Allu Arjun - Sneha Reddy: అల్లు అర్జున్ - స్నేహ రెడ్డిల పెళ్లి బంధానికి 13 ఏళ్లు, వీరి లవ్ స్టోరీ మీకు తెలుసా?

స్టైలిష్ స్టార్ అల్లు అర్జు, స్నేహారెడ్డి వివాహ బంధంలోకి అడుగు పెట్టి 12 ఏండ్లు పూర్తయ్యాయి. కామన్ ఫ్రెండ్స్ ద్వారా పరిచయం అయిన వీళ్లిద్దరు, 2011లో పెద్దల అంగీకారంతో ప్రేమ వివాహం చేసుకున్నారు.

అల్లు అర్జు, స్నేహారెడ్డి(Photo Credit: Allu Sneha Reddy/Instagram)

Allu Arjun - Sneha Reddy 13th Wedding Anniversary : ఐకాన్ స్టార్ అల్లు అర్జున్ సినీ కెరీర్ ఫుల్ స్వింగ్ లో కొనసాగుతోంది. ‘పుష్ప’ సినిమాతో ప్రపంచ వ్యాప్తంగా సత్తా చాటారు. ఈ మూవీలో ఆయన నటనకు ఏకంగా జాతీయ ఉత్తమ నటుడి అవార్డు దక్కింది. తెలుగు సినిమా పరిశ్రమలో ఇప్పటి వరకు ఎవరికీ లభించని అరుదైన గౌరవాన్ని బన్నీ అందుకున్నారు. ప్రస్తుతం ‘పుష్ప 2’ సినిమా షూటింగ్ లో బిజీగా గడుపుతున్నారు. ఈ మూవీ షూటింగ్ శరవేగంగా కొనసాగుతోంది.

హ్యాపీ యానివర్సరీ క్యూటీ!

ఓవైపు సినిమాల్లో బిజీగా ఉంటూనే, టైం దొరికితే ఫ్యామిలీతో హ్యాపీగా ఎంజాయ్ చేస్తున్నారు బన్నీ. ఇవాళ తన పెళ్లి రోజు కావడంతో భార్య స్నేహారెడ్డికి విషెస్ చెప్పారు. పనిలో పనిగా భార్యపై పొగడ్తలు కురిపించారు. “మన పెళ్లై 13 ఏళ్లు గడిచిపోయాయి. నేను ఈ రోజు ఈ స్థాయిలో ఉన్నానంటే దానికి కారణం నీతో ఏర్పడిన అనుబంధమే. నీ ప్రశాంతతో నాకు ఎంతో శక్తిని అందించావు. మరెన్నో వివాహ వార్షికోత్సవాలు ఇలాగే జరుపుకోవాలని కోరుకుంటున్నాను. హ్యాపీ యానివర్సరీ క్యూటీ” అంటూ రాసుకొచ్చారు. భార్య స్నేహతో కలిసి ఉన్న ఫోటోను ఇన్ స్టా వేదికగా షేర్ చేశారు. ప్రస్తుతం ఈ ఫోటో సోషల్ మీడియాలో బాగా వైరల్ అవుతోంది. పలువురు సెలబ్రిటీలు, సినీ అభిమానులు, నెటిజన్లు బన్నీ దంపతులకు వివాహ వార్షికోత్సవ శుభాకాంక్షలు చెప్తున్నారు.

పెద్దల సమక్షంలో ప్రేమ వివాహం!

ఇక అల్లు అర్జున్, స్నేహారెడ్డి ప్రేమ వివాహం చేసుకున్నారు. అయితే, వీరి పెళ్లికి మొదట్లో ఇబ్బందులు ఎదురైనా, ఆ తర్వాత పెద్దలు ఒప్పుకోవడంతో మూడు ముళ్ల బంధంతో ఒక్కటయ్యారు. నిజానికి బన్నీ, స్నేహా విభిన్న కుటుంబ నేపథ్యాలను కలిగి ఉన్నారు. స్నేహారెడ్డి అమెరికాలో చదువుకుని ఇండియాకు వచ్చింది. స్నేహ తండ్రి హైదరాబాద్ లోని ప్రముఖ విద్యా సంస్థలకు అధినేత. అటు బన్నీ సినీ నేపథ్యం ఉన్న కుటుంబం నుంచి వచ్చారు. చక్కటి నటనతో స్టార్ హీరోగా ఎదిగారు. వీరిద్దరు ఓ ప్రైవేట్ పార్టీలో కలిశారు. కామన్ ఫ్రెండ్స్ ద్వారా వీరి పరిచయం ఏర్పడింది. ఆ తర్వాత ఇద్దరి మధ్య సాన్నిహిత్యం పెరిగింది. అనంతరం ఇద్దరు ప్రేమలో పడ్డారు. పెళ్లి చేసుకోవాలి అనుకున్నారు. ఇదే విషయాన్నిపెద్దలకు చెప్పారు. అయితే, స్నేహారెడ్డి తండ్రి తొలుత ఈ పెళ్లికి ఒప్పుకోలేదు. సినీ నేపథ్యం ఉన్న అబ్బాయిని తన అల్లుడిని చేసుకోలేనని చెప్పారట. కానీ, కొంతకాలం తర్వాత ఆయన మనసు మార్చుకొని పెళ్లి సరే అన్నారట. మొత్తంగా పెద్దల సమక్షంలో 2011 మార్చ్ 6న హైదరాబాద్ లో స్నేహ, బన్నీ వివాహం అట్టహాసంగా జరిగింది. 2014లో వీరికి అబ్బాయి అయాన్ జన్మించాడు. 2016లో రెండవ బిడ్డగా అర్హ పుట్టింది. ప్రస్తుతం హ్యాపీగా వివాహ జీవితాన్ని ఎంజాయ్ చేస్తున్నారు.