Stock Market News: కొద్దిగా తగ్గాయ్‌! 61,900 పైనే సెన్సెక్స్‌ - డాక్టర్‌ రెడ్డీస్‌ షేర్లు విలవిల!

Stock Market Closing 11 May 2023: 

స్టాక్‌ మార్కెట్లు గురువారం ఫ్లాట్‌గా ముగిశాయి. హై లెవల్స్‌లో కన్సాలిటేడ్‌ అయ్యే క్రమంలో స్వల్పంగా నష్టపోయాయి. ఆసియా, అంతర్జాతీయ మార్కెట్ల నుంచి మిశ్రమ సంకేతాలు వచ్చాయి. ఎన్‌ఎస్‌ఈ నిఫ్టీ (NSE Nifty) 18 పాయింట్లు తగ్గి 18,297 బీఎస్‌ఈ సెన్సెక్స్‌ (BSE Sensex) 35 పాయింట్లు తగ్గి 61,904 వద్ద ముగిశాయి. డాలర్‌తో పోలిస్తే రూపాయి 11 పైసలు బలహీనపడి 82.09 వద్ద స్థిరపడింది.

BSE Sensex (బీఎస్ఈ సెన్సెక్స్)

క్రితం సెషన్లో 61,940 వద్ద ముగిసిన బీఎస్‌ఈ సెన్సెక్స్‌ నేడు 61,940 వద్ద మొదలైంది. 61,823 వద్ద ఇంట్రాడే కనిష్ఠాన్ని తాకింది. 62,168 వద్ద ఇంట్రాడే గరిష్ఠాన్ని అందుకుంది. మొత్తంగా 35 పాయింట్ల నష్టంతో 61,904 వద్ద ముగిసింది.

NSE Nifty (ఎన్ఎస్ఈ నిఫ్టీ)

బుధవారం 18,315 వద్ద ముగిసిన ఎన్‌ఎస్‌ఈ నిఫ్టీ గురువారం 18,357 వద్ద ఓపెనైంది. 18,270 వద్ద ఇంట్రాడే కనిష్ఠాన్ని చేరుకుంది. 18,389 వద్ద ఇంట్రాడే గరిష్ఠాన్ని అందుకుంది. చివరికి 18 పాయింట్లు తగ్గి 18,297 వద్ద క్లోజైంది.

Nifty Bank (బ్యాంకు నిఫ్టీ)

నిఫ్టీ బ్యాంక్‌ లాభపడింది. ఉదయం 43,535 వద్ద మొదలైంది. 43,367 వద్ద ఇంట్రాడే కనిష్ఠాన్ని తాకింది. 43,774 వద్ద ఇంట్రాడే గరిష్ఠాన్ని అందుకుంది. ఆఖరికి 144 పాయింట్లు పెరిగి 43,475 వద్ద స్థిరపడింది.

Gainers and Lossers (టాప్ గెయినర్స్, టాప్ లాసర్స్)

నిఫ్టీ 50లో 29 కంపెనీలు లాభాల్లో 21 నష్టాల్లో ఉన్నాయి. అదానీ ఎంటర్‌ప్రైజెస్‌, ఏసియన్‌ పెయింట్స్‌, హిందుస్థాన్‌ యునీలివర్‌, అదానీ పోర్ట్స్‌, ఎన్‌టీపీసీ షేర్లు లాభపడ్డాయి. డాక్టర్‌ రెడ్డీస్‌, ఎల్‌టీ, హిందాల్కో, జేఎస్‌డబ్ల్యూ స్టీల్, దివిస్‌ ల్యాబ్‌ షేర్లు నష్టపోయాయి. మెటల్‌, ఫార్మా, హెల్త్‌కేర్‌ సూచీలు ఎరుపెక్కాయి. బ్యాంకు, ఫైనాన్స్‌, ఐటీ, మీడియా, పీఎస్‌యూ బ్యాంక్‌, ప్రైవేటు బ్యాంక్‌, ఆయిల్‌ అండ్‌ గ్యాస్‌ సూచీలు ఎగిశాయి.

బంగారం, వెండి ధరలు (Gold, Silver Prices)

నేడు విలువైన లోహాల ధరలు తగ్గాయి. 24 క్యారెట్ల స్వచ్ఛమైన బంగారం 10 గ్రాముల ధర రూ.62,130గా ఉంది. కిలో వెండి రూ.400 తగ్గి రూ.77,600 వద్ద కొనసాగుతోంది. ప్లాటినం 10 గ్రాముల ధర రూ.1090 పెరిగి రూ.29,260 వద్ద ఉంది.

Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.

SENSEX derivatives contract is relaunching on 15th May, 2023, with a unique Friday expiry and lower lot size. #SENSEX #Derivatives #FridayExpiry #LowerLotSize pic.twitter.com/Q121t9Kx5V

— BSE India (@BSEIndia) May 11, 2023

Innokaiz India Ltd., 435th company on #BSESME Platform got listed today. Shri Balakrishnan Sukumarbalakrishnan, MD, Innokaiz India Limited along with
Shri Ajay Thakur, Head SME & Startups, BSE rang the #BSEBell mark the listing. pic.twitter.com/jT0iG5xTMw

— BSE India (@BSEIndia) May 11, 2023