![ABP Premium](https://cdn.abplive.com/imagebank/Premium-ad-Icon.png)
Bachchan Pandey Trailer: డెవిల్ స్టోరీని బయోపిక్ గా తీయాలనుకుంటే? 'బచ్చన్ పాండే' ట్రైలర్ చూశారా..?
బాలీవుడ్ స్టార్ హీరో అక్షయ్ కుమార్ ప్రధాన పాత్రలో రూపొందుతోన్న సినిమా 'బచ్చన్ పాండే'. తాజాగా సినిమా ట్రైలర్ ను విడుదల చేశారు.
![Bachchan Pandey Trailer: డెవిల్ స్టోరీని బయోపిక్ గా తీయాలనుకుంటే? 'బచ్చన్ పాండే' ట్రైలర్ చూశారా..? Bachchan Pandey Trailer Akshay Kumar kriti sanon Bachchhan Paandey Trailer Released Bachchan Pandey Trailer: డెవిల్ స్టోరీని బయోపిక్ గా తీయాలనుకుంటే? 'బచ్చన్ పాండే' ట్రైలర్ చూశారా..?](https://feeds.abplive.com/onecms/images/uploaded-images/2022/02/18/cc81791fe73340b8feb61e6040c2744e_original.jpg?impolicy=abp_cdn&imwidth=1200&height=675)
Bachchan Pandey - బాలీవుడ్ స్టార్ హీరో అక్షయ్ కుమార్ ప్రధాన పాత్రలో రూపొందుతోన్న సినిమా 'బచ్చన్ పాండే'. ఫర్హాద్ సంజీ ఈ సినిమాను డైరెక్ట్ చేస్తున్నారు. రీసెంట్ గా ఈ సినిమాకి సంబంధించిన పోస్టర్ విడుదల చేయగా.. అందులో అక్షయ్ కుమార్ తన ఫెరోషియస్ లుక్ తో ఆకట్టుకున్నారు. తాజాగా సినిమా ట్రైలర్ ను విడుదల చేశారు.
బచ్చన్ పాండే అనే రౌడీషీటర్ జీవితం ఆధారంగా సినిమా తీయాలనుకుంటుంది ఓ లేడీ డైరెక్టర్. దీనికోసం అతడిని స్వయంగా కలవాలనుకుంటుంది. దీనికోసం తన స్నేహితుడ్ని వెంటబెట్టుకొని బచ్చన్ పాండే దగ్గరకు వెళ్తుంది. ఎలాగోలా ఒప్పించి అతడి బయోపిక్ తీయడానికి పర్మిషన్ తెచ్చుకుంటుంది. అదే సమయంలో బచ్చన్ పాండే, అతడి దగ్గర పనిచేసే రౌడీల కారణంగా ఆమె కొన్ని ఇబ్బందులను ఎదుర్కొంటుంది. ఆ తరువాత ఏం జరిగిందనేదే సినిమా. ట్రైలర్ ని అయితే చాలా ఇంట్రెస్టింగా కట్ చేశారు. అక్షయ్ కుమార్ పెర్ఫార్మన్స్ కూడా ఓ రేంజ్ లో ఉంది. కొత్త లుక్ తో నిజంగానే భయపెట్టేలా ఉన్నాడు.
లేడీ డైరెక్టర్ రోల్ లో కృతిసనన్, ఆమె స్నేహితుడి పాత్రలో అర్షద్ వర్సి కనిపించారు. జాక్వెలిన్ ఫెర్నాండేజ్.. అక్షయ్ కుమార్ గర్ల్ ఫ్రెండ్ గా కనిపించింది. తమిళంలో హిట్ అయిన 'జిగర్తాండ' సినిమాకు రీమేక్ గా దీన్ని తెరకెక్కిస్తున్నారు. తెలుగులో ఇప్పటికే 'గద్దలకొండ గణేష్' అనే పేరుతో 'జిగర్తాండ'ను రీమేక్ చేశారు. అయితే హిందీలో మాత్రం చాలా మార్పులే చేసినట్లు కనిపిస్తోంది. నడియాద్వాల గ్రాండ్ సన్ ఎంటర్టైన్మెంట్ బ్యానర్ పై ఈ సినిమాను తెరకెక్కిస్తున్నారు.
View this post on Instagram
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)