Prabhas : ప్రభాస్ను షారుఖ్తో పోల్చిన ప్రశాంత్ నీల్ - 20 ఫ్లాప్స్ వచ్చినా స్టార్ సారే!
Salaar : ‘సలార్’ విడుదలకు ముందుకు ప్రశాంత్ నీల్ ఆసక్తికర వ్యాఖ్యలు చేశారు. ప్రభాస్ వరుస పరాజయాల గురించి మాట్లాడుతూ షారుఖ్ తో పోల్చారు.
Prashant Neel Compares Prabhas With Shah Rukh Khan: దేశ వ్యాప్తంగా సినీ అభిమానులు ఎంతగానో ఎదురు చూస్తున్న ‘సలార్’ మూవీ మరికొద్ది గంటల్లో విడుదల కానుంది. ఈ సినిమాపై దర్శకుడు ప్రశాంత్ నీల్ తో పాటు పాన్ ఇండియన్ యాక్టర్ ప్రభాస్ కూడా భారీగా అంచనాలు పెట్టుకున్నాడు. ‘బాహుబలి’ తర్వాత ప్రభాస్ నటించిన ఏ సినిమా కూడా ఆస్థాయి సక్సెస్ అందుకోలేకపోయింది. ‘సాహో’, ‘రాధేశ్యామ్’, ‘ఆదిపురుష్’ లాంటి పాన్ ఇండియన్ మూవీ డిజాస్టర్ టాక్ తెచ్చుకున్నాయి. ఈ నేపథ్యంలో ‘సలార్’ మూవీతో ఎలాగైనా హిట్ కొట్టాలని భావిస్తున్నారు. ఈ సినిమాతో మళ్లీ హిట్ ట్రాక్ లోకి ఎక్కాలి అనుకుంటున్నారు ప్రభాస్.
ప్రభాస్ ను షారుఖ్ తో పోల్చిన ప్రశాంత్ నీల్
అటు ‘సలార్’ మూవీపై భారీగా అంచనాలు నెలకొన్నాయి. ‘కేజీఎఫ్’ చిత్రాలతో దేశ వ్యాప్తంగా గుర్తింపు తెచ్చుకున్న ప్రశాంత్ నీల్ ఈ సినిమాను తెరచెక్కించడంతో సహజంగానే అభిమానులలో ఎక్స్ పెక్టేషన్స్ భారీగా ఉన్నాయి. అయితే, ‘సలార్’ బాలీవుడ్ స్టార్ హీరో షారుఖ్ నటించిన ‘డుంకీ’ మూవీతో బాక్సాఫీస్ దగ్గర పోటీ పడుతోంది. ఒక్కరోజు తేడాతో ఈ రెండు సినిమాలు విడుదల కాబోతున్నాయి. ఈ నేపథ్యంలో ప్రశాంత్ నీల్ ప్రభాస్ వరుస పరాజయాలపై స్పందించారు. పనిలో పనిగా షారుఖ్ తో ప్రభాస్ ను పోల్చారు.
ప్రభాస్ ఎప్పటికీ పెద్ద స్టారే- ప్రశాంత్ నీల్
ఒక స్టార్ ఎప్పటికీ స్టార్ గానే ఉంటాడని చెప్పారు. ఒక్క ఫ్లాప్ వచ్చినా 20 ఫ్లాప్స్ వచ్చినా పెద్దగా పట్టించుకోవాల్సిన అవసరం లేదన్నారు. 2018లో ‘జీరో’ పరాజయం తర్వాత షారుఖ్ సక్సెస్ లేక ఇబ్బంది పడినట్లు చెప్పారు. మళ్లీ ఈ ఏడాది ‘పఠాన్’తో అద్భుతంగా ఎంట్రీ ఇచ్చారని గుర్తు చేశారు. అదే సమయంలో పలువురు స్టార్ హీరోల చిత్రాల్లో అతిథి పాత్రల్లో కనిపించారని చెప్పారు. ఇదే విషయం ప్రభాస్ కు వర్తిస్తుందన్నారు. “ప్రభాస్ పెద్ద స్టార్. ‘బాహుబలి’ తర్వాత బిగ్గెస్ట్ స్టార్ అయ్యాడు. ఆయనకు ఉన్న క్రేజ్ ను ప్రజలు మరిచిపోరు. స్టార్స్ ఎప్పుడూ స్టార్సే. వారు ఒక ఫ్లాప్ లేదంటే 20 ఫ్లాప్స్ కలిగి ఉండవచ్చు. ఒక్క హిట్ కొడితే మళ్లీ యథాస్థానానికి వచ్చేస్తారు. షారుఖ్ ఎప్పుడూ స్టార్ అనే విషయం ‘పఠాన్’తో రుజువు అయ్యింది” అని చెప్పుకొచ్చారు.
ఒక్కరోజు తేడాతో ‘డుంకీ’, ‘సలార్’ విడుదల
ఇక షారుఖ్ ఖాన్, రాజ్ కుమార్ హిరాణి కాంబోలో తెరకెక్కిన ‘డుంకీ’ మూవీ ఇవాళ ప్రేక్షకుల ముందుకు వచ్చింది. తాప్సీ పన్ను ఇందులో హీరోయిన్ గా నటించింది. అటు ప్రభాస్, శృతిహాసన్ జంటగా ప్రశాంత్ నీల్ తెరకెక్కించిన ‘సలార్’ మూవీ రేపు(డిసెంబర్ 22న) విడుదల కానుంది. ఇందులో ఈశ్వరీ రావు, జగపతి బాబు, శ్రీయా రెడ్డి కీలక పాత్రలు పోషించారు. ప్రపంచ వ్యాప్తంగా భారీ ఎత్తున ఈ సినిమా విడుదలకాబోతోంది.
Read Also: నటి గౌతమి ఆస్తుల కేసులో నిందితులకు ఎదురుదెబ్బ - బెయిల్ నిరాకరించిన కోర్టు
టాప్ హెడ్ లైన్స్
ట్రెండింగ్ వార్తలు
