‘ఆహా’పై ప్రభాస్ ఎఫెక్ట్ - ఏకంగ సర్వర్ డౌన్!
ఆహాలో ప్రభాస్ ఎపిసోడ్ రిలీజ్ అయ్యాక యాప్ సర్వర్లు క్రాష్ అయ్యాయి.
అన్‌స్టాపబుల్ సీజన్ 2లో ఇప్పటివరకు అత్యధిక హైప్ ఉన్న ప్రభాస్ ఎపిసోడ్ మొదటి భాగాన్ని ఆహా స్ట్రీమింగ్ ప్రారంభించింది. అయితే స్ట్రీమింగ్ ప్రారంభమైన కాసేపటికే ఆహా సర్వర్లు క్రాష్ అయ్యాయి. ఎపిసోడ్ చూడాలని ప్రయత్నించిన అభిమానులకు యాప్ ఓపెన్ కాలేదు.
ఈ విషయాన్ని ఆహా కూడా ట్విట్టర్ ద్వారా ప్రకటించింది. ప్రభాస్ ఫ్యాన్స్ ప్రేమ కారణంగా ‘ఆహా’ యాప్ ఓవర్‌లోడ్ అయిందని, త్వరలో దాన్ని రీస్టోర్ చేస్తామని ప్రకటించింది. కానీ ఇంకా రీస్టోర్ కాలేదు. ఈ ఎపిసోడ్ రెండు భాగాలుగా ప్రసారం కానుంది.
మొదటి భాగం ఇప్పటికే విడుదల అయింది. రెండో భాగం జనవరి 6వ తేదీ నుంచి స్ట్రీమ్ కానుంది. ప్రభాస్‌తో పాటు తన ప్రాణ స్నేహితుడు గోపిచంద్ కూడా ఈ ఎపిసోడ్‌లో పాల్గొన్నాడు. రామ్‌చరణ్‌కు కూడా ప్రభాస్ కాల్ చేసినట్లు ప్రోమోలో చూడవచ్చు.
ఈ ఎపిసోడ్ ప్రోమోల్లో బాలయ్య, ప్రభాస్, గోపీచంద్‌ల సరదా సంభాషణలు, చమత్కారాలను చూపించారు. బాలయ్య మాట్లాడుతూ.. ‘‘నువ్వు డార్లింగ్ అంటే దెయ్యాలు కూడా దేవతులుగా మారిపోతారు. నేను నీ మాయలో పడిపోయాను’’ అని అన్నారు. ఆ తర్వాత.. ‘‘ఏంటీ పెళ్లి ఉందా? లేదా? అసలు?’’ అని అడిగారు. దీనికి ప్రభాస్ స్పందిస్తూ.. ‘‘రాసిపెట్టి లేదు సార్’’ అని అన్నారు. దీంతో బాలయ్య ‘‘మీ అమ్మకు చెప్పిన మాటలు చెప్పకయ్యా’’ అని అన్నారు.
నిన్ను ఎక్కువగా నీ ఫ్రెండ్స్ ఏమని పిలుస్తారని బాలయ్య అడిగితే.. ‘‘డార్లింగ్’’ అనే పిలుస్తారని ప్రభాస్ సమాధానమిచ్చారు. మరి ‘‘గర్ల్ ఫ్రెండ్స్ ఏమని పిలుస్తారు?’’ అని అనే ప్రశ్నకు మాత్రం ప్రభాస్ తెలివిగా.. ‘‘అదేదో టాబ్లెట్ వేసుకుంటున్నా సార్, మరిచిపోతున్నా ఈ మధ్యన’’ అని బదులిచ్చారు.
‘‘2008లో ఏదో హీరోయిన్ విషయంలో గొడవపడ్డారు’’ అని బాలయ్య అడిగితే.. గోపీచంద్ ‘‘2008 కాదు సార్ అది’’ అని చెబుతుంటే.. ప్రభాస్ ఆయన్ని ఆపే ప్రయత్నం చేశారు. షోలో భాగంగా బాలకృష్ణ.. హీరో రామ్ చరణ్‌కు ఫోన్ చేశారు. ‘‘సంక్రాంతికి ఫస్ట్ నా సినిమా చూడు, తర్వాత మీ నాన్నగారి సినిమాకు వెళ్లు’’ అని అనడంతో ప్రోమో ముగిసింది. ఈ సంక్రాంతి పండుగకు చిరంజీవి, బాలకృష్ణ నటించిన సినిమాలు ఒకేసారి విడుదలవుతున్న సంగతి తెలిసిందే. ‘వాల్తేరు వీరయ్య’ జనవరి 13న, ‘వీరసింహా రెడ్డి’ జనవరి 12న విడుదల కానున్నాయి.
View this post on Instagram
టాప్ హెడ్ లైన్స్
ట్రెండింగ్ వార్తలు
