![ABP Premium](https://cdn.abplive.com/imagebank/Premium-ad-Icon.png)
Bhagavanth Kesari Day 3 Collections: బాక్సాఫీస్ దగ్గర ‘భగవంత్ కేసరి‘ జోష్, మూడో రోజు కలెక్షన్స్ ఎంతంటే?
బాలయ్య మూవీ ‘భగవంత్ కేసరి‘ బాక్సాఫీస్ దగ్గర సత్తా చాటుతోంది. మూడో రోజు వసూళ్ల పరంగా ఆకట్టుకుంది. మూడో రోజుల్లో ప్రపంచ వ్యాప్తంగా రూ.71.02 కోట్ల గ్రాస్ సాధించినట్లు చిత్రబృందం ప్రకటించింది.
![Bhagavanth Kesari Day 3 Collections: బాక్సాఫీస్ దగ్గర ‘భగవంత్ కేసరి‘ జోష్, మూడో రోజు కలెక్షన్స్ ఎంతంటే? Bhagavanth Kesari Box Office Collection Day 3 Bhagavanth Kesari Day 3 Collections: బాక్సాఫీస్ దగ్గర ‘భగవంత్ కేసరి‘ జోష్, మూడో రోజు కలెక్షన్స్ ఎంతంటే?](https://feeds.abplive.com/onecms/images/uploaded-images/2023/10/22/2970e71dbe6e0e38b976506cd3d942921697952626186544_original.jpg?impolicy=abp_cdn&imwidth=1200&height=675)
నందమూరి నటసింహం బాలయ్య నటించిన తాజా చిత్రం ‘భగవంత్ కేసరి’. అనిల్ రావిపూడి తెరకెక్కించిన ఈ చిత్రం దసరా కానుకగా అక్టోబర్ 19న ప్రేక్షకుల ముందుకు వచ్చింది. ఎదిగే వయసు అమ్మాయిలకు ఎదురయ్యే సమస్యలు, వాటిని ఎలా ఎదుర్కోవాలి అనే విషయాలను ఈ చిత్రంలో చూపించే ప్రయత్నం చేశారు దర్శకుడు. గుడ్ టచ్, బ్యాడ్ టచ్ అంశానికి మాస్ ఎలిమెంట్స్ జోడించారు. ఈ సినిమా తొలి రోజు నుంచే మంచి టాక్ సంపాదించుకుంది. తొలి రెండు రోజుల్లో ప్రపంచ వ్యాప్తంగా రూ. 50 కోట్లకు పైగా గ్రాస్ వసూలు చేసింది.
భారీగా పెరిగిన షో ఆక్యుపెన్సీ
ఇక రెండో రోజుతో పోల్చితే మూడో రోజు వసూళ్లు పరంగా ‘భగవంత్ కేసరి’ అదుర్స్ అనిపించింది. అన్ని చోట్లా ఈ సినిమా చూసేందుకు ప్రేక్షకులు థియేటర్లకు క్యూ కట్టారు. పెద్ద మొత్తంలో షో ఆక్యుపెన్సీ పెరిగింది. మూడో రోజు మార్నింగ్ ఆక్యుపెన్సీ 33.87 శాతంగా ఉండగా, మధ్యాహ్నం వరకు 48.60 శాతానికి పెరిగింది. ఈవినింగ్ 56.85 కాగా, నైట్ 63.04 శాతం నమోదు అయ్యింది.
మూడు రోజుల్లో రూ.71.02 కోట్ల గ్రాస్ వసూళు
మూడు రోజుల్లో ‘భగవంత్ కేసరి’ వరల్డ్ వైడ్గా గ్రాస్ రూ.71.02 కోట్లు సాధించినట్లు చిత్రబృందం వెల్లడించింది. మూడో రోజు ఉభయ తెలుగు రాష్ట్రాల్లో 10.65 కోట్ల షేర్ రాబట్టినట్లు తెలిపింది. మూడు రోజుల్లో తెలంగాణ, ఏపీలో రూ. 38.37 కోట్లు గ్రాస్ వసూళు అయినట్లు తెలిపింది. మూడో రోజు తెలుగు రాష్ట్రాల్లో కలెక్షన్ల వివరాలను పరిశీలిస్తే, నైజాంలో రూ. 3.90 కోట్లు, సీడెడ్లో రూ. 2.45 కోట్లు, ఏపీలో రూ.4.30 మొత్తంగా 10.65 కోట్ల షేర్ వచ్చింది. ఏపీలో వైజాగ్లో రూ.1.01కోట్లు, ఈస్ట్ గోదావరిలో రూ. 72 లక్షలు, వెస్ట్ గోదావరిలో రూ. 55 లక్షలు, గుంటూరులో రూ. 75 లక్షలు, కృష్ణాలో రూ. 68 లక్షలు, నెల్లూరులో రూ.59 లక్షలు సాధించినట్లు ట్రేడ్ వర్గాలు వెల్లడించాయి. ప్రపంచవ్యాప్తంగా మూడో రోజు రూ. 19.90 కోట్ల గ్రాస్ వసూళు అయ్యింది. దేశ వ్యాప్తంగా తొలి రోజు రూ.16.6కోట్లు, రెండో రోజు రూ. 7 కోట్లు, మూడో రోజు రూ.7.75 కోట్ల నెట్ కలెక్షన్స్ సాధించింది.
#BhagavanthKesari బాక్స్ ఆఫీస్ ఊచకోత 🔥
— Shine Screens (@Shine_Screens) October 22, 2023
71.02 CR Worldwide gross in 3 days for #DasaraWinnerKesari ❤️🔥❤️🔥❤️🔥#BlockbusterBhagavanthKesari Weekend Loading 😎💥
- https://t.co/rrWPhVwU6B#NandamuriBalakrishna @AnilRavipudi @MsKajalAggarwal @sreeleela14 @MusicThaman @harish_peddi… pic.twitter.com/0KOhywGIKJ
‘భగవంత్ కేసరి’ మూవీలో బాలయ్యకు జోడీగా కాజల్ అగర్వాల్ హీరోయిన్గా నటించింది. అర్జున్ రాంపాల్ విలన్ పాత్రలో కనిపించారు. ఈ చిత్రంలో శ్రీ లీల బాలయ్య కూతురుగా నటించింది. తెలంగాణ బ్యాక్ డ్రాప్లో మాస్ అండ్ యాక్షన్ ఎంటర్టైనర్గా రూపొందిన ఈ చిత్రంలో మహిళల గురించి చర్చించిన తీరుపై విమర్శకుల నుంచి ప్రశంసలు దక్కుతున్నాయి. ఈ సినిమాకు థమన్ అదిరిపోయే మ్యూజిక్ను ఇచ్చారు. ఇక, ఈ చిత్రాన్ని షైన్ స్క్రీన్ స్టూడియోస్ బ్యానర్పై సాహు గారపాటి, హరీష్ పెద్ది నిర్మించారు.
Read Also: 3 భాగాలుగా ‘మహా భారతం‘- బాలీవుడ్ స్టార్ డైరెక్టర్ వివేక్ అగ్నిహోత్రి సంచలన నిర్ణయం
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)