ్రీ రిలీజ్ ఈవెంట్లకు యాంకరింగ్ చేస్తూ బిజీగా మారుతుండగా, అటు రాజీవ్ కనకాల అగ్ర హీరోల సినిమాల్లో విలక్షణ నటుడిగా, క్యారెక్టర్ ఆర్టిస్ట్ గా నటిస్తున్నారు. 1999లో ప్రేమించి పెళ్లి చేసుకున్న ఈ జంటకి ఒక కొడుకు, ఒక కూతురు ఉన్నారు. ఇదిలా ఉంటే ఈ మధ్యకాలంలో సుమ, రాజీవ్ కనకాల జంట మధ్య విభేదాలు నెలకొన్నాయని, విడాకులు కూడా తీసుకోబోతున్నట్లు వార్తలు వైరల్ అయ్యాయి. కానీ పలు ఇంటర్వ్యూల్లో ఈ జంట విడాకుల వార్తలను కొట్టి పారేశారు. అయితే గతంలో సుమ ఓ ఇంటర్వ్యూలో మాట్లాడుతూ.. రాజీవ్ కనకాలతో ప్రేమ, పెళ్లికి సంబంధించి పలు విషయాలను పంచుకున్నారు. అందుకు సంబంధించిన వీడియో ఇప్పుడు సోషల్ మీడియాలో వైరల్ అవుతుంది.

ఈ మేరకు ఆ ఇంటర్వ్యూలో సుమ మాట్లాడుతూ.. "రాజీవ్ కనకాలను పెళ్లి చేసుకోవాలని అనుకున్నప్పుడు వాళ్ళ ఫ్యామిలీ నుంచి ఎటువంటి ఇబ్బంది లేదు. కానీ మా ఫ్యామిలీ నుంచి ఎక్కువగా ఇబ్బందులు వచ్చాయి. మా పేరెంట్స్ కి అసలు ఇష్టం లేదు. ఇప్పుడు పెళ్లి అవసరమా? మళ్లీ మనం కేరళ వెళ్ళిపోదాము, నాన్నగారు రిటైర్ అవుతున్నారు అని మా అమ్మ చెప్పింది. కానీ నేను పెళ్లి చేసుకోవాలని ఫిక్స్ అయినప్పుడు మెలమెల్లగా వాళ్లు కూడా అర్థం చేసుకున్నారు. ఆ తర్వాత మా రెండు ఫ్యామిలీస్ మాట్లాడుకుని ఓకే చేశారు. అంతకంటే ముందు మా పేరెంట్స్ నన్ను చాలా రిస్ట్రిక్ట్ చేశారు. ఒక వారం రోజులపాటు ఇంట్లోనే ఉంచారు. ఫోన్ కూడా మాట్లాడనివ్వలేదు. షూటింగ్ కి వెళ్లినా మా అమ్మ నాతోనే ఉండేది. ఇంకా ఎక్కువగా రిస్ట్రిక్ట్ చేసేది" అని సుమ తెలిపారు.

ఇక ఆ తర్వాత.. "రాజీవ్ నాకు మొదట ప్రపోజ్ చేశాడు. ఆ తర్వాత నాతో మెల్లి మెల్లిగా మాట్లాడటం, కలవడంతో మా మధ్య చనువు పెరిగింది. దాంతో నా బిహేవియర్ తనకి బాగా నచ్చింది. ఇక నేను కూడా చూడ్డానికి బావున్నాడు.. ఒక సినిమా హీరో లక్షణాలన్నీ అతనిలో ఉన్నాయి అనుకున్నా. ఆ సమయంలో రాజీవ్ ఇంకా సినిమాల్లో ఎక్కువ పాపులర్ కాలేదు. అయినా కూడా బాగున్నాడు కదా అని అనుకున్నా. కానీ రిస్ట్రిక్షన్స్ అన్ని మనసులో పెట్టుకున్నాక.. ముందు వద్దనుకున్నా. అది కూడా పేరెంట్స్ వల్ల వద్దనుకున్నా. కానీ ఆ తర్వాత రాజీవ్ గురించి, వాళ్ళ ఫ్యామిలీ గురించి విన్నప్పుడు ఒక మంచి మనిషిని మిస్ అవుతున్న ఫీలింగ్ కలిగింది. దాంతో రాజీవ్‌ను పెళ్లి చేసుకోవాలని ఫిక్స్ అయిపోయా. అలా మా జర్నీ స్టార్ట్ అయింది" అని అన్నారు.

పెళ్లి చేసుకున్నాక ఎక్కడో చోట భార్యాభర్తల మధ్య గొడవలు అనేది వస్తూ ఉంటాయి. మీ లైఫ్ లో వచ్చాయా? అనే ప్రశ్నకు బదిలిస్తూ.. "మా మధ్య గొడవలు చాలా వస్తాయి. వారంలో ఒకటి రెండు సార్లు వస్తూనే ఉంటాయి. ఇద్దరం ఒక రేంజ్ లో గొడవ పడతాం. ఆ తర్వాత మళ్లీ మామూలు అయిపోతాం. బాగా గొడవ జరిగినప్పుడు ఒక్కోసారి మాట్లాడుకోకుండా ఉన్న రోజులు కూడా ఉన్నాయి. ఇప్పటివరకు మేమిద్దరం మాట్లాడకుండా ఒక 15 రోజులు ఉన్నాం. మా ఇద్దరిలో ముందుగా కోపం వచ్చేది మా ఆయనకే. కాంప్రమైజ్ అయ్యేది కూడా ఆయనే. ఒక్కోసారి నా మిస్టేక్ ఉన్నప్పుడు నేను ముందు కాంప్రమైజ్ అవుతా. కానీ ఎక్కువసార్లు కాంప్రమైజ్ అయ్యేది మాత్రం తనే. నాకు రాజీవ్ లో అతని కోపం అంటే అసలు నచ్చదు. అతనిలో కోపం చాలా ఫాస్ట్ గా వస్తుంది. అంతే ఫాస్ట్ గా కు వెళ్తుంది. కానీ ఆ కోపం రావడమే ఒక రేంజ్ లో వస్తుంది. అది నాకు నచ్చదు. ఇక అంతకుమించి రాజీవ్లో నచ్చనిది ఏదైనా ఉందంటే టైమింగ్స్. నేను ఒక టైమింగ్ ఫిక్స్ చేస్తే రాజీవ్ దాన్ని ఇంకాస్త పొడిగిస్తాడు. ఈ విషయంలో కూడా మా మధ్య గొడవలు జరుగుతాయి" అంటూ చెప్పుకొచ్చింది సుమ.

Join Us on Telegram: https://t.me/abpdesamofficial