Stock Market News: 18,600 కిందకు నిఫ్టీ - సెన్సెక్స్‌ 223 పాయింట్లు ఫాల్‌, పెరిగిన రూపాయి

Stock Market Closing 09 June 2023: 

స్టాక్‌ మార్కెట్లు వరుసగా రెండో సెషన్లో ఎరుపెక్కాయి. శుక్రవారం మోస్తరు నష్టాల్లో ముగిశాయి. గ్లోబల్‌ మార్కెట్ల నుంచి నెగెటివ్‌ సిగ్నల్స్‌ అందాయి. ఎన్‌ఎస్‌ఈ నిఫ్టీ (NSE Nifty) 71 పాయింట్లు తగ్గి 18,563 బీఎస్‌ఈ సెన్సెక్స్‌ (BSE Sensex) 223 పాయింట్లు తగ్గి 62,625 వద్ద ముగిశాయి. ఉదయం నుంచీ ఊగిసలాడిన సూచీలు ఐరోపా మార్కెట్ల తర్వాత పడ్డాయి. డాలర్‌తో పోలిస్తే రూపాయి 11 పైసలు లాభపడి 82.46 వద్ద స్థిరపడింది.

BSE Sensex (బీఎస్ఈ సెన్సెక్స్)

క్రితం సెషన్లో 62,848 వద్ద ముగిసిన బీఎస్‌ఈ సెన్సెక్స్‌ నేడు 62,810 వద్ద మొదలైంది. 62,594 వద్ద ఇంట్రాడే కనిష్ఠాన్ని తాకింది. 62,992 వద్ద ఇంట్రాడే గరిష్ఠాన్ని అందుకుంది. చివరికి 223 పాయింట్ల నష్టంతో 62,625 వద్ద ముగిసింది.

NSE Nifty (ఎన్ఎస్ఈ నిఫ్టీ)

గురువారం 18,634 వద్ద ముగిసిన ఎన్‌ఎస్‌ఈ నిఫ్టీ శుక్రవారం 18,655 వద్ద ఓపెనైంది. 18,555 వద్ద ఇంట్రాడే కనిష్ఠాన్ని చేరుకుంది. 18,676 వద్ద ఇంట్రాడే గరిష్ఠాన్ని అందుకుంది. మొత్తంగా 71 పాయింట్లు తగ్గి 18,563 వద్ద క్లోజైంది.

Nifty Bank (బ్యాంకు నిఫ్టీ)

నిఫ్టీ బ్యాంక్‌ నష్టపోయింది. ఉదయం 44,045 వద్ద మొదలైంది. 43,932 వద్ద ఇంట్రాడే కనిష్ఠాన్ని తాకింది. 44,220 వద్ద ఇంట్రాడే గరిష్ఠాన్ని అందుకుంది. సాయంత్రం 6 పాయింట్లు తగ్గి 43,989 వద్ద క్లోజైంది.

Gainers and Lossers (టాప్ గెయినర్స్, టాప్ లాసర్స్)

నిఫ్టీ 50లో 17 కంపెనీలు లాభాల్లో 33 నష్టాల్లో ఉన్నాయి. ఇండస్‌ఇండ్‌ బ్యాంక్‌, యాక్సిస్‌ బ్యాంక్‌, పవర్‌ గ్రిడ్‌, అదానీ ఎంటర్‌ప్రైజెస్‌, ఎల్‌టీ షేర్లు లాభపడ్డాయి. హీరో మోటో, హెచ్‌డీఎఫ్‌సీ లైఫ్, దివిస్‌ ల్యాబ్‌, ఐచర్‌ మోటార్‌, టాటా స్టీల్‌ షేర్లు నష్టపోయాయి. ప్రైవేటు బ్యాంకు, రియాల్టీ మినహా అన్ని రంగాల సూచీలు ఎరుపెక్కాయి. ఆటో, ఎఫ్‌ఎంసీజీ, ఐటీ, మీడియా, పీఎస్‌యూ బ్యాంక్‌, కన్జూమర్‌ డ్యురబుల్స్‌ సూచీలు ఎక్కువ నష్టపోయాయి.

బంగారం, వెండి ధరలు (Gold, Silver Prices)

నేడు విలువైన లోహాల ధరలు పెరిగాయి. 24 క్యారెట్ల స్వచ్ఛమైన బంగారం 10 గ్రాముల ధర రూ.430 పెరిగి రూ.60,650గా ఉంది. కిలో వెండి రూ.1100 పెరిగి రూ.74,500 వద్ద కొనసాగుతోంది. ప్లాటినం 10 గ్రాముల ధర రూ.140 తగ్గి రూ.26,910 వద్ద ఉంది.

Also Read: పేటీఎం 'కరో.. కరో.. కరో జల్సా'! వారంలో 22% గెయిన్‌ - 10 నెలల గరిష్ఠానికి షేర్లు!

Disclaimer: ఈ వార్త కేవలం సమాచారం కోసం మాత్రమే. మ్యూచువల్‌ ఫండ్లు, స్టాక్‌ మార్కెట్‌, క్రిప్టో కరెన్సీ, షేర్లు, ఫారెక్స్‌, కమొడిటీల్లో పెట్టే పెట్టుబడులు ఒడుదొడుకులకు లోనవుతుంటాయి. మార్కెట్‌ పరిస్థితులను బట్టి ఆయా పెట్టుబడి సాధనాల్లో రాబడి మారుతుంటుంది. ఫలానా మ్యూచువల్‌ ఫండ్‌, స్టాక్‌, క్రిప్టో కరెన్సీలో పెట్టుబడి పెట్టాలని లేదా ఉపసంహరించుకోవాలని 'abp దేశం' చెప్పడం లేదు. పెట్టుబడి పెట్టే ముందు, లేదా ఉపసంహరించుకునే ముందు అన్ని వివరాలు పరిశీలించడం ముఖ్యం. అవసరమైతే సర్టిఫైడ్‌ ఫైనాన్షియల్‌ అడ్వైజర్ల నుంచి సలహా తీసుకోవడం మంచిది.

Deal only with SEBI registered stockbrokers and transfer funds only to their registered client bank accounts! To know more: https://t.co/jnYKAwNh9g#NSE #NSEIndia #InvestorAwareness #ClientBankAccounts pic.twitter.com/hvbQ32YDeb

— NSE India (@NSEIndia) June 9, 2023

Congratulations to Sigma Solve Limited on migrating from NSE Emerge to NSE Mainboard today.#NSE #Listing #IPO #NSEIndia #StockMarket #ShareMarket #BellRinging #NSEBell #SigmaSolveLimited @ashishchauhan pic.twitter.com/pKVN5Me5tR

— NSE India (@NSEIndia) June 9, 2023