Arijit Singh: అర్జిత్ సింగ్ రిటైర్మెంట్ వెనుక అసలు కారణం ఇదేనా? న్యూమరాలజీ ఏం చెబుతోంది!
Numerology: బాలీవుడ్ గాయకుడు అర్జిత్ సింగ్ రిటైర్మెంట్ వార్త ట్రెండింగ్ లో ఉంది. ఇంత అకస్మాత్తు నిర్ణయం తీసుకోవడం వెనుక ఆయన జన్మించిన తేదీ ప్రభావం కూడా ఉందంటున్నారు జ్యోతిష్య శాస్త్ర నిపుణులు
Arijit Singh: బాలీవుడ్ సినీ గాయకుడు అర్జిత్ సింగ్ రిటైర్మెంట్ వార్త అందరినీ ఆశ్చర్యపరిచింది. జనవరి 27 రాత్రి అర్జిత్ సింగ్ స్వయంగా తన సోషల్ మీడియాలో ఒక పోస్ట్ ద్వారా ఈ సమాచారాన్ని పంచుకున్నారు. ప్లేబ్యాక్ సింగింగ్ కి రైటైర్మెంట్ ప్రకటిస్తున్నానంటూ అందుకు కారణం కూడా చెప్పారు. తన నిర్ణయానికి అనేక కారణాలు ఉన్నాయని...ఒకే రకమైన ట్యూన్లు , పాటలపై పనిచేసేందుకు ఇక ఆసక్తి లేదన్నారు. అయితే బాలీవుడ్ లో స్టార్ సింగర్ గా వెలుగుతున్న సమయంలో అర్జిత్ సింగ్ ఎందుకు ఇలాంటి నిర్ణయం తీసుకున్నారు? అందుకు కారణం న్యూమరాలజీ ప్రకారం ఆయన నంబర్ 7 కావడం..ఆ నంబర్ ని పాలించే గ్రహం కేతువు కావడమే అంటున్నారు జ్యోతిష్య శాస్త్ర పండితులు అనిష్ వ్యాస్.
ఏ నెలలోనైనా 7, 16 లేదా 25 తేదీల్లో జన్మించిన వారి సంక్య 7 అవుతుంది. 7 సంఖ్య ఉన్నవారు ఇతరులు తమ గురించి లేదా వారి నిర్ణయాల గురించి ఏమనుకుంటున్నారో పట్టించుకోరు. ఈ వ్యక్తులు ఒక నిర్ణయం తీసుకున్నప్పుడు, దాని వెనుక ఒక నిర్దిష్ట కారణం ఉంటుంది, అది సమయం వచ్చినప్పుడు స్పష్టంగా కనిపిస్తుంది. చెప్పాలి అనుకున్న విషయాన్ని సూటిగా , స్పష్టంగా చెప్పేస్తారు. ఆ నిర్ణయం వెనుక ఎలాంటి రూమర్స్ కి అవకాశం ఇవ్వరు. ఈ తేదీల్లో జన్మించినవారు తమ వ్యక్తిగత జీవితం గురించి ఎవ్వరితోనూ పంచుకోరు.
సంఖ్యాశాస్త్రం ప్రకారం 7 నంబర్ కేతువుకి సంబంధించినది..కేతువు అంటే తల ఉండదు..మొండెం మాత్రమే ఉంటుంది. అంటే సంఖ్యాశాస్త్రం ప్రకారం 7 నంబర్ కి చెందిన వ్యక్తులు హృదయంతో నిర్ణయం తీసుకుంటారని దీనివెనుకున్న ఆంతర్యం. 7వ నంబర్ వ్యక్తులకు బయటి ప్రపంచంతో పరిమిత సంబంధం ఉంటుంది. వారు ఎలాంటి ప్రదర్శనను ఇష్టపడరు. వారి స్వంత ఆలోచనలకు ప్రాధాన్యత ఇస్తూ తమ ఆలోచనలను సులభంగా పంచుకోవడానికి ఇష్టపడరు, ఈ లక్షణం అర్జిత్ సింగ్ లోనూ స్పష్టంగా కనిపిస్తుంది.
7వ సంఖ్య ఉన్న వ్యక్తులు మంచి ప్రణాళికలు వేసుకుంటారు. వారు తమ ప్రణాళికలు పూర్తయ్యే వరకు గోప్యంగా ఉంచడానికి ఇష్టపడతారు. వారు భవిష్యత్ కి చాలా ప్రాధాన్యత ఇస్తారు. ఎవరి నీడగా ఉండేందుకు అస్సలు ఆసక్తి చూపించరు. ఇప్పుడు అర్జిత్ సింగ్ బాలీవుడ్ కి రిటైర్మెంట్ ప్రకటించడం అంటే రిటైర్ అవుతున్నారని అంతా భావిస్తున్నారు...కానీ తన భవిష్యత్ ప్రణాళికలు వేరే ఉంటాయంటున్నారు సంఖ్యాశాస్త్ర నిపుణులు
పంజాబ్ కి చెందిన సంగీత కాళాకారుల కుటుంబంలో జన్మించిన అర్జిత్ సింగ్.. గురుకుల్ రియాలిటీ షో తో పాపులార్టీ సంపాదించుకున్నారు. సంజయ్ లీలా బన్సాలీ సినిమాలో మొదటి అవకాశం దక్కినా..సినిమా విడుదల సమయానికి ఆ పాట లేదు. ఆ తర్వాత టిప్స్ కంపెనీతో కుదిరిన ఓ ఒప్పందం వెంటనే రద్దైంది.కెరీర్ ఆరంభంలోనే రెండు బ్రేక్ లు పడినా బాధపడలేదు..ముంబైకి చేరుకుని ఆల్బమ్ చేసుకున్నారు. మర్డర్ 2 లో అవకాశం వచ్చింది..ఆషికి 2 తర్వాత తిరిగి చూసుకోవాల్సిన అవసరం రాలేదు. రెండు దశాబ్థాలుగా బాలీవుడ్ లో వెలుగుతున్న అర్జిత్ సింగ్ ప్రస్తుతం 13 సినిమాలకు సైన్ చేశారు. అవి పూర్తైన తర్వాత కొత్త ప్రాజెక్టులు అంగీకరించేదిలేదని స్పష్టంగా చెప్పేశారు. స్టేజ్ షోస్, ఆల్బమ్స్ చేస్తానని చెప్పారు అర్జిత్ సింగ్.
గమనిక: ఇక్కడ అందించిన సమాచారం కేవలం నమ్మకాలపై ఆధారపడి ఉంటుంది. పండితులు చెప్పిన వివరాలు, పంచాంగం నుంచి సేకరించి అందించిన వివరాలు ఇవి. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.
టాప్ హెడ్ లైన్స్
ట్రెండింగ్ వార్తలు
