Pooja Jhaveri Wedding : ఘనంగా ‘ద్వారక’ హీరోయిన్ పూజా జవేరి పెళ్లి - వరుడు ఎవరో తెలుసా?

Pooja Jhaveri : ద్వారక, బంగారు బుల్లోడు వంటి సినిమాలతో హీరోయిన్గా గుర్తింపు తెచ్చుకున్న పూజా జవేరి తాజాగా పెళ్లి చేసుకుంది. తన పెళ్లికి సంబంధించిన ఫోటోలను సోషల్ మీడియా వేదికగా పంచుకుంది.

Photo Credit : పూజా జవేరి(Pooja J Jhaveri/Instagram)

Acctress Pooja Jhaveri Wedding : సినీ ఇండస్ట్రీలో ఈమధ్య వరుసగా పెళ్లిళ్లు జరుగుతున్న విషయం తెలిసిందే. ముఖ్యంగా టాలీవుడ్‌లో ఒకరి తర్వాత ఒకరు పెళ్లి చేసుకుంటున్నారు. ఆమధ్య మెగా ఫ్యామిలీ నుంచి వరుణ్ తేజ్ హీరోయిన్ లావణ్య త్రిపాఠిని పెళ్లి చేసుకున్న విషయం తెలిసిందే. ఈ జంట ఐదేళ్లు ప్రేమించుకుని ఇరు కుటుంబాల సమక్షంలో ఒకటయ్యారు. ఆ తర్వాత విక్టరీ వెంకటేష్ చిన్న కూతురు నిశ్చితార్థం కూడా జరిగింది. గతవారం అదే దగ్గుబాటి ఫ్యామిలీ నుంచి ప్రముఖ నిర్మాత సురేష్ బాబు కొడుకు, రానా తమ్ముడు అభిరామ్ పెళ్లి చేసుకున్నాడు. శ్రీలంకలో ఈ పెళ్లి జరిగింది.

ఇక ఇప్పుడు మరో హీరోయిన్ పెళ్లి చేసుకుంది. ఆమె మరెవరో కాదు పూజా జవేరి. 'భం బోలేనాధ్' అనే సినిమాతో తెలుగు వెండితెరపు హీరోయిన్ గా ఎంట్రీ ఇచ్చిన ఈ ముద్దుగుమ్మ ఆ తర్వాత విజయ్ దేవరకొండ సరసన 'ద్వారకా', అల్లరి నరేష్ కి జోడిగా 'బంగారు బుల్లోడు' వంటి సినిమాల్లో నటించింది. కానీ ఈ సినిమాలు ఆమెకు పూర్తిగా నిరాశనే మిగిల్చాయి. అందం, అభినయం ఉన్నా తెలుగులో సరైన అవకాశాలను అందుకోలేకపోయింది పూజా జవేరి. చివరగా 'మాయగాడు' సినిమా తర్వాత టాలీవుడ్‌కు దూరమైంది. కానీ సోషల్ మీడియాలో మాత్రం ఎప్పటికప్పుడు అభిమానులతో టచ్ లోనే ఉంటూ వచ్చింది.

ఇక తాజాగా ఈ హీరోయిన్ పెళ్లి పీటలు ఎక్కింది. స్వయంగా తన వెడ్డింగ్ కి సంబంధించిన ఫోటోలను సోషల్ మీడియా వేదికగా అభిమానులతో పంచుకుంది. గుజరాతిలో పాపులర్ హీరోయిన్ గా గుర్తింపు తెచ్చుకున్న పూజా జవేరి ఇషాన్ సాంగ్వి అనే వ్యక్తిని పెళ్లి చేసుకుంది. తన వెడ్డింగ్ కి సంబంధించిన ఫోటోలను ఇన్ స్టాగ్రామ్ వేదికగా అభిమానులతో పంచుకున్న ఈమె ఫ్యామిలీ, ఫ్రెండ్స్, బంధుమిత్రుల సమక్షంలో తన పెళ్లి జరిగిందని.. తమను ఆశీర్వదించిన ప్రతి ఒక్కరికి కృతజ్ఞతలు తెలిపింది. 

ఇక పూజ జవేరి విషయానికొస్తే.. గుజరాతి సినిమాలతో తన కెరీర్ ని స్టార్ట్ చేసింది. ఆ తర్వాత 2015లో 'భం బోలేనాధ్' సినిమాతో టాలీవుడ్ కి ఎంట్రీ ఇచ్చింది. ఆ తర్వాత రైట్ రైట్, జగన్నాటకం, ఎల్7, ద్వారక, 47 డేస్, బంగారు బుల్లోడు, మాయగాడు వంటి సినిమాల్లో నటించింది. తెలుగులో పాటు పలు తమిళ, కన్నడ చిత్రాల్లోనూ నటించి మెప్పించింది. సినిమాలతో పాటూ బుల్లితెరపై 20కి పైగా యాడ్స్ లో నటించింది. వాటిల్లో నేచర్ పవర్ సోప్, శ్రీ కుమారన్ అండ్ జువెలర్స్ యాడ్స్ తో మంచి గుర్తింపు తెచ్చుకుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Pooja J Jhaveri (@iampoojajhaveri)