Thunivu: ఒకరోజు ముందే ‘తెగింపు’ - రిలీజ్ డేట్ అనౌన్స్ చేసిన నిర్మాతలు!

అజిత్ కుమార్ ‘తునివు’ జనవరి 11వ తేదీన విడుదల కానుంది.

తునివులో అజిత్ కుమార్

సంక్రాంతి బరిలో ఉన్న అజిత్ కుమార్ సినిమా ‘తునివు’ విడుదల తేదీని నిర్మాతలు అధికారికంగా ప్రకటించారు. ఈ సినిమా జనవరి 11వ తేదీన విడుదల కానుంది. మొదట ఈ సినిమాను జనవరి 12వ తేదీన విడుదల చేస్తారని అందరూ భావించారు. ‘వారిసు’ నిర్మాత దిల్ రాజు కూడా జనవరి 12వ తేదీ విడుదలకు సన్నాహాలు ప్రారంభించారు.

కానీ అనూహ్యంగా ‘తునివు’ సినిమాను జనవరి 11వ తేదీన విడుదల చేయనున్నట్లు నిర్మాత బోనీ కపూర్ ప్రకటించారు. దీంతో ‘వారిసు’ను ఒకరోజు ముందుకు జరిపి జనవరి 11వ తేదీన విడుదల చేస్తారా, లేకపోతే జనవరి 12వ తేదీకే కట్టుబడి ఉంటారా అనేది చూడాలి.

‘వారిసు’ జనవరి 12వ తేదీన విడుదల అయితే ‘తునివు’కు ఒకరోజు తమిళనాట ఫ్రీ రన్ దొరుకుతుంది. కాబట్టి ‘వారిసు’ కూడా జనవరి 11వ తేదీకే ముందుకు వెళ్లే అవకాశం ఉంది. అలా చేస్తే తెలుగులో ‘వారసుడు’కు కూడా ప్లస్ పాయింటే. ఎందుకంటే 12న వస్తే బాలకృష్ణ ‘వీర సింహా రెడ్డి’తో స్క్రీన్స్ షేర్ చేసుకోవాలి. 11వ తేదీన అయితే ‘వారసుడు’కు ఒకరోజు ఫ్రీ రన్ దొరుకుతుంది. తెలుగులో అజిత్ మార్కెట్ కూడా అంతంత మాత్రమే. కాబట్టి దిల్ రాజు కూడా ‘వారిసు’ను ఒకరోజు ముందుకు జరిపే అవకాశం ఉంది. ‘తునివు’ తెలుగు వెర్షన్ ‘తెగింపు’ కూడా జనవరి 11వ తేదీనే విడుదల అయ్యే అవకాశం ఉంది.

ఇక ప్రమోషన్ల విషయానికి వస్తే... రెండు సినిమాల ట్రైలర్లు విడుదల అయ్యాయి. ‘వారిసు’ ఫ్యామిలీ ఎమోషన్స్ ప్రధానంగా తెరకెక్కిన కమర్షియల్ సినిమా కాగా, ‘తునివు’ బ్యాంక్ దోపిడీ నేపథ్యంలో సాగే అవుట్ అండ్ అవుట్ యాక్షన్ థ్రిల్లర్. పాటలు కూడా రెండు సినిమాలవీ పెద్ద సక్సెస్ అయ్యాయి.

ఇక రెండు సినిమాలూ ఒకే రోజు విడుదల అయితే తమిళ నాట ఇద్దరూ పెద్ద స్టార్లే కాబట్టి టాక్ ప్రధాన పాత్ర పోషించనుంది. ఎవరి సినిమాకు మంచి టాక్ వస్తే వారిది సక్సెస్ కానుంది. తమిళనాట టాక్ ప్రధాన పాత్ర పోషించనుంది. ఓవర్సీస్‌లో మాత్రం అజిత్ మీద పూర్తిగా విజయ్‌దే పైచేయి. కాబట్టి తమిళనాట సంక్రాంతి విన్నర్ ఎవరో మరో 10 రోజుల్లో తేలిపోనుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by bayviewprojectsllp (@bayviewprojectsllp)