Lasya Kalavathi Dance: భర్తతో గదులు తుడిపిస్తూ, ‘కళావతి’ పాటను ఖూనీ చేసిన యాంకర్ లాస్య!
యాంకర్ లాస్య మరోసారి నెటిజనులను తన క్రియేటివిటీతో ఆకట్టుకుంది. ‘సర్కారు వారి పాట’లోని ‘కళావతి’ సాంగ్‌కు తన భర్తతో ఇలా స్టెప్పులు వేయించింది.
యాంకర్ లాస్య గురించి సోషల్ మీడియాలో ఎంత యాక్టీవ్‌గా ఉంటుందో తెలిసిందే. ముఖ్యంగా యూట్యూబ్‌లో ఆమె పోస్ట్ చేసే వీడియోలు భలే ట్రెండవుతూ ఉంటాయి. అంతేకాదు, రీల్స్, షార్ట్స్.. ఇలా ఏదీ వదలకుండా వాడేయడం లాస్యాకే బాగా తెలుసు. ఈ మధ్య.. లాస్య తన భర్తను కూడా సెలబ్రిటీ చేసేసింది. ఆయనలో ఉన్న కళాకారుడిని బయటకు తీస్తోంది. ఈ వీడియో చూసిన తర్వాత మీకు ఆ విషయం బాగా అర్థమవుతుంది.
మహేష్ బాబు, కీర్తి సురేష్ నటించిన ‘సర్కారు వారి పాట’ సినిమా నుంచి ఇటీవల విడుదల చేసిన ‘‘కళావతి’’ సాంగ్ సోషల్ మీడియాలో వైరల్‌గా మారిన సంగతి తెలిసిందే. అందులో మహేష్ బాబు వేసిన డ్యాన్స్‌పై #KalavathiDanceChallenge హ్యాష్‌ట్యాగ్ ట్రెండవ్వుతోంది. దీంతో ఇప్పుడు అంతా ఆ పాటకు డ్యాన్స్ చేసే పనిలోనే ఉన్నారు. ఇటీవల మహేష్ బాబు కుమార్తె సితార, ‘సర్కారు వారి పాట’ సినిమా హీరోయిన్ కీర్తి సురేష్ కూడా ఈ పాటకు స్టెప్స్ వేస్తూ తమ టాలెంట్ చూపించారు. అయితే, అంతా మహేష్ బాబు వేసిన స్టెప్పులను మాత్రమే అనుకరిస్తుంటే.. లాస్య, ఆమె భర్త మాత్రం అందుకు భిన్నంగా డ్యాన్స్ చేశారు.
‘కళావతి’ పాటకు ఆమె భర్త క్లాత్ కింద వేసి ఫ్లోర్ తుడుస్తూ మహేష్ బాబు స్టెప్స్ వేస్తుంటే.. లాస్య మధ్యలో బూజులు దులిపే కర్రతో డ్యాన్స్ చేసింది. ‘‘ఇల్లు తుడిచేందుకు ఇది కొత్త పద్ధతి’’ అంటూ ఆ వీడియోను ఇన్‌స్టాగ్రామ్‌లో పోస్ట్ చేసింది. ఈ పాట చూసేందుకు ఫన్నీగానే కాదు, ఆకట్టుకొనేలా కూడా ఉంది. అయితే, కొందరు మాత్రం మంచి పాటను ఇలా ఖూనీ చేశారే అంటూ తలబాదుకుంటుంటే.. మరికొందరు భలే కొత్తగా ఉందంటూ లాస్య జంటను పొగిడేస్తున్నారు ఇంత క్రియేటివ్‌గా ఆలోచించడం కూడా గ్రేటే కదూ.
View this post on Instagram
టాప్ హెడ్ లైన్స్
ట్రెండింగ్ వార్తలు
