Akhil Raj Delivery Boy: తాగొచ్చాడు... అమ్మను తిట్టాడు... ఫుడ్ డెలివరీ బాయ్‌ వివాదంపై అఖిల్ రాజ్ క్లారిటీ

Akhil Raj On Delivery Boy Issue: ఫుడ్ డెలివరీ బాయ్ మీద అఖిల్ రాజ్ చెయ్యి చేసుకున్న వీడియో వైరల్ అయ్యింది. అతడిపై ఎందుకు చెయ్యి చేసుకోవాల్సి వచ్చిందో అఖిల్ రాజ్ క్లారిటీ ఇచ్చారు.

డెలివరీ బాయ్ వివాదం: 'నా తల్లిని తిట్టాడు!' - అఖిల్ రాజ్ వివరణ

Source : https://www.instagram.com/p/DaNGQ7pvUVj/

Show Quick Read

Key points generated by AI, verified by newsroom

• నటుడు అఖిల్ రాజ్ డెలివరీ బాయ్‌తో గొడవపడిన వీడియో వైరల్.
• డెలివరీ బాయ్ తన తల్లిని దుర్భాషలాడటం వల్లే గొడవ అఖిల్ వివరణ.
• డెలివరీ బాయ్ మద్యం తాగి తల్లిని తిట్టి, బ్లాక్ మెయిల్ చేశాడన్నాడు.
• ఖండన వీడియోలో తనపై వచ్చిన ఆరోపణలు అఖిల్ రాజ్ తోసిపుచ్చాడు.

'రాజు వెడ్స్ రాంబాయి' హీరో అఖిల్ రాజ్ (Akhil Raj Uddemari)పై ఇంటర్‌నెట్‌లో ఆగ్రహావేశాలు వ్యక్తం అవుతున్నాయి. ఫుడ్ డెలివరీ బాయ్‌తో ఆయన గొడవ పడిన వీడియో వైరల్ అవుతోంది. ఓ బాయ్‌ను అలా కొట్టడం ఏమిటి? అని అఖిల్ రాజ్ మీద విమర్శలు వస్తున్నాయి. ఈ తరుణంలో వివరణ ఇస్తూ అఖిల్ రాజ్ వీడియో విడుదల చేశారు.

డెలివరీ బాయ్ తాగొచ్చాడు...
ఇంకా మా అమ్మను తిట్టాడు!
సోషల్ మీడియాలో వైరల్ అవుతున్న వీడియో చూస్తే... డెలివరీ బాయ్ తనది తప్పు అయ్యిందని సారీ చెబుతున్నా, అతనిపై అఖిల్ రాజ్ దాడి చేసినట్లు అర్థం అవుతోంది. ఇంకా డెలివరీ బాయ్ ముఖం మీద అఖిల్ తల్లి ఉమ్మి వేసినట్లు కూడా ఆరోపణలు వచ్చాయి. ఈ వివాదంపై అఖిల్ రాజ్ తన ఇన్‌స్టాగ్రామ్‌లో ఓ వీడియో విడుదల చేశారు. తనపై వచ్చిన ఆరోపణలను ఆయన ఖండించారు.

డెలివరీ బాయ్ మద్యం మత్తులో తమ అపోజిట్ అపార్ట్‌మెంట్‌లో 201 ఫ్లాట్‌కు ఇవ్వాల్సిన పార్శిల్‌ను తమ ఇంటికి తీసుకు వచ్చాడని అఖిల్ రాజ్ చెప్పారు. ఇంకా ఆయన మాట్లాడుతూ... ''మా ఇంట్లోని నలుగురిలో ఎవరో ఒకరు ఆర్డర్ చేశారని మా నాన్నగారు అనుకొకున్నారు. ఆ పార్శిల్ తీసుకున్నారు. ఆ తర్వాత అది మా పార్శిల్ కాదని తెలిసింది. అప్పటికే మా అమ్మ దానికి ఓపెన్ చేశారు. ఆ తర్వాత విషయం తెలిసి పక్కన పెట్టారు. కాసేపటికి డెలివరీ బాయ్ వచ్చారు. మాది అనుకుని ఓపెన్ చేశామని మా అమ్మ చెప్పగా... 'ఎందే? ఫ్రీగా వస్తే తీసుకుందామని అనుకున్నావా?' అంటూ మాట్లాడాడు. పైగా తాగేసి ఉన్నాడు. మా అమ్మను అసభ్య పదజాలంతో దూషించాడు'' అని చెప్పారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Akhil Raj Uddemari (@akhilraj_uddemari)

తన తల్లిని అవమానించడంతో కొడుకుగా తాను రియాక్ట్ అయ్యానని, అంతే తప్ప డెలివరీ బాయ్ పట్ల తనకు ఎలాంటి చిన్నచూపు లేదని అఖిల్ రాజ్ స్పష్టం చేశారు. తాను గతంలో డెలివరీ బాయ్‌గా పని చేశానని, ఆ కష్టం తనకు తెలుసని ఆయన పేర్కొన్నారు. డెలివరీ బాయ్ తప్పు చేయడమే కాకుండా... తిడతావేంటి? అని గట్టిగా అడిగినందుకు 'నువ్వు హీరో కదా! నిన్ను ఎలా వైరల్ చేస్తానో చూడు' అంటూ తనను బ్లాక్ మెయిల్ చేయడానికి ప్రయత్నించాడని అఖిల్ రాజ్ వివరించారు. వీడియో చూస్తే... తాను ఎక్కడా కొట్టలేదని, తనను తండ్రి ఆపుతున్నట్టు ఉంటుందని తెలిపారు. 

వైరల్ అవుతున్న చిన్న వీడియో క్లిప్‌ చూసి తన వ్యక్తిత్వాన్ని తప్పుగా అంచనా వేయవద్దని ప్రజలకు అఖిల్ రాజ్ విజ్ఞప్తి చేశారు. సోషల్ మీడియాలో ఉదయం నుంచి తనపై విమర్శలు చేస్తున్న వాళ్ళందరూ... తమ తల్లిదండ్రులు లేదా కుటుంబ సభ్యులను ఎవరైనా తిడితే ఏం చేస్తారని అఖిల్ రాజ్ ప్రశ్నించారు.