![ABP Premium](https://cdn.abplive.com/imagebank/Premium-ad-Icon.png)
Akshara Singh viral Video: పబ్లిక్లో చిందేసిన బోజ్పూరి నటి అక్షర సింగ్ - అభిమానులు రాళ్ల దాడి
Akshara Singh viral Video: భోజ్ పురి స్టార్ హీరోయిన్ అక్షర సింగ్ పాల్గొన్న ఓ ఈవెంట్ లో తీవ్ర గందరగోళం ఏర్పడింది. ఆమెను చూసేందుకు భారీగా అభిమానులు తరలి రావడంతో ఉద్రిక్తత పరిస్థితులు ఏర్పడ్డాయి.
![Akshara Singh viral Video: పబ్లిక్లో చిందేసిన బోజ్పూరి నటి అక్షర సింగ్ - అభిమానులు రాళ్ల దాడి Bhojpuri Actress Akshara Singh attacked by fans in Auranagabad video goes viral Akshara Singh viral Video: పబ్లిక్లో చిందేసిన బోజ్పూరి నటి అక్షర సింగ్ - అభిమానులు రాళ్ల దాడి](https://feeds.abplive.com/onecms/images/uploaded-images/2024/01/18/3a4bba39c33d6cd418fe9fa779fbfdd11705592132998544_original.jpg?impolicy=abp_cdn&imwidth=1200&height=675)
Akshara Singh viral Video: సినీ తారలు తరచుగా షాపింగ్ మాల్స్ ఓపెనింగ్ లాంటి ఈవెంట్స్ లో పాల్గొంటారు. ఒక్కోసారి వారిని చూసేందుకు భారీగా తరలి వచ్చిన అభిమానులతో తీవ్ర ఇబ్బందులు ఎదురవుతాయి. తాజాగా భోజ్పురి నటి, గాయని అక్షర సింగ్ పాల్గొన్న కార్యక్రమం రసాభాసగా మారింది. ఆమెను చూసేందుకు ఇసుకేస్తే రాలనంత మంది అభిమానులు తరలి వచ్చారు. దీంతో పెద్ద ఎత్తున తోపులాట జరిగింది. అభిమానులను కంట్రోల్ చేసేందుకు పోలీసులు లాఠీ ఛార్జ్ చేశారు. ఖాకీల తీరుపై తీవ్ర ఆగ్రహం వ్యక్తం చేసిన ఫ్యాన్స్ తిరగబడ్డారు. రాళ్లతో పోలీసులు మీద ఎదురు దాటికి దిగారు. దీంతో తీవ్ర ఉద్రిక్తత ఏర్పడింది.
పోలీసులపై రాళ్ల దాడి చేసిన అక్షర సింగ్ అభిమానులు
నటి అక్షర సింగ్ కు భోజ్ పురిలో భారీ సంఖ్యలో అభిమానులు ఉన్నారు. అక్షర నటి మాత్రమే కాదు, సింగర్, డ్యాన్సర్ కూడా. తాజాగా బిహార్ ఔరంగాబాద్ లో ఓ షాపింగ్ మాల్ ప్రారంభోత్సవంలో పాల్గొన్నది. ఆమె వస్తున్నట్లు తెలుసుకున్న అభిమానులు భారీగా సంఖ్యలో తరలి వచ్చారు. షాపింగ్ మాల్ ముందు వేలాది మంది జమ అయ్యారు. షాపింగ్ మాల్ ను ఓపెన్ చేసిన అక్షర, ఆ తర్వాత అభిమానులను ఉద్దేశించి మాట్లాడింది. ఆ తర్వాత చక్కటి పాట పాడుతూ ఫ్యాన్స్ ను ఉత్సాహ పరిచే ప్రయత్నం చేసింది. ఆమె పాటకు అభిమానులు ఆనందంతో డ్యాన్స్ చేశారు.
ఈ సందర్భంగా తోపులాట చోటు చేసుకుంది. వారిని అదుపు చేసేందుకు పోలీసులు తమ లాఠీలకు పని చెప్పారు. అదే సమయంలో పరిస్థితి కంట్రోల్ తప్పుతుందని భావించిన పోలీసులు అక్షరను అక్కడి నుంచి పంపించే ప్రయత్నం చేశారు. పోలీసులు తీరుపై ఆమె అభిమానులు సీరియస్ అయ్యారు. రాళ్లతో వారిపై దాడి చేశారు. ఈ ఘటనలో కొద్ది మంది పోలీసులకు గాయాలు అయినట్లు తెలుస్తోంది. అయినప్పటికీ ఆమెను అక్కడి నుంచి క్షేమంగా పాట్నాకు తరలించారు. ఈ దాడికి కారణం పోలీసులు కాదని, అక్షర అనుకున్న సమయానికి రాకపోవడం వల్లే అభిమానులకు కోపం వచ్చిందని పోలీసులు అధికారులు తెలిపారు. ఆ కోపంలోనే రాళ్లతో దాడి చేశారని చెప్పారు.
View this post on Instagram
#Bhojpuri star Akshara Singh पर Fans ने फेंके पत्थर, बेकाबू भीड़ पर Police ने किया लाठीचार्ज#Akshara #AksharaSingh #BhojpuriSongs #Bihar #AksharaSinghNews #AksharaSinghSongs #AksharaSinghHot #BhojpuriNews #Bollywood #Bhojiwood #BhojpuriMovies #BhojpuriFilms #PawanSingh pic.twitter.com/hPwCDe784o
— JAYANTIKA TRIPATHI (@Jayantika_t) January 18, 2024
2010లో ఇండస్ట్రీలోకి అడుగు పెట్టిన అక్షర సింగ్
అక్షర సింగ్ 2010లో ఇండస్ట్రీలోకి అడుగు పెట్టింది. ‘సత్యమేవ జయతే‘ అనే భోజ్ పురి మూవీతో హీరోయిన్ గా ప్రేక్షకుల ముందుకు వచ్చింది. తొలి సినిమాతోనే బ్లాక్ బస్టర్ హిట్ అందుకుంది. ఈ సినిమా తర్వాత ఆమెకు వరుసగా అవకాశాలు వచ్చాయి. సింగర్ గా, డ్యాన్సర్ గానూ అలరించింది. ఆ తర్వాత పలు హిందీ సిరీస్ లలో నటించింది. కొంత కాలం తర్వాత అవకాశాలు రావడం లేదు. 2021లో బిగ్ బాస్ ఓటీటీ వెర్షన్ లో పాల్గొన్నది. ప్రస్తుతం షాపింగ్ మాల్స్ ఓపెనింగ్స్ తో గడుపుతోంది.
Also Read: రోజూ రెండు రౌండ్లు మద్యం, స్వీట్స్ తినకపోతే నిద్ర రాదు - నాగార్జున ఫిట్నెస్ సీక్రెట్స్ ఇవేనట
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)