(Source: ECI/ABP News)
Bollywood Updates: సోషల్ మీడియాను ఏలుతోన్న బ్యూటీస్ వీళ్లే! పోస్టు పెడితే లైకులే లైక్లు
సెలబ్రిటీలను ఫాలో అవ్వడం కోసమే చాలా మంది వివిధ ఫ్లాట్ ఫార్మ్ లలో అకౌంట్స్ ను మైంటైన్ చేస్తున్నారు.
సోషల్ మీడియా హవా పెరిగిన తరువాత ప్రతి ఒక్కరూ సెలబ్రిటీలు అయిపోతున్నారు. ఈ సోషల్ మీడియా కారణంగానే చాలా మంది సినీ అవకాశాలు కూడా అందుకున్నారు. సామాన్యులకు తమ టాలెంట్ ను నిరూపించుకోవడానికి సోషల్ మీడియా మంచి వేదికవుతోంది. ఇక సెలబ్రిటీల సంగతి ప్రత్యేకంగా చెప్పనక్కర్లేదు. వాళ్లను ఫాలో అయ్యేవారి సంఖ్య మిలియన్స్ లో ఉంటుంది. కేవలం సెలబ్రిటీలను ఫాలో అవ్వడం కోసమే చాలా మంది వివిధ ఫ్లాట్ ఫార్మ్ లలో అకౌంట్స్ ను మైంటైన్ చేస్తున్నారు. ఈ క్రమంలో నెటిజన్లు అమితదారణను సంపాదించుకున్న సెలబ్రిటీలు చాలా మంది ఉన్నారు. ,
వారిలో ఎక్కువమంది నెటిజన్లను ఇంప్రెస్ చేసిన వారు మాత్రం కొందరే. ఇలాంటి వారిలో టాప్ ఎవరనే అంశం గురించి ఆర్మాక్స్ మీడియా ఒక అధ్యయనాన్ని నిర్వహించింది. సోషల్ మీడియాలో బాగా ప్రేమను పొందుతున్న బాలీవుడ్ హీరోయిన్ల జాబితాను ఆ సర్వే కంపెనీ విడుదల చేసింది. దాని ప్రకారం.. మొదటిస్థానంలో స్టార్ హీరోయిన్ దీపికా పదుకోన్ నిలిచింది. వయసు మీద పడుతున్నా.. దీపికా క్రేజ్ మాత్రం తగ్గడం లేదు.
రణవీర్ తో పెళ్లి తరువాత ఆమెకి అవకాశాలు తగ్గుతాయేమో అనుకున్నారు. కానీ నటిగా ఇంకా బిజీ అయింది. నెటిజన్లను ఆకర్షించే పోస్ట్ లు పెడుతూ సోషల్ మీడియాలో మరింత పాపులారిటీ పెంచుకుంటోంది. పలు ఫోటోలు, వీడియోలతో రచ్చ చేస్తోంది. తన భర్త రణవీర్ తో కలిసి ఈ మధ్య స్పెషల్ వీడియోలను షూట్ చేసుకుంటూ వాటిని కూడా సోషల్ మీడియాలో షేర్ చేస్తుంది. దీంతో ఆమెని ఫాలో అయ్యేవారి సంఖ్య రోజురోజుకి పెరుగుతోంది. దానికి తగ్గట్లే అమ్మడు టాప్ ప్లేస్ లో నిలిచింది.
ఇక రెండో స్థానంలో ఆల్ టైమ్ ఫేవరెట్ అలియా భట్ చోటు దక్కించుకుంది. తన సినిమా అప్డేట్స్ తో పాటు పలు గ్లామర్ ఫోటోలను షేర్ చేస్తుంటుంది అలియా. అంతేకాదు.. తన పెట్స్ తో సరదాగా తీసుకున్న వీడియోలను అభిమానులతో ఎప్పటికప్పుడు పంచుకుంటూ ఉంటుంది. నిత్యం తన ఫాలోవర్లకు ట్రీట్ ఇచ్చే అలియా సోషల్ మీడియాలో బాగా పాపులర్ అవుతోంది.
కత్రినా కైఫ్ కి బాలీవుడ్ లో ఉన్న క్రేజ్ గురించి ప్రత్యేకంగా చెప్పనక్కర్లేదు. సోషల్ మీడియాలో ఆమెని ఫాలో అయ్యేవారి సంఖ్య మిలియన్స్ లో ఉంటుంది. తన ఫోటోలతో, వీడియోలతో నెటిజన్లను సమ్మోహపరిచే ఈ బ్యూటీ మూడో స్థానాన్ని దక్కించుకుంది. ఇక శ్రద్ధా కపూర్ నాలుగో స్థానంతో సరిపెట్టుకుంది. తన హాట్ కామెంట్స్ తో తరచూ వార్తల్లో నిలిచే తాప్సీ కూడా ఈ లిస్ట్ లో చోటు దక్కించుకుంది.
టాప్ హెడ్ లైన్స్
ట్రెండింగ్ వార్తలు
