Ali Reaction : సబ్బు తెచ్చిన తంటా - సారీ చెప్పిన కమెడియన్ అలీ... అసలేం జరిగిందంటే?

Ali Soap Ad : టాలీవుడ్ నటుడు, కమెడియన్ అలీ సారీ చెప్పారు. రీసెంట్‌గా ఆయన చేసిన ఓ సబ్బు ప్రకటన వివాదంగా మారడంతో దానిపై వివరణ ఇస్తూ వీడియో రిలీజ్ చేశారు.

సోప్ యాడ్‌పై సారీ చెప్పిన అలీ

Source : https://www.instagram.com/p/DX1Qb1TkQu1/?img_index=1

Actor Ali Reaction On Soap Ad With Laxmi Pooja : టాలీవుడ్ ప్రముఖ నటుడు, కమెడియన్ అలీ సారీ చెప్పారు. రీసెంట్‌గా ఆయన ఓ సోప్ యాడ్ చేయగా... ఆ వీడియోపై విమర్శలు వచ్చాయి. సోషల్ మీడియాలో విపరీతంగా ట్రోలింగ్ సాగడంతో అలీ అపాలజీ చెబుతూ... సదరు వీడియోను డిలీట్ చేశారు. 

అసలేం జరిగిందంటే?

అలీ రీసెంట్‌గా ఓ సబ్బు కోసం ప్రకటనలో నటించారు. అయితే, అందులో సదరు సబ్బుకి లక్ష్మీ పూజ చేస్తూ కనిపించారు. 'దేవుడు చేసిన మనుషులు' సినిమాలో జై జై లక్ష్మి, జయ లక్ష్మి అనే సాంగ్‌తో వీడియో చేయడం వైరల్‌గా మారింది. బ్యాక్ గ్రౌండ్‌లో కొన్ని మంత్రాలు కూడా వినిపించడంతో వివాదమైంది. సబ్బు ప్రకటన కోసం మత విశ్వాసాలను అపహాస్యం చేస్తారా? అంటూ కొందరు విమర్శించారు. దీనిపై విపరీతమైన ట్రోలింగ్ అవడంతో అలీ రియాక్ట్ అయ్యారు.

ఈ యాడ్ వల్ల ఎవరైనా ఇబ్బంది పడి ఉంటే క్షమించాలని చెప్పారు అలీ. ఆ ప్రకటన డిలీడ్ చేసినట్లు చెప్పిన ఆయన... అపాలజీ చెబుతూ ఓ వీడియో రిలీజ్ చేశారు. 'దేవుడు చేసిన మనుషులు సినిమాలో ఆ సీన్ నేను చేసిందే. ఈ సోప్‌ యాడ్ కోసం అది వాడాం. అది బాంబే కంపెనీ. కానీ చాలా మందికి అది నచ్చలేదు. చాలా ఇబ్బందిగా ఉంది. డిలీట్ చేయమని చెప్పారు. వెంటనే డిలీట్ చేశా. ఎవరికైనా బాధ కలిగి ఉంటే క్షమించాలని మనస్ఫూర్తిగా కోరుకుంటున్నా.' అని చెప్పారు. దీంతో వివాదానికి చెక్ పెట్టినట్లయింది. 

Soap Ad Lands Ali in Controversy

Hindu organizations have raised objections to a soap advertisement featuring Ali. As the controversy intensified, Ali issued an apology.#Ali #SoapAd #Controversy #Tollywood #Trending pic.twitter.com/ikLM1BjsM8

— Telangana Ahead (@telanganaahead) May 13, 2026

 

మరిన్ని చదవండి

అందాల అలియా - రెండు కనులు చాలవయా