అన్వేషించండి

Actor Sathyendra Death: 60 సినిమాల్లో నటించాడు - చనిపోతే చూసేందుకు కుటుంబం కూడా రాలేదు - సత్యేంద్ర దుస్థితి ఇదే!

Sathyendra YouTuber : బహుభాషా నటుడు, యూట్యూబర్ సత్యేంద్ర చెన్నైలో కన్నుమూశారు. ఆయన భౌతికకాయం ఆసుపత్రి మార్చురీలో అనాథగా పడి ఉండటం సినీ ఇండస్ట్రీని కలచివేస్తోంది.

Tamil Actor Sathyendra Death Unclaimed Body:   సినీ గ్లామర్ వెనుక ఉండే చీకటి కోణాన్ని, ముఖానికి రంగు వేసుకున్న కళాకారుడి జీవితం చివరి దశలో ఎంత దైన్యంగా మారుతుందో చెప్పడానికి నటుడు, యూట్యూబర్ సత్యేంద్ర మరణమే ఒక చేదు ఉదాహరణ. కొన్ని దశాబ్దాల పాటు వెండితెరపై, డిజిటల్ తెరపై అలరించిన ఒక బహుభాషా కోవిదుడు, అనాథగా ఆసుపత్రి మార్చురీలో పడి ఉండటం సినీ ఇండస్ట్రీని కలచివేస్తోంది.  

సినిమా రంగం అంటేనే రంగుల ప్రపంచం. ఇక్కడ విజయం ఉన్నప్పుడు చుట్టూ వందల మంది ఉంటారు.. కానీ కాలం కనికరించనప్పుడు కనీసం కడసారి చూపుకు కూడా నోచుకోని దైన్య స్థితి ఎదురవుతుంది. సుమారు 60కి పైగా సినిమాలు, 150కి పైగా లఘు చిత్రాల్లో నటించి, తనకంటూ ఒక గుర్తింపు తెచ్చుకున్న 65 ఏళ్ల సత్యేంద్ర మరణం ఇప్పుడు కోలీవుడ్‌లో తీవ్ర చర్చనీయాంశమైంది. చెన్నైలోని రాయపేట ప్రభుత్వ ఆసుపత్రిలో అనారోగ్యంతో చికిత్స పొందుతూ ఆయన కన్నుమూశారు. అయితే, ఆయన మరణించి రోజులు గడుస్తున్నా, భౌతికకాయాన్ని తీసుకెళ్లేందుకు కుటుంబ సభ్యులు ఎవరూ ముందుకు రాకపోవడం సినీ ఇండస్ట్రీలోని విషాదకర స్థితికి అద్దం పడుతోంది.

సత్యేంద్ర నేపథ్యం చూస్తే ఎవరైనా ఆశ్చర్యపోవాల్సిందే. స్వతంత్ర భారత తొలి సర్కిల్ ఇన్‌స్పెక్టర్ కుమారుడైన ఆయన, విద్యాపరంగా ఎంతో ఉన్నతమైన నేపథ్యం కలిగిన వ్యక్తి. కన్నడ సాహిత్యం, తత్వశాస్త్రంలో పీజీ చేయడమే కాకుండా.. ఫ్రెంచ్, జర్మన్ భాషల్లో డిప్లొమా చేశారు. ఇటాలియన్, స్పానిష్ భాషల్లోనూ ప్రవేశం ఉంది. ఆంధ్రప్రదేశ్‌లో పుట్టి, కర్ణాటకలో పెరిగి, తమిళనాడును తన కర్మభూమిగా మార్చుకున్న ఈ బహుముఖ ప్రజ్ఞాశాలి.. నటుడిగా, దర్శకుడిగా, నిర్మాతగా, అనువాదకుడిగా, సినీ విమర్శకుడిగా తనదైన ముద్ర వేశారు. జాతీయ అవార్డు గెలుచుకున్న కన్నడ చిత్రం గ్రహణ తో ఆయన ప్రయాణం మొదలైంది.

తమిళంలో  మణ్ వాసనై ,  ఏళావదు మనిదన్ ,  కడమై కణ్ణియం కట్టుపాడు  వంటి విజయవంతమైన చిత్రాల్లో ఆయన నటించారు. కేవలం వెండితెరకే పరిమితం కాకుండా, ఆధునిక కాలానికి తగ్గట్టుగా యూట్యూబ్ ద్వారా సినిమా రివ్యూలు ఇస్తూ నేటి తరం ప్రేక్షకులకు కూడా చేరువయ్యారు. చివరిగా సూర్య నటించిన కరుప్పు  చిత్రానికి ఆయన రివ్యూ ఇచ్చారు. అంతటి సుదీర్ఘ అనుభవం, పాండిత్యం ఉన్న వ్యక్తి జీవితం చివరి దశలో తీవ్ర ఆర్థిక ఇబ్బందులను ఎదుర్కొన్నారు. కొంతమంది తోటి నటులు ఆయనకు ఆర్థికంగా అండగా నిలిచారంటేనే ఆయన పరిస్థితి ఎంత దారుణంగా ఉందో అర్థం చేసుకోవచ్చు.   

ప్రస్తుతం ఆయన భౌతికకాయం ఆసుపత్రి మార్చురీలోనే ఉంది. పోలీసులు ఆయన ఫోన్ రికార్డులు, బ్యాంక్ లావాదేవీల ఆధారంగా కుటుంబ సభ్యుల కోసం గాలిస్తున్నారు. నటుడు విశాల్, నటి వినోదిని వైద్యనాథన్ వంటి వారు ఈ విషయంలో చొరవ తీసుకుని నడిగర్ సంఘం ద్వారా అంత్యక్రియలు నిర్వహించేందుకు ప్రయత్నిస్తున్నారు. ఒకప్పుడు తెరపై వెలుగు వెలిగిన నటుడి కోసం ఇప్పుడు పోలీసులు, తోటి కళాకారులు గాలిస్తుండటం సినిమా ఇండస్ట్రీలో ఉండే అనిశ్చితిని, ఒంటరితనాన్ని గుర్తుచేస్తోంది.

కళాకారుడికి కళే ప్రాణం.. కానీ అదే కళ కొన్నిసార్లు జీవిత చరమాంకంలో కనీస గౌరవాన్ని కూడా ఇవ్వలేకపోవడం విచారకరం. సత్యేంద్ర మరణం కేవలం ఒక వ్యక్తి మరణం కాదు.. అది గ్లామర్ ప్రపంచంలో స్థిరత్వం లేని జీవితాలకు ఒక హెచ్చరిక. ఎందరో మహానుభావుల జీవిత చరిత్రలను, తత్వశాస్త్రాన్ని చదివిన ఒక విజ్ఞాని, తన సొంత ఊపిరి ఆగిపోయినప్పుడు కనీసం వారసుల చేతుల మీదుగా అంతిమ సంస్కారాలకు కూడా నోచుకోలేకపోవడం పరిస్థితుల్ని తెలియచేస్తోంది.  

టాప్ హెడ్ లైన్స్

Bhogi New Release Date : శర్వానంద్ 'భోగి' న్యూ రిలీజ్ డేట్ - రష్మిక 'మైసా'తో పోటీ ఉంటుందా?
శర్వానంద్ 'భోగి' న్యూ రిలీజ్ డేట్ - రష్మిక 'మైసా'తో పోటీ ఉంటుందా?
This Week Theatrical Releases : ఒకే వారం థియేటర్లలో 20 సినిమాలు - శుక్రవారం 14 మూవీస్ రిలీజ్... మీ ఫేవరెట్ ఏంటి?
ఒకే వారం థియేటర్లలో 20 సినిమాలు - శుక్రవారం 14 మూవీస్ రిలీజ్... మీ ఫేవరెట్ ఏంటి?
Ranu Bombai Ki Ranu Lyrics : రాను ముంబయికి రాను న్యూ రికార్డ్ - 100 కోట్లకు చేరువలో రాము రాథోడ్ ఫోక్ సాంగ్... హుషారెత్తించే లిరిక్స్
రాను ముంబయికి రాను న్యూ రికార్డ్ - 100 కోట్లకు చేరువలో రాము రాథోడ్ ఫోక్ సాంగ్... హుషారెత్తించే లిరిక్స్
The Odyssey OTT : రెండు ఓటీటీల్లో న్యూ వరల్డ్ 'ది ఒడిస్సీ' – 16 వేల కోట్ల రికార్డ్ మూవీ తెలుగులోనూ చూడొచ్చు
రెండు ఓటీటీల్లో న్యూ వరల్డ్ 'ది ఒడిస్సీ' – 16 వేల కోట్ల రికార్డ్ మూవీ తెలుగులోనూ చూడొచ్చు

వీడియోలు

Hyderabad's Korean Craze Taking Over Youth | హైదరాబాద్‌లో పెరుగుతున్న కొరియన్ కల్చర్ ప్రభావం
Bhuvneshwar Kumar Disastrous T20 Comeback | రీ-ఎంట్రీలో భువి ఘోర రికార్డు
India Women Vs Zimbabwe 2nd ODI | జింబాబ్వేపై భారత మహిళల జట్టు చారిత్రాత్మక విజయం
Team India World Record in T20 | ప్రపంచ క్రికెట్ చరిత్రలోనే తొలిసారి: 200 T20I విజయాలతో టీమ్ ఇండియా వరల్డ్ రికార్డ్
Virosh Couple Clarity on Divorce Rumours | ట్రోల్స్‌కు విజయ్, రష్మిక అదిరిపోయే కౌంటర్

ఫోటో గ్యాలరీ

వ్యక్తిగత కార్నర్

అగ్ర కథనాలు
టాప్ రీల్స్
YS Sharmila Demands Apology: తండ్రి వయసున్న వ్యక్తికి శుభలేఖ ఇస్తే చెట్టాపట్టాల్ అంటారా?.. వైఎస్ జగన్‌కు షర్మిల సూటి ప్రశ్నలు!
తండ్రి వయసున్న వ్యక్తికి శుభలేఖ ఇస్తే చెట్టాపట్టాల్ అంటారా?.. వైఎస్ జగన్‌కు షర్మిల సూటి ప్రశ్నలు!
CM Chandrababu: ఎల్‌నినో, వరుస తుపాను నష్టాలకు కేంద్రం సాయం కోరిన ఏపీ సీఎం చంద్రబాబు
ఎల్‌నినో, వరుస తుపాను నష్టాలకు కేంద్రం సాయం కోరిన ఏపీ సీఎం చంద్రబాబు
MLA Anirudh Reddy: రాజకీయ నాయకులు కాదు, ప్రభుత్వ అధికారులే ఎక్కువ అవినీతిపరులు: ఎమ్మెల్యే అనిరుధ్ రెడ్డి
రాజకీయ నాయకులు కాదు, ప్రభుత్వ అధికారులే ఎక్కువ అవినీతిపరులు: ఎమ్మెల్యే అనిరుధ్ రెడ్డి
Ranu Bombai Ki Ranu Lyrics : రాను ముంబయికి రాను న్యూ రికార్డ్ - 100 కోట్లకు చేరువలో రాము రాథోడ్ ఫోక్ సాంగ్... హుషారెత్తించే లిరిక్స్
రాను ముంబయికి రాను న్యూ రికార్డ్ - 100 కోట్లకు చేరువలో రాము రాథోడ్ ఫోక్ సాంగ్... హుషారెత్తించే లిరిక్స్
మార్కెట్‌లోకి వచ్చి ఆరు నెలలు కూడా కాలేదు.. Bajaj Pulsar 180కి మళ్లీ బ్రేక్‌!
యూత్‌ఫుల్‌ బైక్‌ బజాజ్ పల్సర్ 180 ఇక కనిపించదా? ఐదేళ్లలో రెండోసారీ అదే పరిస్థితి
MS Dhoni Retires: ఐపీఎల్‌కు ఎంఎస్ ధోనీ రిటైర్మెంట్.. CSK మెంటార్‌గా కొత్త ఇన్నింగ్స్‌కు శ్రీకారం
ఐపీఎల్‌కు ఎంఎస్ ధోనీ రిటైర్మెంట్.. CSK మెంటార్‌గా కొత్త ఇన్నింగ్స్‌కు శ్రీకారం
Cheap Liquor Scam: ఫారిన్ బ్రాండ్ అని బిల్డప్.. జానీ వాకర్ బాటిల్స్‌లో చీప్ లిక్కర్- మందుబాబుల జేబులకు చిల్లు
ఫారిన్ బ్రాండ్ అని బిల్డప్.. జానీ వాకర్ బాటిల్స్‌లో చీప్ లిక్కర్- మందుబాబుల జేబులకు చిల్లు
Bellampalli Police Video: బెల్లంపల్లి పోలీసుల ఫామ్ హౌస్ పార్టీ కలకలం.. రామగుండం సీపీ విచారణకు ఆదేశం
బెల్లంపల్లి పోలీసుల ఫామ్ హౌస్ పార్టీ కలకలం.. రామగుండం సీపీ విచారణకు ఆదేశం
Embed widget