Supreme Court: ఆయుర్వేద మెడిసిన్స్ ప్రకటనలపై నిషేధం లేదు - ఐఎంఏ పిటిషన్ డిస్మిస్ చేసిన సుప్రీంకోర్టు

IMA: సాంప్రదాయ ఔషధాల ప్రకటనలను నిషేధించాలని కోరుతూ ఇండియన్ మెడికల్ అసోసియేషన్ (IMA) దాఖలు చేసిన పిటిషన్‌ను సుప్రీంకోర్టు కొట్టివేసింది.

ఆయుర్వేద మెడిసిన్స్ ప్రకటనలపై నిషేధం లేదు - ఐఎంఏ పిటిషన్ డిస్మిస్ చేసిన సుప్రీంకోర్టు

Source : PTI

Supreme Court Dismisses IMA Petition:  సాంప్రదాయ ఔషధాల తప్పుదారి పట్టించే ప్రకటనలను నిషేధించాలని కోరుతూ ఇండియన్ మెడికల్ అసోసియేషన్ (IMA) దాఖలు చేసిన పిటిషన్‌ను సుప్రీంకోర్టు కొట్టివేసింది.  సాంప్రదాయ ఔషధాలకు సంబంధించిన తప్పుదారి పట్టించే ప్రకటనలపై చర్య తీసుకోవాలని డిమాండ్ చేస్తూ ఇండియన్ మెడికల్ అసోసియేషన్ (IMA) దాఖలు చేసిన పిటిషన్‌ను ఆగస్టు 11న సుప్రీంకోర్టు కొట్టివేసింది. పతంజలి ఆయుర్వేదానికి వ్యతిరేకంగా IMA కోర్టును ఆశ్రయించినప్పుడు కేసు ప్రారంభమైంది. పిటిషన్‌లో, పతంజలి ప్రకటనలు తప్పుదారి పట్టించేవని ,  ఆధునిక వైద్యాన్ని కించపరిచేవని IMA పేర్కొంది.

ఆయుష్ మంత్రిత్వ శాఖ రూల్స్ మార్పుతో సమస్య

జూలై 1, 2024న, ఆయుష్ మంత్రిత్వ శాఖ 1945 నాటి డ్రగ్స్ అండ్ కాస్మెటిక్స్ నిబంధనలలోని 170వ నియమాన్ని తొలగించింది. ఈ నియమం ప్రకారం, ఆయుర్వేద, సిద్ధ ,  యునాని మందులను ప్రచారం చేయడానికి  రాష్ట్ర లైసెన్సింగ్ అధికారం నుండి ముందస్తు అనుమతి తప్పనిసరి. ఈ నిబంధన తొలగించడంతో  తప్పుదారి పట్టించే వాదనలను నిరోధించడంలో సవాళ్లను పెంచింది. అయితే, ఆగస్టు 2024లో, సుప్రీంకోర్టులో జస్టిస్ హిమా కోహ్లీ , జస్టిస్ సందీప్ మెహతాలతో కూడిన ధర్మాసనం 170వ నిబంధన తొలగింపుపై స్టే విధించింది. ముందస్తు అనుమతి కోసం తాత్కాలికంగా ఈ నిబంధనను పునరుద్ధరించింది.

కేంద్రం తొలగించిన నియమాన్ని తిరిగి అమలు చేయలేము: సుప్రీంకోర్టు

కేంద్రం తొలగించిన తర్వాత రాష్ట్రాలు ఈ నియమాన్ని ఎలా అమలు చేయగలవని జస్టిస్ కె.వి. విశ్వనాథన్ పిటిషన్ దారుల తరపు లాయర్లను ప్రశ్నించారు. ఐఎంఏ కోరిన ప్రధాన ఉపశమనాలు ఇప్పటికే నెరవేరినందున కేసును మూసివేయాలని జస్టిస్ బి.వి. నాగరత్న సూచించారు. కేంద్రం తొలగించిన నియమాన్ని కోర్టు తిరిగి అమలు చేయలేమని ఆమె అన్నారు.

గత విచారణలలో, పతంజలి తప్పుదారి పట్టించే ప్రకటనలు, నియంత్రణ అధికారులు పట్టించుకోకపోవడం, బాబా రాందేవ్ , ఆచార్య బాల్కృష్ణ దిద్దుబాటు చర్యలపై కోర్టు దృష్టి సారించింది. పతంజలిపై సుప్రీంకోర్టు ధిక్కార చర్యలను ప్రారంభించింది, తరువాత కంపెనీ పదేపదే క్షమాపణలు చెప్పిన తర్వాత వాటిని ముగించారు. ప్రకటనలపై నిషేధం విధించడం వల్ల   ఆయుష్ ఔషధాల తయారీ అనుమతులు మంజూరు చేయడం అన్యాయమైన వాణిజ్య పద్ధతులను ప్రోత్సహించవచ్చని కూడా కోర్టు హెచ్చరించింది.

 

మరిన్ని చదవండి

వ్యాపారంతో పాటు సమాజ బాధ్యత - భారత వ్యాపార రంగంలో ఆయుర్వేద దిగ్గజం ప్రత్యేకత

భవిష్యత్ తరాల కోసం ప్రకృతి సంరక్షణ - పతంజలి పర్యావరణ పరిరక్షణ ప్రయత్నాలకు గుర్తింపు