Boyapati: 'అఖండ' సీక్వెల్ పై బోయపాటి ఫోకస్.. పాన్ ఇండియా సినిమాగా రిలీజ్..?
'అఖండ' సీక్వెల్ తీయాలని అనుకుంటున్నారు. ఈ సినిమాపై ఉన్న క్రేజ్ ఇంకా తగ్గలేదు. ఇదే ఊపులో సీక్వెల్ అనౌన్స్ చేస్తే.. మంచి బజ్ వస్తుందని ప్లాన్ చేస్తున్నారు.
నందమూరి బాలకృష్ణ హీరోగా దర్శకుడు బోయపాటి శ్రీను రూపొందించిన 'అఖండ' సినిమా ఎంత పెద్ద సక్సెస్ అయిందో తెలిసిందే. కోవిడ్ సెకండ్ వేవ్ తరువాత థియేటర్లలో విడుదలైన ఈ సినిమా వందకి పైగా థియేటర్లలో యాభై రోజులు పూర్తి చేసుకుంది. ఓటీటీలో కూడా ఈ సినిమా సత్తా చాటింది. ఈ సినిమాలో బాలయ్య అఘోరా గెటప్ కి ప్రేక్షకుల నుంచి భారీ స్పందన వచ్చింది.
ఇప్పుడు ఈ సినిమాను బాలీవుడ్ రీమేక్ చేయాలని ప్లాన్ చేస్తున్నారు. అక్షయ్ కుమార్ హీరోగా బాలీవుడ్ లో ఈ సినిమాను రీమేక్ చేసే అవకాశాలు ఉన్నాయి. ఇదిలా ఉండగా.. దర్శకుడు బోయపాటి శ్రీను ఈ సినిమాకి సీక్వెల్ చేసే ఆలోచనలో ఉన్నట్లు తెలుస్తోంది. అది కూడా వెంటనే చేయాలని భావిస్తున్నారట. నిజానికి బోయపాటి.. అల్లు అర్జున్ హీరోగా ఓ సినిమా మొదలుపెట్టాలి.
కానీ బన్నీ 'పుష్ప' పార్ట్ 2 షూటింగ్ లో బిజీ కానున్నారు. అది పూర్తయ్యేవరకు బోయపాటి ఎదురుచూడాల్సిన పరిస్థితి. ఈలోగా 'అఖండ' సీక్వెల్ తీయాలని అనుకుంటున్నారు. ఈ సినిమాపై ఉన్న క్రేజ్ ఇంకా తగ్గలేదు. ఇదే ఊపులో సీక్వెల్ అనౌన్స్ చేస్తే.. మంచి బజ్ వస్తుందని ప్లాన్ చేస్తున్నారు. ఈసారి ఒక్క తెలుగుకి మాత్రమే పరిమితం చేయకుండా.. పాన్ ఇండియా సినిమాగా రూపొందించాలనుకుంటున్నారు.
'అఖండ'కు సీక్వెల్ అంటే బాలయ్య కూడా ఒప్పుకోవడం ఖాయం. కానీ ఆయన గోపీచంద్ మలినేని సినిమాకి కమిట్ అయి ఉన్నారు. కాబట్టి ఇప్పట్లో 'అఖండ' సీక్వెల్ కి కాల్షీట్స్ ఇవ్వలేరు. మరి ఈ విషయంలో బోయపాటి ఎలాంటి నిర్ణయం తీసుకుంటారో చూడాలి!
View this post on Instagram
టాప్ హెడ్ లైన్స్
ట్రెండింగ్ వార్తలు
